ಅಪೊಸ್ತಲ 3:2 - ಕೊಡವ ಬೈಬಲ್

² ಅಲ್ಲಿ, ಪುಟ್ಟ್‌ನಲ್ಲಿಂಜ ಕುಂಟನಾಯಿತ್ಂಜ ಒಬ್ಬನ ಚೆನ್ನ ಜನ ಕೊಂಡ್ ಬಂದಂಡಿಂಜತ್. ದೇವಾಲಯತ್‍ರ ಒಳ್‍ಕ್ ಪೋಪ ಜನಡ ಪಕ್ಕ ಬಿಕ್ಷೆ ಬೋಡ್‌ವಕಾಯಿತ್, ಅಂವೊನ ದಿನಾಲು ದೇವಾಲಯತ್‍ರ ಚಾಯಿ ಬಾಯಿಕಂಡೀಂದ್ ಕಾಕ್‍ವ ಪಡಿರ ಪಕ್ಕತ್‍ಲ್ ಅಳ್‍ಪಚಿಟ್ಟಂಡಿಂಜತ್.

ಅಪೊಸ್ತಲ 3:2 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:20

ಅಲ್ಲಿ ಲಾಜರ ಎಣ್ಣುವ ಒರ್ ಬಿಕ್ಷೆಕಾರ ಆ ಐಶ್ವರ್ಯವಂತಂವೊಂಡ ಮನೆರ ಪಡಿರ ಮಿಂಞ ಅಳ್‍ತಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:35

ಪಿಂಞ ಯೇಸು ಯೆರಿಕೋ ಎಣ್ಣುವಲ್ಲಿಕ್ ಬಪ್ಪಕ, ಅಲ್ಲಿ ಒರ್ ಕುರ್‌ಡ ಬಟ್ಟೇರ ಬರಿಲ್ ಅಳ್‌ತಂಡ್ ಬೋಡಿಯಂಡ್ ಇಂಜತ್.

ಯೋಹಾನ 9:8

ಅಕ್ಕ, ಅಂವೊಂಡ ನೆರೆಮನೆಕಾರಳು, ಇಂವೊ ಬಿಕ್ಷೆ ಬೋಡಿಯಂಡ್ ಇಂಜಾನ ಕಂಡಿತ್ಂಜ ಬೋರೆ ಜನಳು: ಇಂವೊ ಅಳ್‌ತಂಡ್ ಬಿಕ್ಷೆ ಬೋಡಿಯಂಡ್ ಇಂಜಂವೊನಲ್ಲಾಂದ್ ಕ್‍ೕಟತ್.

ಅಪೊಸ್ತಲ 10:31

ಕೊರ್ನೇಲ್ಯನೇ, ನೀಡ ಪ್ರಾರ್ಥನೆ ಪಿಂಞ ಗರೀಬಂಗಕ್ ಮಾಡ್‍ನ ದಾನ ದರ್ಮತ್‍ನ ದೇವ ಕಂಡಿತುಂಡ್.

ಅಪೊಸ್ತಲ 10:4

ಅಂವೊ ಆ ದೂತಂಡ ಮೂಡ್‍ನ ಪೋಡಿಲ್ ನೋಟಿತ್: ಎಂತಾ ಸ್ವಾಮೀಂದ್ ಕ್‍ೕಟತ್. ಅದ್ಂಗ್ ದೇವದೂತ: ನೀಡ ಪ್ರಾರ್ಥನೆಲ್ ಪಿಂಞ ದಾನ ದರ್ಮತ್‍ಲ್ ದೇವ ಕುಶಿ ಪಟ್ಟಿತುಂಡ್. ನೀನ್ ಅಯಿಂಗಕ್ ಮಾಡ್‍ನಾನೆಲ್ಲ ದೇವ, ಅಂವೊಂಗ್ ಮಾಡ್‍ನ ಕಾಣಿಕೆರನೆಕೆ ಸ್ವೀಕಾರ ಮಾಡಿತುಂಡ್.

ಅಪೊಸ್ತಲ 14:8

ಲುಸ್ತ್ರತ್‍ಲ್ ಒರ್ ಮನುಷ್ಯ ಇಂಜತ್. ಅಂವೊ ಪುಟ್ಟ್‌ವಯಿಂಜಲೆ ಕುಂಟನಾಯಿತ್, ಅಂವೊಂಡ ಕಾಲ್‍ರ ಅಡಿಲ್ ಊಣನಾಯಿತ್, ಇಲ್ಲಿಕತ್ತನೆ ನಡ್‍ಕತಂವೊನಾಯಿತ್ ಅಲ್ಲಿ ಅಳ್‍ತಂಡಿಂಜತ್.

ಅಪೊಸ್ತಲ 3:10

ಇಂವೊ ದೇವಾಲಯತ್‍ರ ಚಾಯಿ ಬಾಯಿಕಂಡಿರ ಬರಿಲ್ ಅಳ್‌ತಂಡ್ ಬಿಕ್ಷೆ ಬೋಡ್‍ವಂವೋಂದ್ ಗೊತ್ತಾಯಿತ್, ಅಂವೊಂಗ್ ಇನ್ನನೆ ಆನದ್‍ನ ನೋಟಿತ್ ಅಯಿಂಗಕ್ ನಂಬುವಕ್ ಕಯ್ಯತಚ್ಚಕ್ ಆಶ್ಚರ್ಯ ಆಚಿ.

ಅಪೊಸ್ತಲ 4:22

ಅದ್ಬುತವಾಯಿತ್ ವಾಸಿ ಆನ ಆ ಮನುಷ್ಯಂಗ್ ಸುಮಾರ್ ನಾಪದ್ ವಯಸ್‍ಕ್ ಮೇಲೆ ಆಯಿತ್ಂಜತ್.