ಅಪೊಸ್ತಲ 4:1 - ಕೊಡವ ಬೈಬಲ್

¹ ಪೇತ್ರ ಪಿಂಞ ಯೋಹಾನ, ಜನಡ ಪಕ್ಕ ಇಂಞು ತಕ್ಕ್ ಪರ್‌ದಂಡ್ ಇಪ್ಪಕ, ಯಾಜಕಂಗ ಪಿಂಞ ದೇವಾಲಯತ್‍ರ ಸೇನೆ ಅದಿಕಾರಿಯ ಪಿಂಞ ಸದ್ದುಕಾಯಂಗ ಅಲ್ಲಿಕ್ ಬಾತ್.

ಅಪೊಸ್ತಲ 4:1 ပူးပေါင်းရင်းမြစ်များ

ಮತ್ತಾಯ 16:12

ಅಲ್ಲಿಂಜ, ಯೇಸು ಒಟ್ಟಿಕ್ ಇಡ್‌ವ ಈಸ್ಟ್‌ರ ವಿಷಯತ್ ತಕ್ಕ್ ಪರಿಯತೆ ಫರಿಸಾಯ ಪಿಂಞ ಸದ್ದುಕಾಯಂಗಡ ಬೋದನೆರ ವಿಷಯತ್ ಎಚ್ಚರವಾಯಿತ್ ಇಪ್ಪಕ್ ಎಣ್ಣ್‌ಚೀಂದ್ ಶಿಷ್ಯಂಗಕ್ ಗೊತ್ತಾಚಿ.

ಮತ್ತಾಯ 22:16

ಅಯಿಂಗ ಹೆರೋದ ರಾಜಂಡ ಜನಡ ಕೂಡೆ ಅಯಿಂಗಡ ಶಿಷ್ಯಂಗಳ ಅಯಿಚತ್. ಅಯಿಂಗ ಬಂತ್, ಉಪಾದ್ಯನೇ, ನೀನ್ ಸತ್ಯ ಉಳ್ಳಂವೊನು, ದೇವಡ ಚಿತ್ತತ್‍ರ ವಿಷಯತ್ ಜನಕ್ ಸತ್ಯವಾಯಿತ್ ಬೋದನೆ ಮಾಡ್‍ವಿಯಾಂದೂ, ದಾರ್‌ಕು ಬೊತ್ತ್‌ವಂವೊ ಅಲ್ಲಾಂದು, ಪಕ್ಷಪಾತ ಇಲ್ಲತಂವೋಂದು ನಂಗಕ್ ಗೊತ್ತುಂಡ್.

ಮತ್ತಾಯ 27:20

ಆಂಡಡೆಲ್ ಮುಕ್ಯ ಯಾಜಕಂಗಳು ಜನಡ ಪೆರಿಯಯಿಂಗಳು ಬರಬ್ಬನ ಬುಡುವಕು ಯೇಸುನ ಕೊಲ್ಲ್‌ವಕು ಜನಕ್ ಎಣ್ಣಿ ಕೊಡ್‍ತತ್.

ಮತ್ತಾಯ 27:41

ಅನ್ನನೆ, ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಪೆರಿಯಯಿಂಗ ಹಿಯಾಳ್‌ಚಿಟ್ಟಿತ್:

ಮತ್ತಾಯ 3:7

ದುಂಬ ಫರಿಸಾಯಂಗ ಪಿಂಞ ಸದ್ದುಕಾಯಂಗ, ಯೋಹಾನಂಡ ಪಕ್ಕ ದೀಕ್ಷಾಸ್ನಾನ ಎಡ್‌ಪಕಾಯಿತ್ ಬಂದಂಡುಳ್ಳದ್‌ನ ಕಂಡಿತ್: ಕ್ಯಾರೆಬಳೆ ಮುರಿಪಾಂಬ್ ಜಾತಿಯಳೇ! ದೇವಡ ಚೆಡಿಯಿಂಜ ಬಚಾವಾಪಕ್ ಕಯ್ಯೂಂದ್ ನಿಂಗಕ್ ದಾರ್ ಎಣ್ಣಿ ಕೊಡ್‍ತತ್?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:1

ಒರ್ ದಿವಸ ಯೇಸು ದೇವಾಲಯತ್‍ಲ್ ಜನಕ್ ಬೋದನೆ ಕೊಡ್‌ತಂಡ್, ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡಿಪ್ಪಕ, ಮುಕ್ಯ ಯಾಜಕಂಗಳು, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು ಪಿಂಞ ಪೆರಿಯಯಿಂಗಳು ಕೂಡಿಯಂಡ್ ಯೇಸುರ ಪಕ್ಕ ಬಂದಿತ್:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:4

ಅಂವೊ ಮುಕ್ಯ ಯಾಜಕಂಗ ಪಿಂಞ ದೇವಾಲಯತ್‍ರ ಸೇನೆರ ಅದಿಕಾರಿಯಡ ಪಕ್ಕ ಪೋಯಿತ್ ಎನ್ನನೆ ಯೇಸುನ ಕಾಟಿ ಕೊಡುಕಂಡೂಂದ್ ಚರ್ಚೆ ಮಾಡ್‍ಚಿ.

ಯೋಹಾನ 15:20

ಒರ್ ಎಜಮಾನಗಿಂಜ ಆಳ್ ಬಲ್ಯಂವೊನಾಯಿತ್‌ಪ್ಪುಲೇಂದ್ ನಾನ್ ನಿಂಗಕ್ ಎಣ್ಣ್‌ನ ತಕ್ಕ್‌ನ ನಿಂಗ ಗೇನ ಮಾಡಿಯೊಳಿ. ಅಯಿಂಗ ನಾಕ್ ಹಿಂಸೆ ತಂದಕ ನಿಂಗಕು ಹಿಂಸೆ ತಪ್ಪ; ಅಯಿಂಗ ನಾಡ ತಕ್ಕ್‌ರ ಪ್ರಕಾರ ನಡ್ಂದತೇಂಗಿ, ನಿಂಗಡ ತಕ್ಕ್‌ರ ಪ್ರಕಾರ ಸಹ ನಡ್‍ಪ.

ಯೋಹಾನ 18:3

ಆ ಸಮಯತ್‍ಲ್, ಯೂದ ರೋಮ್ ರಾಜ್ಯತ್‍ರ ಸಿಪಾಯಿಯಂಗಳ, ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಅಯಿಚಿತ್ಂಜ ದೇವಾಲಯತ್‍ರ ಸಿಪಾಯಿಯಂಗಳ ಕಾಕಿಯಂಡ್ ಅಲ್ಲಿಕ್ ಬಾತ್. ಅಯಿಂಗಡ ಕೈಯಿಲ್ ಬೊಳ್‍ಚ, ತೂಡ್ ಪಿಂಞ ಆಯುದತ್‍ನ ಎಡ್‍ತಂಡ್ ಬಾತ್.

ಅಪೊಸ್ತಲ 4:6

ಅಲ್ಲಿ ಮುಕ್ಯ ಯಾಜಕನಾನ ಅನ್ನಾ, ಕಾಯಫ, ಯೋಹಾನ, ಅಲೆಕ್ಸಾಂದ್ರ ಪಿಂಞ ಮಹಾ ಯಾಜಕಂಡ ಮನೆಕಾರಳು ಇಂಜತ್.

ಅಪೊಸ್ತಲ 5:17

ಇಕ್ಕ, ಮಹಾ ಯಾಜಕ ಪಿಂಞ ಅಂವೊಂಡ ಮುಕ್ಯಸ್ತಂಗಳಾನ ಸದ್ದುಕಾಯಂಗಡ ಕೂಟ್‍ಕ್ ಕೂಡ್‍ನಯಿಂಗ, ದುಂಬ ಒಟ್ಟೆಕಿಚ್ಚ್‌ಲ್ ಇಂಜತ್

ಅಪೊಸ್ತಲ 5:24

ದೇವಾಲಯತ್‍ರ ಸೇನೆರ ಅದಿಕಾರಿಯ ಪಿಂಞ ಮುಕ್ಯ ಯಾಜಕಂಗ ಈ ಸುದ್ದಿನ ಕ್‍ೕಟಿತ್ ಇದ್ಂಡ ವಿಷಯತ್ ಎಂತ ಆಪಾಂದ್ ಗಾಬರಿ ಪಟ್ಟತ್.

ಅಪೊಸ್ತಲ 5:26

ಅಕ್ಕ ದೇವಾಲಯತ್‍ರ ಸಿಪಾಯಿಯಂಗಡ ಅದಿಕಾರಿ ಅಂವೊಂಡ ಅದಿಕಾರಿಯಂಗಡ ಕೂಡೆ ಪೋಯಿತ್, ಜನ ಕಲ್ಲ್ ಕನಿಪಾಂದ್ ಬೊತ್ತಿತ್, ಒತ್ತಾಯ ಮಾಡತೆ ಅಯಿಂಗಳ ಕಾಕಿಯಂಡ್ ಬಾತ್.

ಅಪೊಸ್ತಲ 6:12

ಇಂಞು ಜನಕ್, ಪೆರಿಯಯಿಂಗಕ್, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಕ್ ಚೆಡಿ ಬಪ್ಪನೆಕೆ ಮಾಡಿತ್, ಅಂವೊನ ಪುಡ್‌ಚಿತ್, ಯೆಹೂದ್ಯಂಗಡ ಆಲೋಚನೆ ಸಬೆರ ಮಿಂಞತ್ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 6:7

ದೇವಡ ವಾಕ್ಯ ಎಲ್ಲಾ ಜಾಗಕ್ ಪಬ್ಬಿಯಂಡಿಂಜತ್; ಯೇಸುನ ನಂಬ್‍ನಯಿಂಗಡ ಸಂಖ್ಯೆ ಯೆರೂಸಲೇಮ್‍ಲ್ ದುಂಬ ಆಯಂಡಿಂಜತ್; ದುಂಬ ಯಾಜಕಂಗಳು ಕ್ರಿಸ್ತಂಡ ನಂಬಿಕೇಕ್ ಬಾತ್.