ಅಪೊಸ್ತಲ 3:12 - ಕೊಡವ ಬೈಬಲ್

¹² ಪೇತ್ರ ಇದ್‍ನ ನೋಟಿತ್, ಜನಕ್: ಇಸ್ರಾಯೇಲ್ ಜನಳೇ, ನಿಂಗ ಎನ್ನಂಗ್ ಇದ್‍ನ ನೋಟಿತ್ ಆಶ್ಚರ್ಯ ಪಡುವಿರ? ನಿಂಗ ಎನ್ನಂಗ್ ನಂಗಳ ಇನ್ನನೆ ನೋಟ್‍ವಿರ? ಇಂವೊನ ನಡ್‍ಪನೆಕೆ ಮಾಡ್‍ನದ್, ನಂಗಡ ಸ್ವಂತ ಶಕ್ತಿಯಿಂಜಲು ಅಲ್ಲ, ನಂಗಡ ಬಕ್ತಿಯಿಂಜಲು ಅಲ್ಲ.

ಅಪೊಸ್ತಲ 3:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 40:8

ಅದ್‌ಂಗ್‌ ಅಯಿಂಗ: ಕಯಿಂಜ ಬಯಿಟ್ ನಂಗ ದಂಡಾಳು ಸ್ವಪ್ನ ಕಂಡತ್. ಅದ್‌ಂಡ ಅರ್ಥ ಎಣ್ಣಿ ತಪ್ಪಯಿಂಗ ಇಲ್ಲಿ ದಾರು ಇಲ್ಲೆಂದ್‌ ಎಣ್ಣ್‌ಚಿ. ಅಕ್ಕ ಯೋಸೇಫ: ಸ್ವಪ್ನತ್‌ರ ಅರ್ಥ ಎಣ್ಣ್‌ವದ್‌ ದೇವಕ್‌ ಕೂಡ್‌ನದ್‌ಂದ್‌ ನಿಂಗಕ್‌ ಗೊತ್ತಿಲ್ಲಯಾ? ನಿಂಗ ಎಂತ ಕಂಡಿರಾಂದ್‌ ನಾಕ್‍ ಎಣ್ಣೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 41:16

ಅದ್‌ಂಗ್‌ ಯೋಸೇಫ: ಇದ್‌ ನಾಡಗೊಂಡ್‌ ಆಪುಲೆ, ಆಚೇಂಗಿ ದೇವನೇ ಫರೋಹನಂಗ್‌ ಒರ್‌ ನಲ್ಲ ಜವಾಬ್ ತಪ್ಪಾಂದ್‌ ಎಣ್ಣ್‌ಚಿ.

ಯೋಹಾನ 7:18

ತಾಂಡ ಸ್ವಂತ ಬೋದನೆ ಮಾಡ್‌ವಯಿಂಗ, ಅಯಿಂಗಕ್ ಮಹಿಮೆ ಕ್‍ಟ್ಟಂಡೂಂದ್ ಮಾಡ್‌ವ, ಆಚೇಂಗಿ, ಅಂವೊನ ಅಯಿಚಂವೊಂಗ್ ಮಹಿಮೆ ಕ್‍ಟ್ಟುವಕಾಯಿತ್ ಬೋದನೆ ಮಾಡ್‌ವಂವೊ ಸತ್ಯವಂತಂವೊನಾಯಿತ್ ಉಂಡ್, ಅಂವೊಂಡಲ್ಲಿ ಪೊಟ್ಟ್ ಇಲ್ಲೆ.

ಅಪೊಸ್ತಲ 13:26

ಅಣ್ಣತಮ್ಮಣಂಗಳೇ, ಅಬ್ರಹಾಮಂಡ ಸಂತಾನಕಾರಳೇ, ದೇವನ ಆರಾದನೆ ಮಾಡ್‌ವ ಯೆಹೂದ್ಯ ಅಲ್ಲತ ಜನಳೇ, ಈ ರಕ್ಷಣೆರ ಬೋದನೆನ ನಂಗಕಾಯಿತೇ ಅಯಿಚತ್.

ಅಪೊಸ್ತಲ 2:22

ಇಸ್ರಾಯೇಲ್‍ರ ಜನಳೇ, ನಾಡ ತಕ್ಕ್‌ನ ಕ್‍ೕಳಿ; ನಿಂಗಕೆಲ್ಲ ಚಾಯಿತೆ ಗೊತ್ತುಳ್ಳನೆಕೆ ನಜರೇತ್‍ರ ಯೇಸುರ ಮೂಲಕ ದೇವ ನಿಂಗಡ ಮದ್ಯತ್‍ಲ್ ಬಲ್ಯ ಅದ್ಬುತ, ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅದ್‍ಯಿಂಜ ಅಂವೊನ ದೇವ ನೇಮಿಚಿಟ್ಟತ್‍ೕಂದ್ ನಿಂಗಕ್ ಕಾಂಬ್‍ಚಿಟ್ಟತ್.

ಅಪೊಸ್ತಲ 3:11

ವಾಸಿಯಾನ ಮನುಷ್ಯ, ಪೇತ್ರ ಪಿಂಞ ಯೋಹಾನನ ಬುಟ್ಟಿತ್ ಪೋಕತೆ ಅಯಿಂಗಳ ಪುಡ್‍ಚಂಡ್ ಇಂಜತ್. ಅಂವೊ ಇನ್ನನೆ ವಾಸಿಯಾನದ್‍ನ ಕ್‍ೕಟ ಜನಯೆಲ್ಲ ಆಶ್ಚರ್ಯತ್‍ಲ್, ಸೊಲೊಮೋನಂಡ ಮಂಟಪಾಂದ್ ಕಾಕ್‍ವ ಮಂಟಪಕ್, ಅಯಿಂಗಡ ಪಕ್ಕ ಓಡಿ ಬಾತ್.

ಅಪೊಸ್ತಲ 3:13

ನಂಗಡ ಅಜ್ಜಂಗಳಾನ ಅಬ್ರಹಾಮ, ಇಸಾಕ ಪಿಂಞ ಯಾಕೋಬಂಡ ದೇವ, ತಾಂಡ ಸೇವಕನಾನ ಯೇಸುನ ಮಹಿಮೆಪಡ್‍ತಿತುಂಡ್. ನಿಂಗ ಅಂವೊನ ಶಿಲುಬೇಲ್ ಇಡ್‌ವಕ್ ಒಪ್ಪ್‌ಚಿಟ್ಟಿರ; ಪಿಲಾತ ಅಂವೊನ ಬುಡ್‍ತಂಡೂಂದ್ ಎಣ್ಣ್‌ಚೇಂಗಿಯು, ನಿಂಗ, ಅಂವೊನ ಅನ್ನನೆ ಮಾಡ್‍ವದ್ ಬೋಂಡಾಂದ್ ಎಣ್ಣಿರ.

ರೋಮ್ 11:1

ಆನಗುಂಡ್, ದೇವ ತಾಂಡ ಜನತ್‍ನ ತಿರಸ್ಕಾರ ಮಾಡ್‍ಚಾಂದ್ ಕ್‍ೕಪಿ. ಅನ್ನನೆ ಮಾಡುಲೆ. ನಾನ್ ಸಹ ಅಬ್ರಹಾಮಂಡ ಸಂತಾನತ್‍ಲ್ ಬೆನ್ಯಾಮೀನಂಡ ಕುಲತ್‍ಲ್ ಪುಟ್ಟ್‌ನ ಇಸ್ರಾಯೇಲ.

ರೋಮ್ 9:4

ಅಯಿಂಗ ಇಸ್ರಾಯೇಲ್ ಜನ; ಮಕ್ಕಕುಳ್ಳ ಹಕ್ಕ್ ಅಯಿಂಗಡದೇ, ದೇವಡ ಮಹಿಮೇನೆ ಅಯಿಂಗಕೇ ಕಾಂಬ್‍ಚಿಟ್ಟತ್; ಅಯಿಂಗಕೇ ಒಪ್ಪಂದ ಮಾಡ್‍ಚಿ, ಅಯಿಂಗಕೇ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಅಯಿಂಗಕೇ ಆರಾದನೆ ಮಾಡ್‌ವ ಬಾಗ್ಯತ್‍ನ ಕೊಡ್‍ತತ್ ಪಿಂಞ ಅಯಿಂಗಕೇ ದೇವಡ ವಾಗ್ದಾನವು ಕ್‍ಟ್ಟ್‌ಚಿ.

2 ಕೊರಿಂಥ 3:5

ನಂಗಳಾಯಿತ್ ಎಂತಾಚು ಮಾಡ್‌ವಕ್ ಕಯ್ಯೂಂದ್ ಗೇನಮಾಡ್‌ವಕ್ ನಂಗಕ್ ಯೋಗ್ಯತೆ ಇಲ್ಲೆ; ನಂಗಡ ಯೋಗ್ಯತೆ ದೇವಡಯಿಂಜ ಬಂದಂಡುಂಡ್.

ಪ್ರಕಟನೆ 7:13

ಪೆರಿಯಯಿಂಗಡ ಕೂಟ್‌ಲ್ ಇಂಜ ಒಬ್ಬ ನನ್ನ ನೋಟಿತ್: ಬೊಳ್‍ತ ಬಟ್ಟೆ ಇಟ್ಟಂಡ್ ಉಳ್ಳ ಈಂಗ ದಾರ್? ಈಂಗೆಲ್ಲಾ ಎಲ್ಲಿಂಜ ಬಾತ್‍ೕಂದ್ ನನ್ನ ಕ್‍ೕಟತ್.