ಅಪೊಸ್ತಲ 3:4 - ಕೊಡವ ಬೈಬಲ್

⁴ ಪೇತ್ರ ಪಿಂಞ ಯೋಹಾನ ದಂಡಾಳು ಅಂವೊಂಡ ಮೂಡ್‌ನೇ ನೋಟಿಯಂಡ್: ನಂಗಳ ನೋಟ್‍ೕಂದ್ ಪೇತ್ರ ಎಣ್ಣ್‌ಚಿ.

ಅಪೊಸ್ತಲ 3:4 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:20

ಯೇಸು ಆ ಪುಸ್ತಕತ್‍ನ ಸುತ್ತಿತ್, ಅಲ್ಲಿ ಸೇವೆ ಮಾಡ್‌ವಂವೊಂಡ ಪಕ್ಕ ಕೊಡ್‍ತ ಪಿಂಞ ಅಳ್‌ತತ್. ಸಬಾಮಂದಿರತ್‍ಲ್ ಉಳ್ಳಯಿಂಗ ಎಲ್ಲಾರು ಅಂವೊನ ನೋಟಿಯಂಡೇ ಇಂಜತ್.

ಯೋಹಾನ 11:40

ಅಕ್ಕ ಯೇಸು ಅವಳ ನೋಟಿತ್: ನೀಕ್ ನಾಡ ಮೇಲೆ ನಂಬಿಕೆ ಇಂಜತೇಂಗಿ ದೇವಡ ಮಹಿಮೆನ ಕಾಂಬಿಯಾಂದ್ ನಾನ್ ನೀಕ್ ಎಣ್ಣಿತಿಲ್ಲೆಯಾಂದ್ ಎಣ್ಣ್‌ಚಿ.

ಯೋಹಾನ 5:6

ಆ ಮನುಷ್ಯನ ಯೇಸು ಕಾಂಬಕ: ಅಂವೊ, ದುಂಬ ಕಾಲ ಕಾಯಿಲೆಲ್ ನರಳಿಯಂಡ್ ಉಂಡ್‍ೕಂದ್ ಗೊತ್ತಾಚಿ. ಯೇಸು ಅಂವೊನ ನೋಟಿತ್: ನೀಕ್ ನೀಡ ಕಾಯಿಲೆ ವಾಸಿ ಆಂಡುವಾಂದ್ ಕ್‍ೕಟತ್.

ಅಪೊಸ್ತಲ 10:4

ಅಂವೊ ಆ ದೂತಂಡ ಮೂಡ್‍ನ ಪೋಡಿಲ್ ನೋಟಿತ್: ಎಂತಾ ಸ್ವಾಮೀಂದ್ ಕ್‍ೕಟತ್. ಅದ್ಂಗ್ ದೇವದೂತ: ನೀಡ ಪ್ರಾರ್ಥನೆಲ್ ಪಿಂಞ ದಾನ ದರ್ಮತ್‍ಲ್ ದೇವ ಕುಶಿ ಪಟ್ಟಿತುಂಡ್. ನೀನ್ ಅಯಿಂಗಕ್ ಮಾಡ್‍ನಾನೆಲ್ಲ ದೇವ, ಅಂವೊಂಗ್ ಮಾಡ್‍ನ ಕಾಣಿಕೆರನೆಕೆ ಸ್ವೀಕಾರ ಮಾಡಿತುಂಡ್.

ಅಪೊಸ್ತಲ 11:6

ಅದ್‍ನ ನಾನ್ ಚಾಯಿ ನೋಟ್‍ವಕ ಆ ಬಟ್ಟೇಲ್ ಎಲ್ಲಾ ತರತ್‍ರ ನಾಲ್‌ ಕಾಲ್‌ ಉಳ್ಳ ಪ್ರಾಣಿಯ, ಕಾಡ್ ಪ್ರಾಣಿಯ, ಬೂಮಿರ ಮೇಲೆ ಪರ್‌ಪ ಪ್ರಾಣಿಯ ಪಿಂಞ ಬಾನತ್‍ಲ್ ಪಾರುವ ಪಕ್ಷಿಯ ಇಂಜತ್.

ಅಪೊಸ್ತಲ 3:1

ಒರ್ ದಿವಸ ಪೇತ್ರ ಪಿಂಞ ಯೋಹಾನ ಮಜ್ಜಣ ಮೂಂದ್ ಗಂಟೆರ ಪ್ರಾರ್ಥನೆಕಾ‍ಯಿತ್ ದೇವಾಲಯಕ್ ಪೋಯಂಡಿಪ್ಪಕ,

ಅಪೊಸ್ತಲ 3:11

ವಾಸಿಯಾನ ಮನುಷ್ಯ, ಪೇತ್ರ ಪಿಂಞ ಯೋಹಾನನ ಬುಟ್ಟಿತ್ ಪೋಕತೆ ಅಯಿಂಗಳ ಪುಡ್‍ಚಂಡ್ ಇಂಜತ್. ಅಂವೊ ಇನ್ನನೆ ವಾಸಿಯಾನದ್‍ನ ಕ್‍ೕಟ ಜನಯೆಲ್ಲ ಆಶ್ಚರ್ಯತ್‍ಲ್, ಸೊಲೊಮೋನಂಡ ಮಂಟಪಾಂದ್ ಕಾಕ್‍ವ ಮಂಟಪಕ್, ಅಯಿಂಗಡ ಪಕ್ಕ ಓಡಿ ಬಾತ್.

ಅಪೊಸ್ತಲ 3:12

ಪೇತ್ರ ಇದ್‍ನ ನೋಟಿತ್, ಜನಕ್: ಇಸ್ರಾಯೇಲ್ ಜನಳೇ, ನಿಂಗ ಎನ್ನಂಗ್ ಇದ್‍ನ ನೋಟಿತ್ ಆಶ್ಚರ್ಯ ಪಡುವಿರ? ನಿಂಗ ಎನ್ನಂಗ್ ನಂಗಳ ಇನ್ನನೆ ನೋಟ್‍ವಿರ? ಇಂವೊನ ನಡ್‍ಪನೆಕೆ ಮಾಡ್‍ನದ್, ನಂಗಡ ಸ್ವಂತ ಶಕ್ತಿಯಿಂಜಲು ಅಲ್ಲ, ನಂಗಡ ಬಕ್ತಿಯಿಂಜಲು ಅಲ್ಲ.

ಅಪೊಸ್ತಲ 3:3

ಅಂವೊ, ದೇವಾಲಯತ್‍ರ ಒಳ್‍ಕ್ ಪೋಯಂಡ್ ಇಂಜ ಪೇತ್ರ ಪಿಂಞ ಯೋಹಾನನ ನೋಟಿತ್ ಬಿಕ್ಷೆ ಕ್‍ೕಟತ್.

ಅಪೊಸ್ತಲ 3:5

ಅಕ್ಕ ಅಂವೊ, ಅಯಿಂಗಡ ಕೈಯಿಂಜ ಎಂತಾಚೇಂಗಿ ಕ್‍ಟ್ಟ್‌ವಾಂದ್ ಗೇನ ಮಾಡಿತ್ ಅಯಿಂಗಳ ನೋಟ್‌ಚಿ.