ಅಪೊಸ್ತಲ 4:13 - ಕೊಡವ ಬೈಬಲ್

¹³ ಪೇತ್ರ ಪಿಂಞ ಯೋಹಾನ ದೈರ್ಯತ್‍ಲ್ ತಕ್ಕ್ ಪರಿವಾನ ಅಯಿಂಗ ನೋಟಿತ್, ಈಂಗ ವಿದ್ಯ ಇಲ್ಲತಯಿಂಗಳು, ಸಾದಾರಣ ಮನುಷ್ಯಂಗಾಂದು ಗೊತ್ತಾಯಿತ್ ಆಶ್ಚರ್ಯಪಟ್ಟಿತ್, ಈಂಗ ಯೇಸುರ ಕೂಡೆ ಇಂಜಯಿಂಗಾಂದ್ ಅಯಿಂಗಕ್ ಗೊತ್ತಾಚಿ.

ಅಪೊಸ್ತಲ 4:13 ပူးပေါင်းရင်းမြစ်များ

ಮತ್ತಾಯ 11:25

ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ.

ಮತ್ತಾಯ 26:71

ಪಿಂಞ ಅಂವೊ ಪೊರಮೆ ಬಾಯಿಕಂಡಿಕ್ ಪೋಚಿ. ಬಯ್ಯ ಇಂಞೊರ್ ಪಣಿಕರ್ತಿ ಬಂದಿತ್, ಈ ಮನುಷ್ಯ, ನಜರೇತ್‍ಕಾರನಾನ ಯೇಸುರ ಕೂಡೆ ಇಂಜತ್‍ೕಂದ್ ಎಣ್ಣ್‌ಚಿ.

ಮತ್ತಾಯ 26:73

ಚೆನ್ನ ನೇರ ಕಯಿಂಜ ಪಿಂಞ ಅಲ್ಲಿ ನಿಂದಂಡಿಂಜ ಚೆನ್ನ ಜನ ಪೇತ್ರಂಡ ಪಕ್ಕ ಬಂದಿತ್ ನೇರಾಯಿತ್ ನೀನ್ ಅಯಿಂಗಡಲ್ಲಿ ಒಬ್ಬೊನಾಯಿತ್ ಇಕ್ಕು. ನೀಡ ತಕ್ಕ್ ನಿನ್ನ ಕಾಟಿ ಕೊಡ್‍ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:8

ಅಕ್ಕ ಯೇಸು, ಪೇತ್ರ ಪಿಂಞ ಯೋಹಾನನ ಕಾಕುವಂಜಿ: ನಂಗ ತಿಂಬಕಾಯಿತ್ ಪಸ್ಕ ನಮ್ಮೆಕ್ ಉಂಬಕುಳ್ಳದ್‍ನ ತಯಾರ್ ಮಾಡೀಂದ್ ಎಣ್ಣ್‌ಚಿ.

ಯೋಹಾನ 19:26

ಅಕ್ಕ, ಯೇಸು ತಾಂಡ ಅವ್ವ ಪಿಂಞ ಅಂವೊಂಡ ಪ್ರೀತಿರ ಶಿಷ್ಯನ ಕಂಡತ್. ಯೇಸು ಅಂವೊಂಡ ಅವ್ವನ ನೋಟಿತ್: ಅವ್ವ, ನೋಟಿ, ಅಂವೊನೇ ನೀಡ ಮೋಂವೋಂದ್ ಎಣ್ಣ್‌ಚಿ.

ಯೋಹಾನ 7:15

ಯೇಸು ಬೋದನೆ ಮಾಡ್‌ವಾನ ಕ್‍ೕಟಿತ್, ಇಂವೊ ಪಡಿಚಿತ್‌ಲ್ಲೆ, ಆಚೇಂಗಿಯು, ದೇವಡ ವಾಕ್ಯತ್‍ನ ಇಚ್ಚಕ್ ಚಾಯಿತೆ ಎನ್ನನೆ ಬೋದನೆ ಮಾಡ್‌ವಾಂದ್ ಯೆಹೂದ್ಯಂಗಡ ಅದಿಕಾರಿಯಂಗ ದುಂಬ ಆಶ್ಚರ್ಯತ್‍ಲ್ ಕ್‍ೕಟತ್.

ಯೋಹಾನ 7:49

ನ್ಯಾಯಪ್ರಮಾಣತ್‍ನ ಗೊತ್ತಿಲ್ಲತ ಈಂಗ ಶಾಪತ್‍ಲ್ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 4:14

ವಾಸಿಯಾನ ಆ ಮನುಷ್ಯ, ಪೇತ್ರ ಪಿಂಞ ಯೋಹಾನಂಡ ಪಕ್ಕ ನಿಂದಂಡಿಂಜಗುಂಡ್, ಅಯಿಂಗಕ್ ವಿರೋದವಾಯಿತ್ ಒಂದು ಎಣ್ಣ್‌ವಕ್ ಕಯ್ಯತೆ ಆಚಿ.

ಅಪೊಸ್ತಲ 4:19

ಆಚೇಂಗಿ ಪೇತ್ರ ಪಿಂಞ ಯೋಹಾನ ಅಯಿಂಗಕ್: ದೇವಡ ತಕ್ಕ್‌ಕ್ ಬಗ್ಗಿತ್ ನಡ್‍ಕತೆ ನಿಂಗಡ ತಕ್ಕ್‌ಕ್ ಬಗ್ಗಿತ್ ನಡ್‍ಪದ್ ದೇವಡ ಮಿಂಞತ್ ನ್ಯಾಯವಾಂದ್ ನಿಂಗಳೇ ಗೇನ ಮಾಡಿ.

ಅಪೊಸ್ತಲ 4:29

ಆಚೇಂಗಿ ಇಕ್ಕ ಒಡೆಯನೇ, ಅಯಿಂಗ ನಂಗಳ ಬೊತ್ತ್‌ಚಿಟ್ಟದ್‍ನ ನೀನ್ ನೋಟಿತ್, ನೀಡ ಸೇವಕಂಗಳಾನ ನಂಗಕ್ ನೀಡ ವಾಕ್ಯತ್‍ನ ಬೋದನೆ ಮಾಡ್‌ವಕ್ ದೈರ್ಯ ಕೊಡ್.

ಅಪೊಸ್ತಲ 4:31

ಇನ್ನನೆ ಅಯಿಂಗ ಪ್ರಾರ್ಥನೆ ಮಾಡ್‌ವಕ, ಅಯಿಂಗ ಕೂಡಿತ್ಂಜ ಜಾಗ ಅಲ್ಲಾಡ್‌ಚಿ. ಅಯಿಂಗ ಎಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ದೇವಡ ವಾಕ್ಯತ್‍ನ ದೈರ್ಯತ್‍ಲ್ ಎಣ್ಣ್‌ಚಿ.

ಅಪೊಸ್ತಲ 9:27

ಆಚೇಂಗಿ ಬಾರ್ನಬ ಅಂವೊನ ಕೂಟಿಯಂಡ್, ಅಪೊಸ್ತಲಂಗಡ ಪಕ್ಕ ಕಾಕಿಯಂಡ್ ಪೋಚಿ. ಬಾರ್ನಬ, ಅಯಿಂಗಕೆಲ್ಲ ಸೌಲ ಎನ್ನನೆ ಒಡೆಯನ ಬಟ್ಟೇಲ್ ಕಂಡತ್‍ೕಂದೂ, ಒಡೆಯ ಅಂವೊಂಡ ಕೂಡೆ ತಕ್ಕ್ ಪರ್ಂದದನೂ ಎಣ್ಣ್‌ಚಿ. ಅದಲ್ಲತೆ ದಮಸ್ಕತ್‍ಲ್ ಯೇಸುರ ಪೆದತ್‍ಲ್ ಇಂವೊ ದೈರ್ಯತ್‍ಲ್ ತಕ್ಕ್ ಪರ್ಂದದ್‍ನ ಸಹ ಅಯಿಂಗಕ್ ವಿವರಿಚಿಟ್ಟತ್.

ಅಪೊಸ್ತಲ 9:28

ಅಲ್ಲಿಂಜ ಅಂವೊ ಅಪೊಸ್ತಲಂಗಡ ಕೂಡೆ ಇಂಜಂಡ್, ಯೆರೂಸಲೇಮ್‍ಲ್ ಎಲ್ಲಾ ಜಾಗಕು ಒರ್ ತೊಂದರೆಯು ಇಲ್ಲತೆ ಪೋಯಂಡ್ ಬಂದಂಡ್ ಒಡೆಯಂಡ ಪೆದತ್‍ಲ್ ದೈರ್ಯತ್‍ಲ್ ಪ್ರಸಂಗ ಮಾಡಿಯಂಡ್,

1 ಕೊರಿಂಥ 1:27

ಆಚೇಂಗಿ, ದೇವ ಜ್ಞಾನಿಯಳ ಞಾಣ ಪಡ್‍ತ್‍ವಕಾಯಿತ್, ಈ ಲೋಕತ್‍ಲ್ ಮೂಡಂಗಳ ಗೊತ್ತ್ ಮಾಡಿಯಂಡತ್. ಬಲಶಾಲಿಯಳ ಞಾಣ ಪಡ್‍ತ್‍ವಕಾಯಿತ್, ಈ ಲೋಕತ್‍ಲ್ ಬಲಹೀನವಾಯಿತುಳ್ಳಯಿಂಗಳ ಗೊತ್ತ್ ಮಾಡಿಯಂಡತ್.

1 ಕೊರಿಂಥ 14:25

ಅಕ್ಕ ಅಂವೊ ಮಾಡ್‍ನ ಪಾಪ ದಾರ್‌ಕು ಗೊತ್ತ್‌ಲ್ಲೇಂದ್ ಗೇನ ಮಾಡ್‍ನದ್ ದೇವಕ್ ಗೊತ್ತುಂಡೂಂದ್ ಅರ್ಥ ಮಾಡಿಯಂಡ್, ದೇವಡ ಕಾಲ್‌ಕ್ ಬೂವಂಜಿ ಆರಾದನೆ ಮಾಡ್‌ವ ಪಿಂಞ ನೇರಾಯಿತು ದೇವ ನಿಂಗಡ ಮದ್ಯತ್‍ಲ್ ಉಂಡ್‍ೕಂದ್ ಎಣ್ಣುವ.

2 ಕೊರಿಂಥ 3:12

ನಂಗಕ್ ಇಚ್ಚಕ್ ನಿರೀಕ್ಷೆ ಉಳ್ಳಾಂಗ್, ನಂಗ ದುಂಬ ದೈರ್ಯ ಉಳ್ಳಯಿಂಗಳಾಯಿತುಂಡ್.