ಅಪೊಸ್ತಲ 4:14 - ಕೊಡವ ಬೈಬಲ್

¹⁴ ವಾಸಿಯಾನ ಆ ಮನುಷ್ಯ, ಪೇತ್ರ ಪಿಂಞ ಯೋಹಾನಂಡ ಪಕ್ಕ ನಿಂದಂಡಿಂಜಗುಂಡ್, ಅಯಿಂಗಕ್ ವಿರೋದವಾಯಿತ್ ಒಂದು ಎಣ್ಣ್‌ವಕ್ ಕಯ್ಯತೆ ಆಚಿ.

ಅಪೊಸ್ತಲ 4:14 ပူးပေါင်းရင်းမြစ်များ

ಅಪೊಸ್ತಲ 19:36

ಆನಗುಂಡ್, ಈ ಸಂಗತಿ ಅಲ್ಲಾಂದ್ ಎಣ್ಣುವಕ್ ದಾರ್‌ಕು ಆಕತಗುಂಡ್ ನಿಂಗ ಶಾಂತಿಯಾಯಿತಿರಂಡು, ಮುಂಡತೆ ಬೆರಿಯ ದುಡ್‍ಕಿತ್ ಒಂದು ಮಾಡ್‌ವಕ್ಕಾಗ.

ಅಪೊಸ್ತಲ 4:10

ನಿಂಗಕ್ ಪಿಂಞ ಇಸ್ರಾಯೇಲ್ ಜನ ಎಲ್ಲಾರ್‌ಕು ಅರಿಚಿಡುವದ್ ಎಂತ ಎಣ್ಣ್‌ಚೇಂಗಿ: ನಿಂಗಡಗುಂಡ್ ಶಿಲುಬೇಕ್ ಇಟ್ಟಿತ್ ಪಿಂಞ ದೇವ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ನ ನಜರೇತ್‍ರ ಯೇಸು ಕ್ರಿಸ್ತಂಡ ಪೆದತ್ಂಜಲೇ ಈ ಮನುಷ್ಯ ವಾಸಿಯಾಯಿತ್ ನಿಂಗಡ ಮಿಂಞತ್ ನಿಂದಿತುಂಡ್‍ೕಂದ್ ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 4:13

ಪೇತ್ರ ಪಿಂಞ ಯೋಹಾನ ದೈರ್ಯತ್‍ಲ್ ತಕ್ಕ್ ಪರಿವಾನ ಅಯಿಂಗ ನೋಟಿತ್, ಈಂಗ ವಿದ್ಯ ಇಲ್ಲತಯಿಂಗಳು, ಸಾದಾರಣ ಮನುಷ್ಯಂಗಾಂದು ಗೊತ್ತಾಯಿತ್ ಆಶ್ಚರ್ಯಪಟ್ಟಿತ್, ಈಂಗ ಯೇಸುರ ಕೂಡೆ ಇಂಜಯಿಂಗಾಂದ್ ಅಯಿಂಗಕ್ ಗೊತ್ತಾಚಿ.

ಅಪೊಸ್ತಲ 4:15

ಅಕ್ಕ ಅಯಿಂಗಳ ಆ ಸಬೇಯಿಂಜ ಪೊರಮೆ ಪೋಪಕ್ ಅಪ್ಪಣೆ ಕೊಡ್‌ತಿತ್, ಅಯಿಂಗಯಿಂಗಳೇ ಆಲೋಚನೆ ಮಾಡ್‍ಚಿ.

ಅಪೊಸ್ತಲ 4:16

ಈ ಮನುಷ್ಯಂಗಳ ನಂಗ ಎಂತ ಮಾಡನ? ಯೆರೂಸಲೇಮ್‍ಲ್ ವಾಸ ಉಳ್ಳ ಎಲ್ಲಾ ಜನಕು ಗೊತ್ತಾಪನೆಕೆ ಒರ್ ಬಲ್ಯ ಅದ್ಬುತ ಕಾರ್ಯತ್‍ನ ಮಾಡಿರ್‌ತ್, ಅದ್‍ನ ಇಲ್ಲೇಂದ್ ನಂಗ ಎಣ್ಣುವಕ್ ಕಯ್ಯುಲೆ.

ಅಪೊಸ್ತಲ 4:21

ಅಲ್ಲಿ ಆನ ಅದ್ಬುತ ಕಾರ್ಯಕಾಯಿತ್ ಜನ ದೇವನ ತುದಿಚಂಡ್ ಇಂಜಗುಂಡ್, ಎನ್ನನೆ ಶಿಕ್ಷೆ ಕೊಡ್‍ಕಂಡೂಂದ್ ಗೊತ್ತಿಲ್ಲತೆ, ಅಯಿಂಗಳ ಇಂಞು ಬೊತ್ತಿಚಿಟ್ಟ್‌ರ್‍ವಂಜಿ ಬುಟ್ಟ್‌ರ್‌ತ್.