ಅಪೊಸ್ತಲ 3:14 - ಕೊಡವ ಬೈಬಲ್

¹⁴ ಪವಿತ್ರವಾನ ಪಿಂಞ ನೀತಿವಂತಂವೊನಾಯಿತ್ಂಜ ಅಂವೊನ ನಿಂಗ ಬೋಂಡಾಂದ್ ಎಣ್ಣಿತ್, ಅಂವೊಂಡ ಬದ್‍ಲ್ ಕೊಲೆಗಾರನ ಬುಡುಗಡೆ ಮಾಡ್‌ವಕ್ ಎಣ್ಣಿರ.

ಅಪೊಸ್ತಲ 3:14 ပူးပေါင်းရင်းမြစ်များ

ಮತ್ತಾಯ 27:20

ಆಂಡಡೆಲ್ ಮುಕ್ಯ ಯಾಜಕಂಗಳು ಜನಡ ಪೆರಿಯಯಿಂಗಳು ಬರಬ್ಬನ ಬುಡುವಕು ಯೇಸುನ ಕೊಲ್ಲ್‌ವಕು ಜನಕ್ ಎಣ್ಣಿ ಕೊಡ್‍ತತ್.

ಮಾರ್ಕ 1:24

ಅಂವೊ ಯೇಸುನ ಕಾಂಬಕ: ಅಯ್ಯೋ! ನಜರೇತಿನ ಯೇಸುವೇ, ನೀಕ್ ನಂಗಡಗುಂಡ್ ಎಂತ ಆಂಡು? ನಂಗಳ ಪಾಳ್ ಮಾಡ್‌ವಕಾಯಿತ್ ಬಂದಿತುಳ್ಳಿಯ? ನೀನ್ ದಾರ್‍ೕಂದ್ ನಾಕ್ ಗೊತ್ತುಂಡ್. ನೀನ್ ದೇವಡ ಪವಿತ್ರವಾನಂವೋಂದ್ ಕೂತ್ ಕೊಡ್‍ತತ್.

ಮಾರ್ಕ 15:11

ಆಚೇಂಗಿ ಮುಕ್ಯ ಯಾಜಕಂಗ ಜನಡ ಗುಂಪ್‌ಕ್ ಬರಬ್ಬನ ಜೈಲಿಂಜ ಬುಡಂಡೂಂದ್ ನಿಂಗ ಕ್‍ೕಳೀಂದ್ ಎಣ್ಣ್‌ಚಿ.

ಮಾರ್ಕ 15:7

ಕಲಹ ಮಾಡಿತ್, ಆ ಕಲಹತ್‌ಲ್ ಕೊಲೆ ಮಾಡ್‍ನ ಬರಬ್ಬ ಎಣ್ಣ್‌ವಂವೊ ಆ ಸಮಯತ್‍ಲ್ ಜೈಲ್‍ಲ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:35

ಅದ್ಂಗ್ ದೇವದೂತ: ಪವಿತ್ರಾತ್ಮ ನೀಡ ಮೇಲೆ ಬಪ್ಪ, ದೇವಾದಿ ದೇವಡ ಶಕ್ತಿ ನೀಡ ಮೇಲೆ ನೆಳಳಿಡ್‌ವ; ಈ ಕಾರಣಕಾಯಿತ್ ಆ ಪವಿತ್ರ ಕುಂಞಿನ ದೇವಡ ಮೋಂವೋಂದ್ ಕಾಕುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:25

ಕಲಹ ಮಾಡಿತ್, ಕಲಹತ್‌ಲ್ ಒಬ್ಬನ ಕೊಲೆ ಮಾಡಿತ್ ಜೈಲ್‍ಲ್ ಇಂಜ ಬರಬ್ಬನ ಅಯಿಂಗಕ್ ಬುಡ್‌ತಿತ್, ಯೇಸುನ ಎಂತ ಮಾಡ್‌ವಕ್ ಕುಶಿ ಉಂಡೋ ಅದ್‍ನ ಮಾಡ್‌ವಕ್ ಅಯಿಂಗಡ ಪಕ್ಕ ಒಪ್ಪ್‌ಚಿಟ್ಟತ್.

ಯೋಹಾನ 16:10

ನಾನ್ ಅಪ್ಪಂಡ ಪಕ್ಕ ಪೋಪಗುಂಡ್ ನನ್ನ ಇಂಞು ಮಿಂಞಕ್ ನಿಂಗ ಕಾಂಬುಲೆ. ಆನಗುಂಡ್ ನೀತಿರ ವಿಷಯತ್ ಅಂವೊ ಎಣ್ಣಿ ತಪ್ಪ.

ಯೋಹಾನ 18:40

ಅದ್ಂಗ್ ಅಯಿಂಗೆಲ್ಲಾ: ಪುನಃ ಕೂತ್ ಕೊಡ್‌ತಂಡ್ ಇಂವೊನ ಅಲ್ಲ, ಬರಬ್ಬನ ಬುಡ್‍ೕಂದ್ ಎಣ್ಣ್‌ಚಿ. ಈ ಬರಬ್ಬ ಎಣ್ಣ್‌ವಂವೊ ಒರ್ ಬಲ್ಯ ಕಳ್ಳನಾಯಿತ್ಂಜತ್.

ಅಪೊಸ್ತಲ 13:28

ಅಂವೊಂಗ್ ಮರಣ ಶಿಕ್ಷೆ ಕೊಡ್‍ಪಕ್ ಒರ್ ಕಾರಣ ಕ್‍ಟ್ಟತೆ ಪೋಚೇಂಗಿಯು, ಅಂವೊನ ಕೊಲ್ಲಂಡೂಂದ್ ಪಿಲಾತನ ಕ್‍ೕಟತ್.

ಅಪೊಸ್ತಲ 2:27

ನೀನ್ ನಾಡ ಆತ್ಮತ್‌ನ, ಚಾವ್‍ರ ಜಾಗಕ್ ಪೋಪಕ್ ಬುಡುಲೆ, ನೀಡ ಪವಿತ್ರವಾನಂವೊಂಡ ತಡೀನ ಕೀಂಜ್ ಪೋಪಕ್ ಬುಡ್‍ಲೆ.

ಅಪೊಸ್ತಲ 22:14

ಅಕ್ಕ ಅಂವೊ: ನಂಗಡ ಅಜ್ಜಂಗಡ ದೇವ, ನೀನ್ ಅಂವೊಂಡ ಚಿತ್ತತ್‍ನ ಅರಿವಕು, ಆ ನೀತಿವಂತಂವೊನ ಕಾಂಬಕು, ಅಂವೊಂಡ ತಕ್ಕ್‌ನ ಅಂವೊಂಡ ಬಾಯಿಂಜ ಕ್‍ೕಪಕು ನಿನ್ನ ನೇಮಿಚಿಟ್ಟಿತುಂಡ್.

ಅಪೊಸ್ತಲ 4:27

ನೇರಾಯಿತು, ಹೆರೋದ, ಪೊಂತ್ಯ ಪಿಲಾತ, ಯೆಹೂದ್ಯಂಗ ಅಲ್ಲತ ಜನ ಪಿಂಞ ಇಸ್ರಾಯೇಲ್‍ರ ಜನ ಎಲ್ಲಾರು ಈ ಪಟ್ಟಣತ್‍ಲ್ ಕೂಡಿತ್, ನೀನ್ ಅಬಿಷೇಕ ಮಾಡ್‍ನ ನೀಡ ಪವಿತ್ರವಾನ ಸೇವಕನಾನ ಯೇಸುಕ್ ವಿರೋದವಾಯಿತ್ ಕೆಟ್ಟ ಆಲೋಚನೆ ಮಾಡಿತ್ ಬಾತ್.

ಅಪೊಸ್ತಲ 5:28

ನಿಂಗ ಈ ಪೆದತ್‍ಲ್ ಬೋದನೆ ಮಾಡ್‌ವಕ್ಕಾಗಾಂದ್ ನಂಗ ನಿಂಗಕ್ ಕಂಡಿತವಾಯಿತ್ ಆಜ್ಞೆ ಮಾಡ್‍ಚಲ್ಲಾ? ಆಚೇಂಗಿಯು, ಇಕ್ಕ ನೋಟಿ: ಯೆರೂಸಲೇಮ್‍ನ ನಿಂಗಡ ಬೋದನೆಯಿಂಜ ದುಂಬ್‌ಚಿಟ್ಟಿತ್, ಆ ಮನಷ್ಯನ ಕೊಂದ ಅಪರಾದತ್‍ನ ನಂಗಡ ಮೇಲೆ ಇಡ್‌ವಕ್ ತೀರ್ಮಾನ ಮಾಡಿತುಳ್ಳಿರಾಂದ್ ಎಣ್ಣ್‌ಚಿ.

ಅಪೊಸ್ತಲ 7:52

ನಿಂಗಡ ಮುತ್ತಜ್ಜಂಗ ಏದ್ ಪ್ರವಾದಿಕ್ ಹಿಂಸೆ ಕೊಡ್‍ಕತೆ ಇಂಜತ್? ನೀತಿವಂತಂವೊ ಒಬ್ಬ ಬಪ್ಪಾಂದ್ ಎಣ್ಣಿಯಂಡಿಂಜ ಪ್ರವಾದಿಯಳ ಸಹ ಕೊಲೆ ಮಾಡ್‍ಚಿ. ಇಕ್ಕ, ನಿಂಗ ಅನ್ನನೆ ಬಂದಂವೊನ ಪುಡ್‌ಚಿತ್ ಕೊಲ್ಲ್‌ವಕ್ ಒಪ್ಪ್‌ಚಿಡ್‌ವಕ, ಅದ್ಂಗ್ ನಿಂಗ ಪಾಲ್‍ದಾರಂಗಳಾಯಿತುಳ್ಳಿರ.

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.

ಯಾಕೋಬ 5:6

ನೀತಿವಂತಯಿಂಗಳ ನಿಂಗ ಕಂಡನೆ ಮಾಡಿತ್ ಕೊಂದಿತುಳ್ಳಿರ; ಆಚೇಂಗಿಯು ಅಯಿಂಗ ದಾರೂ ನಿಂಗಕ್ ವಿರೋದವಾಯಿತ್ ನಿಂದಿತ್‌ಲ್ಲೆ.

1 ಪೇತ್ರ 3:18

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಸಹ ನಂಗಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ಅನೀತಿ ಉಳ್ಳಯಿಂಗಕ್ ಬದ್‍ಲಾಯಿತ್ ನೀತಿಯುಳ್ಳಂವೊನಾಯಿತ್ ಒರೇ ಕುರಿ ಪಾಪತ್‍ರಗುಂಡ್ ಕಷ್ಟಪಟ್ಟತ್; ಅಂವೊ ತಡೀಲ್ ಚತ್ತತ್, ಆತ್ಮತ್‍ಲ್ ಜೀವವಾಯಿತ್ ಬಾತ್.

1 ಯೋಹಾನ 2:1

ನಾಡ ಪ್ರೀತಿರ ಮಕ್ಕಳೇ, ನಿಂಗ ಪಾಪ ಮಾಡತೆ ಇಪ್ಪಕಾಯಿತ್ ನಾನ್ ನಿಂಗಕ್ ಇದ್‍ನ ಒಳ್‍ದ್‍ವಿ. ಅನ್ನನೆ ದಾರೇಂಗಿ ಪಾಪ ಮಾಡ್‍ಚೇಂಗಿ, ನಂಗಕಾಯಿತ್ ಅಪ್ಪನಾನ ದೇವಡ ಪಕ್ಕ ಬೋಡ್‍ವಕ್ ಮದ್ಯಸ್ತ ಒಬ್ಬ ಉಂಡ್. ಆ ಮದ್ಯಸ್ತ, ನೀತಿವಂತಂವೊನಾನ ಯೇಸು ಕ್ರಿಸ್ತ.

ಪ್ರಕಟನೆ 3:7

ಫಿಲದೆಲ್ಫಿಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಪವಿತ್ರವಾನಂವೊನು, ನೇರಾನಂವೊನು, ದಾವೀದಂಡ ಬೀತ್‍ಕೈ ಉಳ್ಳಂವೊನು, ಏದು ಒರ್ ಮನುಷ್ಯನು ಮುಚ್ಚ್‌ವಕ್ ಕಯ್ಯತನೆಕೆ ತೊರ್‌ಪಂವೊನು, ಏದು ಒರ್ ಮನುಷ್ಯನು ತೊರ್‌ಪಕ್ ಕಯ್ಯತನೆಕೆ ಬೀಗ ಇಡ್‌ವಂವೊನು ಎಣ್ಣಿಯಂಡುಳ್ಳ.