ಅಪೊಸ್ತಲ 3:23 - ಕೊಡವ ಬೈಬಲ್

²³ ಪಿಂಞ ಆ ಪ್ರವಾದಿರ ತಕ್ಕ್‌ನ ಕ್‍ೕಕತಂವೊ ನಿಂಗಡ ಮದ್ಯತ್ಂಜ ಪೂರ್ತಿಯಾಯಿತ್ ಪಾಳಾಯಿ ಪೋಪಾಂದ್ ಎಣ್ಣಿತುಂಡಲ್ಲ?

ಅಪೊಸ್ತಲ 3:23 ပူးပေါင်းရင်းမြစ်များ

ಮಾರ್ಕ 16:16

ದಾರೆಲ್ಲಾ ನಿಂಗ ಎಣ್ಣ್‌ವಾನ ನಂಬಿತ್ ದೀಕ್ಷಾಸ್ನಾನ ಎಡ್‌ಪ ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟ್‌ವ. ದಾರೆಲ್ಲಾ ನಂಬುಲೆ, ಅಯಿಂಗಕೆಲ್ಲ ಶಿಕ್ಷೆ ಕ್‍ಟ್ಟ್‌ವ.

ಯೋಹಾನ 12:48

ನನ್ನ ಅಲ್ಲಗೆಳೆದಿತ್, ನಾಡ ವಾಕ್ಯತ್‍ನ ಸ್ವೀಕಾರ ಮಾಡತಯಿಂಗಳ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಎಣ್ಣ್‌ನ ದೇವಡ ವಾಕ್ಯವೇ ಆಕೀರ್ ದಿವಸತ್‍ಲ್ ಅಂವೊನ ನ್ಯಾಯತೀರ್ಪ್ ಮಾಡ್‌ವ.

ಯೋಹಾನ 8:24

ಅದ್ಂಗಾಯಿತೇ, ನಿಂಗ ನಿಂಗಡ ಪಾಪತ್‍ಲ್ ಚಾವೀರಾಂದ್ ಎಣ್ಣಿಯೆ; ನಾನೇ ಅಂವೋಂದ್ ನಿಂಗ ನಂಬತೆ ಪೋಚೇಂಗಿ, ಕಂಡಿತವಾಯಿತ್ ನಿಂಗಕ್ ಮನ್ನಿಪ್ ಕ್‍ಟ್ಟತೆ ಚತ್ತ್ ಪೋಪಿರಾಂದ್ ಎಣ್ಣ್‌ಚಿ.

ಅಪೊಸ್ತಲ 2:41

ಅಂವೊಂಡ ತಕ್ಕ್‌ನ ಒತ್ತಂಡಯಿಂಗ ದೀಕ್ಷಾಸ್ನಾನ ಎಡ್‍ತಂಡತ್. ಆ ದಿವಸ ಸುಮಾರ್ ಮೂಂದಾಯಿರ ಜನ ಅಯಿಂಗಡ ಕೂಡೆ ಕೂಡಿಯಂಡತ್.

ಇಬ್ರಿಯ 10:39

ಆಚೇಂಗಿ ನಂಗ ದೇವನ ಬುಟ್ಟಿತ್ ಪಾಳಾಯಿ ಪೋಪಯಿಂಗ ಅಲ್ಲ, ಆತ್ಮಕ್ ರಕ್ಷಣೆ ಕ್‍ಟ್ಟುವಕಾಯಿತ್ ನಂಬಿಕೆ ಉಳ್ಳಯಿಂಗಳಾಯಿತುಂಡ್.

ಇಬ್ರಿಯ 12:25

ನಿಂಗಡ ಕೂಡೆ ತಕ್ಕ್ ಪರಿಯುವಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣತನೆಕೆ ಎಚ್ಚರತ್‍ಲ್ ಇರಿ; ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ಲ್ ತಕ್ಕ್ ಪರ್ಂದಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣ್‌ನ ಜನತ್‍ನ ಅಂವೊ ಬಚಾವಾಪಕ್ ಬುಟ್ಟಿತ್‌ಲ್ಲೆ. ಅನ್ನನೆ ಇಪ್ಪಕ, ಪರಲೋಕತ್ಂಜ ನಂಗಡ ಕೂಡೆ ತಕ್ಕ್ ಪರಿಯುವಂವೊನ ಬುಟ್ಟಿತ್ ದೂರ ಪೋಚೇಂಗಿ, ನಂಗ ಎನ್ನನೆ ಬಚಾವಾಪ?

ಇಬ್ರಿಯ 2:3

ಅನ್ನನೆ ಇಪ್ಪಕ, ಆದ್ಯವಾಯಿತ್ ಒಡೆಯಂಡ ಮೂಲಕ ಅರಿಚಿಟ್ಟಿತ್, ಪಿಂಞ ಅಂವೊಂಡಿಂಜ ಕ್‍ೕಟಯಿಂಗಡ ಮೂಲಕ ನಂಗಕ್ ಸ್ತಿರಪಡ್‌ತಿತ್,

ಪ್ರಕಟನೆ 13:8

ಈ ಲೋಕತ್‍ರ ಸುರುಯಿಂಜ, ಮಿಂಞಲೇ ಬಲಿಯಾಯಿತ್ ಇಂಜ ಕೊರಿಕುಟ್ಟಿಯಾನವೊಂಡ ಜೀವತ್‍ರ ಪುಸ್ತಕತ್‍ಲ್ ಪೆದ ಒಳ್‌ದಿತಿಲ್ಲತ ಎಲ್ಲಾರು ಆ ಮೃಗತ್‍ನ ಆರಾದನೆ ಮಾಡ್‌ವ.

ಪ್ರಕಟನೆ 20:15

ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತ್ ಇಲ್ಲತಯಿಂಗಳಾಯಿತ್ ದಾರ್ ಉಂಡೋ ಅಯಿಂಗಳೆಲ್ಲ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್.