ಅಪೊಸ್ತಲ 3:17 - ಕೊಡವ ಬೈಬಲ್

¹⁷ ನಾಡ ಅಣ್ಣತಮ್ಮಣಂಗಳೇ, ನಿಂಗಳು ನಿಂಗಡ ಅದಿಕಾರಿಯಳು ಗೊತ್ತಿಲ್ಲತೆ ಇನ್ನನೆ ಮಾಡಿರಾಂದ್ ನಾಕ್ ಗೊತ್ತುಂಡ್.

ಅಪೊಸ್ತಲ 3:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 21:26

ಅದ್‌ಂಗ್‌ ಅಬೀಮೆಲೆಕ: ಈ ಕಾರ್ಯತ್‌ನ ದಾರ್‌ ಮಾಡಿಯೇಂದ್‌ ನಾಕ್‍ ಗೊತ್ತ್‌ಲ್ಲೆ. ನೀನ್‌ ಸಹ ಈ ವಿಷಯತ್‌ನ ಮಿಂಞಲೇ ನಾಕ್‍ ಎಣ್ಣಿತ್‌ಲ್ಲೆ. ಇಂದ್‌ಕತ್ತನೆ ಈ ವಿಷಯತ್‌ನ ನಾನ್‌ ಕ್‍ೕಟಿತೇ ಇಲ್ಲೇಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 39:8

ಆಚೇಂಗಿ ಅಂವೊ ಅದ್‌ಂಗ್‌ ಒತ್ತೊತೆ: ನೋಟ್, ನಾಡ ಯಜಮಾನ ನಾಡ ಮೇಲೆ ನಂಬಿಕೆ ಬೆಚ್ಚಿತ್‌ ಈ ಮೆನೇಲ್‌ ಉಳ್ಳದ್‌ನ ಒಂದ್‌ನ ಸಹ ವಿಚಾರ ಮಾಡತೆ, ತಾಂಡ ಇಡೀ ಆಸ್ತಿನ ಎಚ್ಚರತ್‌ಲ್‌ ನೋಟ್‌ವಕ್‌ ನಾಡ ಪಕ್ಕ ಒಪ್ಪಿಚಿಟ್ಟಿತುಂಡ್.

ಆದ್ಯತ್‌ರ ಪುಸ್ತಕ 44:15

ಯೋಸೇಫ ಅಯಿಂಗಕ್: ನಿಂಗ ಎಂತ ಕೆಲಸ ಮಾಡಿರ? ನಾಡಂತ ಮನುಷ್ಯಂಗ್‌ ಭವಿಷ್ಯ ಅರಿಂಜಿತ್‌ ಈ ಕಾರ್ಯತ್‌ನ ದಾರ್‌ ಮಾಡಿಯೇಂದ್‌ ನಾಕ್‍ ಗೊತ್ತಾಪಾಂದ್‌ ನಿಂಗಕ್‌ ಗೊತ್ತಿಲ್ಲೆಯಾ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:13

ಪಿಲಾತ, ಮುಕ್ಯ ಯಾಜಕಂಗಳ, ಅದಿಕಾರಿಯಳ ಪಿಂಞ ಜನಳ ಕಾಕುವಂಜಿ ನಿಂಗ ಇಂವೊನ ನಾಡ ಪಕ್ಕ ಕಾಕಿಯಂಡ್ ಬಂತ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:34

ಅಕ್ಕ ಯೇಸು: ಅಪ್ಪ, ಈಂಗಳ ಮನ್ನಿಚಿಡ್, ಈಂಗ ಎಂತ ಮಾಡಿಯಂಡುಂಡ್‍ೕಂದ್ ಅಯಿಂಗಕ್ ಗೊತ್ತ್‌ಲ್ಲೇಂದ್ ಎಣ್ಣ್‌ಚಿ. ಸಿಪಾಯಿಯಂಗ ಯೇಸುರ ಬಟ್ಟೇನ ಬಾಗ ಮಾಡಿತ್, ಚೀಟಿ ಇಟ್ಟಿತ್, ಬಟ್ಟೇನ ಎಡ್‍ತಂಡತ್.

ಯೋಹಾನ 15:21

ಆಚೇಂಗಿ ನನ್ನ ದಾರ್ ಅಯಿಚತೋ ಅಂವೊನ ಗೊತ್ತಿಲ್ಲತಗುಂಡ್, ನಾಡಗುಂಡ್ ನಿಂಗಕ್ ಇನ್ನನೆ ಮಾಡ್‌ವ.

ಯೋಹಾನ 16:3

ಅಯಿಂಗಕ್ ನನ್ನ, ನಾಡ ಅಪ್ಪನ ಗೊತ್ತಿಲ್ಲತಗುಂಡ್ ಇದ್‍ನೆಲ್ಲಾ ನಿಂಗಕ್ ಮಾಡ್‌ವ.

ಯೋಹಾನ 7:52

ಅಕ್ಕ ಅಯಿಂಗ: ನೀನ್ ಸಹ ಗಲಿಲಾಯತ್ಂಜ ಬಂದಂವೊನಾ? ಗಲಿಲಾಯತ್ಂಜ ಒರ್ ಪ್ರವಾದಿಯು ಬಪ್ಪ್‌ಲೇಂದ್ ದೇವಡ ಪುಸ್ತಕತ್‍ಲ್ ಚಾಯಿ ನೋಟ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 13:27

ಯೆರೂಸಲೇಮ್‍ಲ್ ವಾಸ ಮಾಡಿಯಡಿಂಜ ಜನಳು, ಅಯಿಂಗಡ ಅದಿಕಾರಿಯಳು ಯೇಸು ದಾರ್‍ೕಂದ್ ಗೊತ್ತ್‌ಮಾಡಿತ್‌ಲ್ಲೆ. ಪ್ರತಿ ವಾರ ಅಯಿಂಗಡ ಸಬಾಮಂದಿರತ್‍ಲ್ ಓದ್‍ವ ಪ್ರವಾದಿಯಂಗಡ ವಾಕ್ಯತ್‍ಲ್ ಉಳ್ಳ ಅಂವೊಂಡ ವಿಷಯಕೂಡೆ ಅಯಿಂಗಕ್ ಅರ್ಥ ಆಯಿತ್‌ಲ್ಲೆ. ಅದ್ಂಗ್ ಬದ್‍ಲ್ ಅಂವೊ ಚಾವನೆಕೆ ತೀರ್ಪ್ ಮಾಡಿತ್, ಪ್ರವಾದಿಯಂಗ ಎಣ್ಣ್‌ನ ವಾಕ್ಯತ್‍ನ ನೆರೆವೇರಿಚಿಟ್ಟತ್.

ಅಪೊಸ್ತಲ 22:5

ಇದ್ಂಗ್ ಮಹಾ ಯಾಜಕಂಗ ಪಿಂಞ ಪೆರಿಯಯಿಂಗ ಎಲ್ಲಾರು ಸಾಕ್ಷಿಯಳಾಯಿತುಂಡ್; ದಮಸ್ಕತ್‍ಲ್ ಉಳ್ಳ ಕ್ರಿಸ್ತಂಡ ಜನಕ್ ಶಿಕ್ಷೆ ಕ್‍ಟ್ಟ್‌ವನೆಕೆ, ಅಯಿಂಗಳ ಸರ್ಪಣಿಲ್ ಕೆಟ್ಟಿತ್, ಯೆರೂಸಲೇಮ್‌ಕ್ ಕೊಂಡ್ ಬಪ್ಪಕ್ ದಮಸ್ಕತ್‍ಲ್ ಉಳ್ಳ ಅಯಿಂಗಡ ಅಣ್ಣತಮ್ಮಣಂಗಕ್, ಅಯಿಂಗಳೇ ನಾಕ್ ಕಾಗದ ಕೊಡ್‍ತತ್.

ಅಪೊಸ್ತಲ 26:9

ನಜರೇತ್‍ರ ಯೇಸುರ ಪೆದಕ್ ವಿರೋದವಾಯಿತ್ ಎಂತೆಲ್ಲಾ ನಾಕ್ ಕಯ್ಯು, ಅದ್‍ನೆಲ್ಲಾ ಮಾಡಂಡೂಂದ್ ನಾನ್ ಸಹ ಗೇನ ಮಾಡ್‍ನ.

ಅಪೊಸ್ತಲ 28:21

ಅಯಿಂಗ ಅಂವೊಂಗ್: ನೀಡ ವಿಷಯವಾಯಿತ್ ನಂಗಕ್ ಯೂದಾಯತ್ಂಜ ಏದ್ ಕಾಗದವು ಬಂದಿತ್‌ಲ್ಲೆ, ಅಥವ ಇಲ್ಲಿ ಬಂದ ಅಣ್ಣತಮ್ಮಣಂಗ ಒಬ್ಬನು ನೀಡ ವಿಷಯತ್ ಏದ್ ಕುತ್ತವು ಅರಿಚಿಟ್ಟಿತ್‌ಲ್ಲೆ, ಅದ್ಂಡ ವಿಷಯತ್ ತಕ್ಕ್ ಪರ್ಂದಿತು ಇಲ್ಲೆ

ಅಪೊಸ್ತಲ 7:40

ಅಯಿಂಗ ಅರೋನನ ನೋಟಿತ್: ನಂಗಳ ಐಗುಪ್ತ ದೇಶತ್ಂಜ ಕಾಕಿಯಂಡ್ ಬಂದ ಮೋಶೇಕ್ ಎಂತ ಆಚೀಂದ್ ಗೊತ್ತ್‌ಲ್ಲೆ. ಆನಗುಂಡ್ ನಂಗ ಮಿಂಞ ಪೋಪಕ್ ಬಟ್ಟೆ ಕಾಟಿತಪ್ಪಕ್ ದೇವಳ ಮಾಡಿತ್ ತಾಂದ್ ಕ್‍ೕಟತ್.

ರೋಮ್ 11:2

ದೇವ, ಮಿಂಞಲೇ ಗೊತ್ತ್ ಮಾಡ್‍ನ ತಾಂಡ ಜನತ್‍ನ ತಿರಸ್ಕಾರ ಮಾಡುಲೆ. ಎಲೀಯ ಪ್ರವಾದಿರ ವಿಷಯತ್‍ನ ದೇವಡ ವಾಕ್ಯ ಎಣ್ಣುವ ಜಾಗತ್‍ಲ್, ಎಂತ ಎಣ್ಣಿಯಂಡುಂಡ್‍ೕಂದ್ ಗೊತ್ತ್‌ಲ್ಲೆಯ? ಎಲೀಯ ದೇವಡ ಪಕ್ಕ:

1 ಕೊರಿಂಥ 2:8

ಆಚೇಂಗಿ ಈ ಲೋಕತ್‍ರ ರಾಜಂಗ ದಾರೂ ಇದ್‍ನ ಅರ್ಥ ಮಾಡಿಯಂಡಿತ್‌ಲ್ಲೆ. ಅನ್ನನೆ ಅರ್ಥ ಮಾಡಿತ್ಂಜತೇಂಗಿ, ಮಹಿಮೆಯುಳ್ಳ ಒಡೆಯನ ಅಯಿಂಗ ಶಿಲುಬೇಕ್ ಇಡ್‍ವಕಿಂಜಿಲೆ.

2 ಕೊರಿಂಥ 3:14

ಆಚೇಂಗಿ ಅಯಿಂಗಡ ಮನಸ್ಸ್ ಕಲ್ಲ್‌ರನೆಕೆ ಗಟ್ಟಿಯಾಯಿ ಪೋಚಿ; ಇಲ್ಲಿಕತ್ತನೆ, ಪಳೆಯ ಒಪ್ಪಂದತ್‍ನ ಓದ್‍ವಕ, ಆ ತುಣಿನ ನೀಕಿತ್‌ಲ್ಲೆ; ಅದ್ ಕ್ರಿಸ್ತನಗುಂಡ್ ಮಾತ್ರ ನೀಂಗ್‍ಚಿ.

ಎಫೆಸ 4:18

ಅಯಿಂಗಡ ಮನಸ್ಸ್ ಇರ್‌ಟಾಯಿತ್ ಉಂಡ್, ಅಯಿಂಗಡ ಹೃದಯತ್‍ನ ಅಯಿಂಗ ಕಠಿಣ ಮಾಡಿತುಳ್ಳಗುಂಡ್ ಅಯಿಂಗಡ ಮನಸ್ಸ್‌ಕ್ ಒಂದು ಅರ್ಥ ಆಕತನೆಕೆ, ದೇವಡ ಜೀವಕ್ ಅನ್ಯರಾಯಿತ್ ಉಂಡ್.

ಫಿಲಿಪ್ಪಿ 1:22

ಬದ್‍ಕಿಯಂಡುಳ್ಳೇಂಗಿ ಕ್ರಿಸ್ತಂಗಾಯಿತ್ ಇಂಞು ದುಂಬ ಕೆಲಸ ಮಾಡಲು, ಆಂಗ್ ಈ ದಂಡ್‍ಲ್ ಏದ್ ಮಾಡಂಡೂಂದ್ ನಾಕ್ ಗೊತ್ತಾಯಂಡಿಲ್ಲೆ.

1 ತಿಮೊಥೆಯ 1:13

ಮಿಂಞ, ನಾನ್ ಅಂವೊನ ಎಚ್ಚಕೋ ದೇವ ದೂಷಣೆ ಮಾಡಿತ್, ಅಂವೊಂಡ ಜನಳ ಹಿಂಸೆ ಮಾಡಿತ್, ಕ್ರೂರವಾಯಿತ್ ಇಂಜ. ಆಚೇಂಗಿಯು, ನಾಕ್ ಅಂವೊಂಡ ಮೇಲೆ ನಂಬಿಕೆ ಇಲ್ಲತೆ, ಗೊತ್ತಿಲ್ಲತೆ ಇನ್ನನೆ ಮಾಡ್‌ನಾಂಗ್ ಯೇಸು ಕ್ರಿಸ್ತ ನಾಡ ಮೇಲೆ ಕನಿಕರ ಕಾಟ್‍ಚಿ.