ಅಪೊಸ್ತಲ 3:19 - ಕೊಡವ ಬೈಬಲ್

¹⁹ ಆನಗುಂಡ್, ನಿಂಗಡ ಪಾಪವೆಲ್ಲ ಅಳಸಿ ಪೋಪಕಾಯಿತ್ ಪಶ್ಚಾತಾಪ ಪಟ್ಟಿತ್, ನಿಂಗ ದೇವಡ ಪಕ್ಕ ತಿರಿಗಿ. ಪಿಂಞ ಒಡೆಯಂಡಿಂಜ, ನಿಂಗಕ್ ಆರಾಮ್‍ರ ಕಾಲ ಕ್‍ಟ್ಟ್‌ವನೆಕೆ ಮಾಡ್‌ವ.

ಅಪೊಸ್ತಲ 3:19 ပူးပေါင်းရင်းမြစ်များ

ಮತ್ತಾಯ 13:15

ಈ ಜನ ಕಣ್ಣಿಂಜ ಕಾಂಗತೆಯು, ಕೆಮಿಯಿಂಜ ಕ್‍ೕಕತೆಯು, ಹೃದಯತ್ಂಜ ಅರ್ಥ ಆಕತೆ ಅಯಿಂಗಡ ಮನಸ್ಸ್ ಬದ್‍ಲಾಕತೆ, ನಾನ್ ಅಯಿಂಗಳ ವಾಸಿ ಮಾಡತೆ ಇಪ್ಪನೆಕೆ ಅಯಿಂಗಡ ಹೃದಯ ಕಠಿಣವಾಯಿತು, ಕೆಮಿ ಕ್‍ೕಪಾನ ನಿಪ್ಪ್‌ಚಿಟ್ಟಿತು, ಕಣ್ಣ್‌ನ ಮುಚ್ಚಿತ್ ಉಂಡ್.

ಮತ್ತಾಯ 18:3

ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ: ನಿಂಗಡ ಮನಸ್ಸ್ ಬದ್‍ಲಾಯಿತ್ ಈ ಕುಂಞಿರನೆಕೆ ಆಕತಪೋನಕ ನಿಂಗ ಪರಲೋಕ ರಾಜ್ಯಕ್ ಪೋಪಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:16

ಅಂವೊ ಇಸ್ರಾಯೇಲ್ ಸಂತಾನಕಾರಂಗಡಡೆಲ್ ದುಂಬ ಜನಳ ಅಯಿಂಗಡ ದೇವನಾನ ಒಡೆಯಂಡ ಪಕ್ಕ ಪುನಃ ಬಪ್ಪಕ್ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:57

ಅದ್ಂಗ್ ಪೇತ್ರ: ಮೂಡಿ, ನಾಕ್ ಅಂವೊನ ಗೊತ್ತ್‌ಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 1:6

ಪಿಂಞ ಅಲ್ಲಿಕ್ ಬಂದಯಿಂಗ ಯೇಸುನ ನೋಟಿತ್; ಒಡೆಯನೇ, ಇಸ್ರಾಯೇಲ್ ದೇಶತ್‍ನ ಅಯಿಂಗಡ ವಿರೋದಿಯಂಗಡ ಕೈಯಿಂಜ ಬುಡ್‍ಗಡೆ ಮಾಡಿತ್, ಇಸ್ರಾಯೇಲ್ ಜನಕ್ ಪುನಃ ಕೊಡ್‍ಪ ಕಾಲ ಬಾತಾಂದ್ ಕ್‍ೕಟತ್.

ಅಪೊಸ್ತಲ 11:18

ಇದ್‍ನೆಲ್ಲ ಅಯಿಂಗ ಕ್‍ೕಪಕ: ಅನ್ನನೆ ಆಚೇಂಗಿ, ದೇವ ಯೆಹೂದ್ಯರಲ್ಲತ ಬೋರೆ ಜಾತಿಯಂಗಕು, ಅಯಿಂಗ ತಂಗಡ ಪಾಪತ್ಂಜ ತಿರ್‌ಗಿತ್, ಯೇಸುನ ನಂಬ್‍ಚೇಂಗಿ, ನಿತ್ಯ ಜೀವತ್‍ನ ಪಡೆಯುವಕ್ ಒರ್ ಅವಕಾಶ ಕೊಡ್‍ತಿತುಂಡ್‍ೕಂದ್ ಎಣ್ಣಿತ್ ಒಂದು ಎಣ್ಣತೆ ದೇವನ ತುದಿಚತ್.

ಅಪೊಸ್ತಲ 11:21

ದೇವಡ ಶಕ್ತಿ ಅಯಿಂಗಡ ಕೂಡೆ ಇಂಜತ್. ಬಲ್ಯ ಜನಡ ಗುಂಪ್ ನಂಬಿತ್, ಒಡೆಯಂಡ ಪಕ್ಕ ತಿರ್‍ಗ್‍ಚಿ.

ಅಪೊಸ್ತಲ 15:3

ಸಬೆರ ಜನ ಅಯಿಂಗಳ ಅಯಿಚ ಪಿಂಞ, ಅಯಿಂಗ ಫೊಯಿನಿಕೆ ಪಿಂಞ ಸಮಾರ್ಯ ಸೀಮೆರ ಬಟ್ಟೇಲ್ ಪೋಯಂಡಿಪ್ಪಕ, ಯೆಹೂದ್ಯ ಅಲ್ಲತ ಬೋರೆ ಜನಳು ದೇವಡ ಪಕ್ಕ ಬಂದ ಸಂಗತಿನ, ಅಯಿಂಗಡ ಬಟ್ಟೇಲ್ ಕಂಡ ಯೇಸುನ ನಂಬ್‍ನಯಿಂಗಕ್ ವಿವರವಾಯಿತ್ ಎಣ್ಣ್‌ಚಿ. ಅಯಿಂಗ ಇದ್‍ನ ಕ್‍ೕಪಕ ದುಂಬ ಕುಶಿಪಟ್ಟತ್.

ಅಪೊಸ್ತಲ 17:26

ದೇವ, ಒರ್ ಮನುಷ್ಯಂಡ ಮೂಲಕ ಎಲ್ಲಾ ಜನಳ ಪುಟ್ಟ್‌ಚಿಟ್ಟಿತ್ ಅಯಿಂಗಳೆಲ್ಲ ಈ ಲೋಕತ್‍ಲ್ ಬೋರೆ ಬೋರೆ ಜಾಗತ್‍ಲ್ ಬಪ್ಪ್‌ಚಿಟ್ಟತ್. ಅಯಿಂಗಡ ಕಾಲತ್‍ನ ಪಿಂಞ ವಾಸ ಮಾಡ್‌ವಂತ ಜಾಗತ್‍ನ ಮಿಂಞಲೇ ತೀರ್ಮಾನ ಮಾಡಿ ಬೆಚ್ಚತ್.

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

ಅಪೊಸ್ತಲ 28:27

ಈ ಜನ ಕಣ್ಣಿಂಜ ಕಾಂಗತೆಯು, ಕೆಮಿಯಿಂಜ ಕ್‍ೕಕತೆಯು, ಹೃದಯತ್ಂಜ ಅರ್ಥ ಆಕತೆ ಅಯಿಂಗಡ ಮನಸ್ಸ್ ಬದ್‍ಲಾಕತೆ, ನಾನ್ ಅಯಿಂಗಳ ವಾಸಿ ಮಾಡತೆ ಇಪ್ಪನೆಕೆ ಅಯಿಂಗಡ ಹೃದಯ ಕಠಿಣವಾಯಿತು, ಕೆಮಿ ಕ್‍ೕಪಾನ ನಿಪ್ಪ್‌ಚಿಟ್ಟಿತು, ಕಣ್ಣ್‌ನ ಮುಚ್ಚಿತು ಉಂಡ್.

ಅಪೊಸ್ತಲ 3:20

ಅಂವೊ ನೇಮಿಚಿಟ್ಟ ಕ್ರಿಸ್ತ ಎಣ್ಣುವ ಯೇಸುನ ನಿಂಗಕಾಯಿತ್ ಪುನಃ ಅಯಿಪ.

ಅಪೊಸ್ತಲ 3:21

ಅಂವೊಂಡ ಪವಿತ್ರವಾನ ಪ್ರವಾದಿಯಂಗಡ ಮೂಲಕ, ಪಂಡೇ ವಾಗ್ದಾನ ಮಾಡ್‍ನನೆಕೆ, ದೇವ ಎಲ್ಲಾನ ಸರಿಮಾಡ್‍ವಾಂದ್ ಎಣ್ಣ್‌ನ ವಿಷಯನೆಲ್ಲ ನೆರೆವೇರುವ ಕಾಲಕತ್ತನೆ, ಈ ಕ್ರಿಸ್ತ, ಪರಲೋಕತ್‍ಲ್ ಇಕ್ಕಂಡು.

ರೋಮ್ 11:25

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನಮಾಡತನೆಕೆ, ನಾನ್ ನಿಂಗಕ್ ಒರ್ ಗುಟ್ಟ್‌ನ ಎಣ್ಣಿ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತಯಿಂಗಡ ರಕ್ಷಣೆರ ಲೆಕ್ಕ ಪೂರ್ತಿ ಆಪಕತ್ತನೆ, ಇಸ್ರಾಯೇಲ್‍ರ ಒರ್ ಗುಂಪ್ ಕಠಿಣ ಮನಸ್ಸಾಯಿತೇ ಇಪ್ಪ.

2 ಥೆಸಲೊನೀಕ 1:10

ಅನ್ನನೆ ಅಂವೊ ಬಪ್ಪಕ, ಅಂವೊನ ನಂಬ್‍ನ ಪವಿತ್ರವಾನಯಿಂಗಡಲ್ಲಿ ಮಹಿಮೆ ಪಟ್ಟಿತ್, ಅಂವೊನ ನಂಬ್‍ನಯಿಂಗಡಗುಂಡ್ ಬಲ್ಯ ಗನತ್‍ನ ಪಡೆಯುವ. ಅಕ್ಕ, ನಿಂಗಳು ಅಯಿಂಗಡ ಕೂಡೆ ಇಪ್ಪಿರ, ಎನ್ನಂಗೆಣ್ಣ್‌ಚೇಂಗಿ, ನಂಗ ಎಣ್ಣ್‌ನ ಸಾಕ್ಷಿನ ನಿಂಗ ನಂಬಿತುಳ್ಳಿರ.

2 ಥೆಸಲೊನೀಕ 1:7

ಅಂವೊಂಗಾಯಿತ್ ಕಷ್ಟಪಟ್ಟಂಡ್ ಉಳ್ಳ ನಿಂಗಕ್, ನಂಗಡ ಕೂಡೆ ಆರಾಮ್ ತಪ್ಪ. ದೇವ ದಾರ್‍ೕಂದ್ ಗೊತ್ತಿಲ್ಲತಯಿಂಗಕ್ ಪಿಂಞ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗ್‌ಚಿಡತಯಿಂಗಕ್ ನ್ಯಾಯವಾನ ತೀರ್ಪ್ ತಪ್ಪ. ಆ ತೀರ್ಪ್‌ನ, ಒಡೆಯನಾನ ಯೇಸು ತಾಂಡ ಮಾಹಾ ಶಕ್ತಿರ ದೂತಂಗಡ ಕೂಡೆ, ಕತ್ತಿಯಂಡ್ ಇಪ್ಪ ತಿತ್ತ್‌ಲ್, ಪರಲೋಕತ್ಂಜ ಅಂವೊನ ಕಾಂಬ್‌ಚಿಡ್‌ವಕ ಮಾಡ್‌ವ.

2 ತಿಮೊಥೆಯ 2:25

ನೀಡ ಬೋದನೆಕ್ ಎದ್‍ರ್ ನಿಪ್ಪಯಿಂಗಕ್ ಸಮಾದಾನತ್‍ಲ್ ಅಯಿಂಗಡ ತಪ್ಪ್‌ನ ಎಣ್ಣಿ ಕೊಡ್‍ಪಂವೊನಾಯಿತಿರಂಡು. ಎನ್ನಂಗೆಣ್ಣ್‌ಚೇಂಗಿ ಒರ್ ಸಮಯ ಅಯಿಂಗ ಪಶ್ಚಾತಾಪ ಪಟ್ಟಿತ್, ಸತ್ಯತ್‍ನ ಅರಿಂಜಂಡ್ ಪುನಃ ದೇವಡ ಪಕ್ಕ ಬಪ್ಪಕ್ ದೇವ ಒರ್ ಸನ್ನಿವೇಶ ಕೊಡ್‍ಪ.

ಇಬ್ರಿಯ 4:1

ದೇವ ತಪ್ಪ ಆರಾಮ್‍ರ ಜಾಗಕ್ ಪೋಪಕುಳ್ಳ ವಾಗ್ದಾನ ನಂಗಕ್ ಇಂಞು ಉಳ್ಳಗುಂಡ್, ನಿಂಗಡಲ್ಲಿ ಒಬ್ಬ ಸಹ ಅಲ್ಲಿಕ್ ಎತ್ತ್‌ವಕ್ ಆಪುಲೇಂದ್ ಗೊತ್ತಾಕತನೆಕೆ ಪೋಡಿಲ್ ಬದ್‍ಕಂಡು.

1 ಪೇತ್ರ 2:25

ಚದ್‌ರಿ ಪೋಯಿತ್ಂಜ ಕೊರಿರನೆಕೆ ಇಂಜಿರ; ಆಚೇಂಗಿ ಇಕ್ಕ ಕೊರಿ ಕಾಪಂವೊನೆಕೆ ನಿಂಗಡ ಆತ್ಮತ್‌ನ ನಡ್‍ತಿಯಂಡ್ ಪೋಪಂವೊಂಡ ಪಕ್ಕ, ಪಿಂಞ ನಿಂಗಳ ನೋಟುವ ಪೆರಿಯಂವೊಂಡ ಪಕ್ಕವು ಬಂದಿತುಳ್ಳಿರ.

2 ಪೇತ್ರ 3:8

ಆಚೇಂಗಿ ನಾಡ ಪ್ರೀತಿರ ಜನಳೇ, ಒಡೆಯಂಗ್ ಒರ್ ದಿವಸ ಆಯಿರ ಕಾಲತ್‍ರನೆಕೆಯು, ಆಯಿರ ಕಾಲ ಒರ್ ದಿವಸತ್‍ರನೆಕೆಯು ಉಂಡ್‍ೕಂದ್ ಉಳ್ಳ ವಿಷಯತ್‍ನ ನಿಂಗ ಮರ್ಂದ್ ಪೋಪಕ್ಕಾಗ.

ಪ್ರಕಟನೆ 21:4

ದೇವ ಅಯಿಂಗಡ ಕಣ್ಣೀರ್‌ನೆಲ್ಲಾ ತ್‍ೕ‍ಟ್‍ವ. ಇಂಞು ಮಿಂಞಕ್ ಚಾವ್ ಎಣ್ಣುವದ್ ಇಪ್ಪುಲೆ. ಇಂಞು ದುಃಖ, ಗೋಳಾಟ, ಕಷ್ಟ ಎಣ್ಣುವದ್ ಇಪ್ಪುಲೆ; ಮಿಂಞ ಇಂಜದೆಲ್ಲಾ ಇಲ್ಲತೆ ಆಯಿಪೋಚೀಂದ್ ಎಣ್ಣ್‌ಚಿ.