ಅಪೊಸ್ತಲ 3:6 - ಕೊಡವ ಬೈಬಲ್

⁶ ಅಕ್ಕ ಪೇತ್ರ: ನಾಡ ಪಕ್ಕ ಪೊನ್ನ್ ಬೊಳ್ಳಿ ಒಂದು ಇಲ್ಲೆ, ಆಚೇಂಗಿ ನಾಡ ಪಕ್ಕ ಉಳ್ಳದ್‍ನ ನೀಕ್ ತಪ್ಪೀಂದ್ ಎಣ್ಣಿತ್, ನಜರೇತ್‍ರ ಯೇಸು ಕ್ರಿಸ್ತಂಡ ಪೆದತ್‍ಲ್ ನೀನ್ ಎದ್ದಿತ್ ನಡೇಂದ್ ಎಣ್ಣಿತ್,

ಅಪೊಸ್ತಲ 3:6 ပူးပေါင်းရင်းမြစ်များ

ಮತ್ತಾಯ 10:9

ನಿಂಗಡ ಕೂಡೆ ಪೊನ್ನ್, ಬೊಳ್ಳಿ, ತಾಂಬ್ರ ಏದು ಎಡ್‍ತಂಡ್ ಪೋಕತಿ.

ಮತ್ತಾಯ 7:22

ನ್ಯಾಯತೀರ್ಪ್ ದಿವಸತ್‍ಲ್ ದುಂಬ ಜನ ನಾಡ ಪಕ್ಕ ಬಂದಿತ್, ಸ್ವಾಮೀ, ಸ್ವಾಮೀ, ನೀಡ ಪೆದತ್‍ಲ್ ನಂಗ ಪ್ರವಾದನೆ ಮಾಡ್‍ಚಲ್ಲಾ? ನೀಡ ಪೆದತ್‍ಲ್ ನಂಗ ಕೂಳಿ ಪುಡ್‌ಚಯಿಂಗಕ್, ಕೂಳಿನ ಬುಡ್‌ತಿತ್‌ಲ್ಲೆಯಾ? ನೀಡ ಪೆದತ್‍ಲ್ ದುಂಬ ಅದ್ಬುತ ಕಾರ್ಯ ಮಾಡಿತ್‌ಲ್ಲೆಯಾಂದ್ ಎಣ್ಣುವ.

ಮಾರ್ಕ 14:8

ಅವಕ್ ಎಂತ ಕಯ್ಯುವ ಅದ್‍ನ ಅವ ಮಾಡ್‍ಚಿ. ನನ್ನ ಪೂಪಂಗ್ ಮಿಂಞಲೇ ಅವ ಈ ತರ ಸುಗಂದ ತೈಲತ್‌ನ ಬೂಕಿತ್ ನನ್ನ ತಯಾರ್ ಮಾಡ್‍ಚಿ.

ಮಾರ್ಕ 16:17

ನಂಬಿಕೆ ಉಳ್ಳಯಿಂಗಕ್ ಅದ್ಬುತ ಕಾರ್ಯ ಮಾಡ್‌ವಕ್ ನಾನ್ ಶಕ್ತಿ ಕೊಡ್‍ಪಿ. ನಾಡ ಪೆದತ್‍ಲ್ ಅಯಿಂಗ ಕೂಳಿ ಬುಡ್‌ತ್‌ವ, ಪುದಿಯ ತಕ್ಕ್‌ಲ್ ತಕ್ಕ್ ಪರಿಯುವ.

ಯೋಹಾನ 19:19

ಪಿಲಾತ ಜ್ಞಾಪನೇನ ಶಿಲುಬೇರ ಮೇಲೆ ಇಟ್ಟತ್. ಅದ್‍ಲ್ ನಜರೇತ್‍ರ ಯೇಸು ಯೆಹೂದ್ಯಂಗಡ ರಾಜ ಎಣ್ಣಿಯಂಡ್ ಒಳ್‍ದಿತ್ಂಜತ್.

ಅಪೊಸ್ತಲ 10:38

ದೇವ ನಜರೇತ್‍ರ ಯೇಸುನ ಪವಿತ್ರತ್ಮಾತ್ಂಜಲು ಶಕ್ತಿಯಿಂಜಲು ಅಬಿಷೇಕ ಮಾಡ್‍ಚಿ. ದೇವ ಅಂವೊಂಡ ಕೂಡೆ ಇಂಜಗುಂಡ್ ಅಂವೊ ನಲ್ಲದ್ ಮಾಡಿಯಂಡ್ ಸೈತಾನಂಡ ಶಕ್ತಿಲ್ ಚಿಕ್ಕಿತ್ ಪೋಯಿತ್ಂಜ ಎಲ್ಲಾರ್‍ನೂ ವಾಸಿಮಾಡಿಯಂಡ್ ಎಲ್ಲಾ ಜಾಗಕು ಪೋಯಂಡಿಂಜತ್.

ಅಪೊಸ್ತಲ 16:18

ಇನ್ನನೆ ದುಂಬ ದಿವಸ ಮಾಡ್‍ನಗುಂಡ್ ಪೌಲಂಗ್ ದುಂಬ ಚೆಡಿ ಬಂತ್, ಅವಡ ಪಕ್ಕ ತಿರಿತ್ ಆ ಕೂಳಿಕ್: ನೀನ್ ಇವಳ ಬುಟ್ಟಿತ್ ಪೋಂಡೂಂದ್ ಯೇಸು ಕ್ರಿಸ್ತಂಡ ಪೆದತ್‍ಲ್ ನೀಕ್ ಆಜ್ಞೆ ಮಾಡ್‌ವೀಂದ್ ಎಣ್ಣ್‌ಚಿ. ಅದೇ ಗಳಿಗೆಲ್ ಅದ್ ಅವಳ ಬುಟ್ಟಿತ್ ಪೋಚಿ.

ಅಪೊಸ್ತಲ 2:22

ಇಸ್ರಾಯೇಲ್‍ರ ಜನಳೇ, ನಾಡ ತಕ್ಕ್‌ನ ಕ್‍ೕಳಿ; ನಿಂಗಕೆಲ್ಲ ಚಾಯಿತೆ ಗೊತ್ತುಳ್ಳನೆಕೆ ನಜರೇತ್‍ರ ಯೇಸುರ ಮೂಲಕ ದೇವ ನಿಂಗಡ ಮದ್ಯತ್‍ಲ್ ಬಲ್ಯ ಅದ್ಬುತ, ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅದ್‍ಯಿಂಜ ಅಂವೊನ ದೇವ ನೇಮಿಚಿಟ್ಟತ್‍ೕಂದ್ ನಿಂಗಕ್ ಕಾಂಬ್‍ಚಿಟ್ಟತ್.

ಅಪೊಸ್ತಲ 2:36

ಆನಗುಂಡ್ ನಿಂಗ ಶಿಲುಬೇಕ್ ಇಟ್ಟ ಈ ಯೇಸುನ ದೇವ ಒಡೆಯನಾಯಿತು ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತನಾಯಿತು ಮಾಡಿತುಂಡ್‍ೕಂದ್ ಇಸ್ರಾಯೇಲ್ ಜನಕೆಲ್ಲ ಕಂಡಿತವಾಯಿತ್ ಗೊತ್ತಿರಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 3:16

ನಿಂಗ ಕಂಡಿತ್, ಗೊತ್ತ್ಂಜ ಈ ಮನುಷ್ಯಂಡ ಕಾಲ್ ಬಲಪಡ್‌ವನೆಕೆ ವಾಸಿಯಾನ ಕಾರಣ, ಅಂವೊ ಯೇಸುರ ಪೆದತ್‍ರ ಮೇಲೆ ಇಟ್ಟ ನಂಬಿಕೆಯೇ. ಅಕ್ಕು, ನಿಂಗೆಲ್ಲಾ ನೋಟ್‍ವನೆಕೆ, ಈ ಮನುಷ್ಯ ಪೂರ್ತಿ ವಾಸಿಯಾನದ್, ಯೇಸುರ ಮೇಲೆ ಇಟ್ಟ ನಂಬಿಕೇರಗುಂಡ್ ಮಾತ್ರಾಂದ್ ಗೊತ್ತಿರಡ್.

ಅಪೊಸ್ತಲ 3:5

ಅಕ್ಕ ಅಂವೊ, ಅಯಿಂಗಡ ಕೈಯಿಂಜ ಎಂತಾಚೇಂಗಿ ಕ್‍ಟ್ಟ್‌ವಾಂದ್ ಗೇನ ಮಾಡಿತ್ ಅಯಿಂಗಳ ನೋಟ್‌ಚಿ.

ಅಪೊಸ್ತಲ 3:7

ಅಂವೊಂಡ ಬಲ್‌ತೆ ಕೈಯಿನ ಪುಡ್‌ಚಿತ್ ನೇತ್‍ಚಿ. ಅಕ್ಕಲೆ ಅಂವೊಂಡ ಕಾಲ್ ಪಿಂಞ ಕಾಲ್‍ರ ಕರಡ್ ಬಲಪಟ್ಟತ್.

ಅಪೊಸ್ತಲ 4:10

ನಿಂಗಕ್ ಪಿಂಞ ಇಸ್ರಾಯೇಲ್ ಜನ ಎಲ್ಲಾರ್‌ಕು ಅರಿಚಿಡುವದ್ ಎಂತ ಎಣ್ಣ್‌ಚೇಂಗಿ: ನಿಂಗಡಗುಂಡ್ ಶಿಲುಬೇಕ್ ಇಟ್ಟಿತ್ ಪಿಂಞ ದೇವ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ನ ನಜರೇತ್‍ರ ಯೇಸು ಕ್ರಿಸ್ತಂಡ ಪೆದತ್ಂಜಲೇ ಈ ಮನುಷ್ಯ ವಾಸಿಯಾಯಿತ್ ನಿಂಗಡ ಮಿಂಞತ್ ನಿಂದಿತುಂಡ್‍ೕಂದ್ ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 4:7

ಈಂಗ, ಪೇತ್ರ ಪಿಂಞ ಯೋಹಾನನ ಅಯಿಂಗಡ ಮದ್ಯತ್‍ಲ್ ನಿಪ್ಪ್‌ಚಿಟ್ಟಿತ್: ನಿಂಗ ಏದ್ ಶಕ್ತಿಲ್, ಅಥವ ದಾಡ ಪೆದತ್‍ಲ್ ಇನ್ನನೆ ಮಾಡಿರಾಂದ್ ಕ್‍ೕಟತ್.

ಅಪೊಸ್ತಲ 9:34

ಪೇತ್ರ ಅಂವೊಂಗ್: ಐನೇಯನೇ ಯೇಸು ಕ್ರಿಸ್ತ ನಿನ್ನ ವಾಸಿ ಮಾಡ್‌ವ. ನೀನ್ ಎದ್ದಿತ್ ನೀಡ ಮೆತ್ತೆನ ನೀನೇ ಎಡ್‌ತ. ಅಕ್ಕಣೆ ಅಂವೊ ಎದ್ದತ್.

1 ಕೊರಿಂಥ 4:11

ಇಕ್ಕಲು ನಂಗ ಕೆಲ ಪಯಿಚಂಡುಳ್ಳಯಿಂಗಳಾಯಿತು, ಬಾಯಾರಿಕೆ ಆನಯಿಂಗಳಾಯಿತು, ನಂಗಡ ತಡಿಕ್ ಇಡ್‌ವಕ್ ಸರಿಯಾನ ಬಟ್ಟೆ ಇಲ್ಲತಯಿಂಗಳಾಯಿತು, ನಂಗಳ ಜನ ಪೊಯ್ಯುವಯಿಂಗಳಾಯಿತು, ವಾಸ ಮಾಡ್‌ವಕ್ ಒರ್ ಮನೆ ಇಲ್ಲತಯಿಂಗಳಾಯಿತು ಬದ್‍ಕಿಯಂಡುಂಡ್.

2 ಕೊರಿಂಥ 6:10

ದುಃಖತ್‍ಲ್ ಇಂಜತೇಂಗಿಯು, ಎಕ್ಕಾಲು ಕುಶೀಲ್ ಉಳ್ಳಯಿಂಗಳಾಯಿತು, ಗರಿಬಂಗಳಾಯಿತ್ ಇಂಜತೇಂಗಿಯು, ದುಂಬ ಜನಳ ಐಶ್ವರ್ಯವಂತಯಿಂಗಳಾಯಿತ್ ಮಾಡ್‌ವಯಿಂಗಳಾಯಿತು, ಒಂದು ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ಎಲ್ಲಾ ಉಳ್ಳಯಿಂಗಡನೆಕೆ ನಂಗಳ ಕಾಂಬ್‍ಚಿಟ್ಟಂಡುಂಡ್.

2 ಕೊರಿಂಥ 8:12

ಒಬ್ಬಂಗ್ ಮನಸ್ಸ್ ಇಂಜತೇಂಗಿ, ಅಂವೊಂಗ್ ಇಲ್ಲತ ಅಳ್‌ತೆರಚ್ಚಕ್ ಅಲ್ಲ, ಅಂವೊಂಗ್ ಉಳ್ಳಚ್ಚಕ್ ಕೊಡ್‍ತತೇಂಗಿ ಅದ್ಂಗ್ ಅಂಗಿಕಾರ ಕ್‍ಟ್ಟುವ.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

ಯಾಕೋಬ 2:5

ನಾಡ ಪ್ರೀತಿರ ಅಣ್ಣತಮ್ಮಣಂಗಳೇ, ಕ್‍ೕಳಿ; ದೇವ ಈ ಲೋಕತ್‍ರ ಬಡವಂಗಳ, ನಂಬಿಕೇಲ್ ಐಶ್ವರ್ಯ ಉಳ್ಳಯಿಂಗಳಾಯಿತ್, ಅಂವೊನ ಪ್ರೀತಿ ಮಾಡ್‌ವಯಿಂಗಕ್ ಅಂವೊ ವಾಗ್ದಾನ ಮಾಡ್‍ನ ರಾಜ್ಯತ್‍ನ ಆಳುವಯಿಂಗಳಾಯಿತ್ ಗೊತ್ತ್ ಮಾಡಿತಲ್ಲ?

1 ಪೇತ್ರ 4:10

ಒಬ್ಬ ಒಬ್ಬಂಗ್ ಚಾಯಿತೆ ಸಹಾಯ ಮಾಡ್‌ವನೆಕೆ, ಅಯಿಂಗಯಿಂಗಕ್ ದೇವ ಎಂತ ವರ ಕೊಡ್‍ತಿತುಂಡೋ ಅದ್ಂಡರನೆಕೆ ನಲ್ಲ ಜವಾಬ್ದಾರಂಗಳಾಯಿತ್ ಪಾಲ್ ಮಾಡಿತ್, ಸತ್ಯವಂತಂವೊನಾಯಿತ್, ಅಂವೊಂಡ ಕೃಪೇರ ನಾನಾ ತರತ್‍ರ ಪ್ರಕಾರ ಮಾಡಂಡು.