ಅಪೊಸ್ತಲ 3:10 - ಕೊಡವ ಬೈಬಲ್

¹⁰ ಇಂವೊ ದೇವಾಲಯತ್‍ರ ಚಾಯಿ ಬಾಯಿಕಂಡಿರ ಬರಿಲ್ ಅಳ್‌ತಂಡ್ ಬಿಕ್ಷೆ ಬೋಡ್‍ವಂವೋಂದ್ ಗೊತ್ತಾಯಿತ್, ಅಂವೊಂಗ್ ಇನ್ನನೆ ಆನದ್‍ನ ನೋಟಿತ್ ಅಯಿಂಗಕ್ ನಂಬುವಕ್ ಕಯ್ಯತಚ್ಚಕ್ ಆಶ್ಚರ್ಯ ಆಚಿ.

ಅಪೊಸ್ತಲ 3:10 ပူးပေါင်းရင်းမြစ်များ

ಮತ್ತಾಯ 14:35

ಅಲ್ಲಿಯತ್‍ರ ಜನ ಯೇಸುನ ಗೊತ್ತ್ ಮಾಡಿತ್, ಸುತ್ತ್‌ಲ್ ಉಳ್ಳ ಜನಕ್ ಸುದ್ದಿ ಅಯಿಚಿತ್, ಯೇಸುರ ಪಕ್ಕ ರೋಗಿಯಳ ಕಾಕಿಯಂಡ್ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:36

ಅಲ್ಲಿ ಇಂಜ ಎಲ್ಲಾ ಜನಳು ಆಶ್ಚರ್ಯಪಟ್ಟಿತ್, ಇದ್ ಏದ್ ತರತ್‍ರ ತಕ್ಕ್! ಅದಿಕಾರತ್‍ಲ್ ಪಿಂಞ ಶಕ್ತಿಲ್ ಕೂಳಿಯಳ ಪೊರಮೆ ಪೋಪಕ್ ಆಜ್ಞೆ ಮಾಡ್‌ವ, ಕೂಳಿಯಳು ಪೊರಮೆ ಪೋಪಲ್ಲಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:43

ಅಕ್ಕ ಎಲ್ಲಾ ಜನಳು ದೇವಡ ಮಹತ್ವತ್‌ನ ಕಂಡಿತ್ ಆಶ್ಚರ್ಯ ಪಟ್ಟತ್. ಯೇಸು ಮಾಡ್‍ನ ಎಲ್ಲಾ ಅದ್ಬುತತ್‌ನ ಕಂಡ ಜನ ಎಲ್ಲಾ ಆಶ್ಚರ್ಯ ಪಟ್ಟಂಡಿಪ್ಪಕ, ಯೇಸು ಅಂವೊಂಡ ಶಿಷ್ಯಂಗಕ್:

ಯೋಹಾನ 5:20

ಅಪ್ಪ ಮೋಂವೊನ ದುಂಬ ಪ್ರೀತಿ ಮಾಡಿತ್, ಅಂವೊ ಮಾಡ್‌ವಾನೆಲ್ಲಾ ಮೋಂವೊಂಗ್ ಕಾಟಿ ಕೊಡ್‍ಪ; ನಿಂಗ ಆಶ್ಚರ್ಯ ಪಡುವನೆಕೆ ಇದ್‌ಂಗಿಂಜ ಬಲ್ಯ ಬಲ್ಯ ಕಾರ್ಯತ್‍ನ ಮೋಂವೊಂಗ್ ಕಾಟಿತಪ್ಪ.

ಯೋಹಾನ 9:3

ಯೇಸು ಅಯಿಂಗಕ್: ಇಂವೊ ಮಾಡ್‍ನ ಪಾಪವು ಅಲ್ಲ, ಇಂವೊಂಡ ಅಪ್ಪವ್ವ ಮಾಡ್‍ನ ಪಾಪವು ಅಲ್ಲ, ದೇವಡ ಶಕ್ತಿ ಇಂವೊಂಡಲ್ಲಿ ಕಾಂಬಕಾಯಿತ್ ಇನ್ನನೆ ಪುಟ್ಟ್‌ಚೀಂದ್ ಎಣ್ಣ್‌ಚಿ.

ಯೋಹಾನ 9:8

ಅಕ್ಕ, ಅಂವೊಂಡ ನೆರೆಮನೆಕಾರಳು, ಇಂವೊ ಬಿಕ್ಷೆ ಬೋಡಿಯಂಡ್ ಇಂಜಾನ ಕಂಡಿತ್ಂಜ ಬೋರೆ ಜನಳು: ಇಂವೊ ಅಳ್‌ತಂಡ್ ಬಿಕ್ಷೆ ಬೋಡಿಯಂಡ್ ಇಂಜಂವೊನಲ್ಲಾಂದ್ ಕ್‍ೕಟತ್.

ಅಪೊಸ್ತಲ 2:12

ಎಲ್ಲಾರು ಆಶ್ಚರ್ಯತ್‍ಲ್ ಅಲ್ಲಿ ಎಂತ ಆಯಂಡುಂಡ್‍ೕಂದ್ ಗೊತ್ತಿಲ್ಲತೆ ಪೋಡಿಲ್, ಇದ್ ಎಂತಾಯಿತಿಕ್ಕೂಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಅಪೊಸ್ತಲ 2:7

ಎಲ್ಲಾರು ದುಂಬ ಆಶ್ಚರ್ಯತ್‍ಲ್, ಅಯಿಂಗಯಿಂಗಳ ನೋಟಿತ್ ಈಂಗ ಎಲ್ಲಾರು ಗಲಿಲಾಯತ್‍ರ ಜನ ಅಲ್ಲಾ?

ಅಪೊಸ್ತಲ 3:2

ಅಲ್ಲಿ, ಪುಟ್ಟ್‌ನಲ್ಲಿಂಜ ಕುಂಟನಾಯಿತ್ಂಜ ಒಬ್ಬನ ಚೆನ್ನ ಜನ ಕೊಂಡ್ ಬಂದಂಡಿಂಜತ್. ದೇವಾಲಯತ್‍ರ ಒಳ್‍ಕ್ ಪೋಪ ಜನಡ ಪಕ್ಕ ಬಿಕ್ಷೆ ಬೋಡ್‌ವಕಾಯಿತ್, ಅಂವೊನ ದಿನಾಲು ದೇವಾಲಯತ್‍ರ ಚಾಯಿ ಬಾಯಿಕಂಡೀಂದ್ ಕಾಕ್‍ವ ಪಡಿರ ಪಕ್ಕತ್‍ಲ್ ಅಳ್‍ಪಚಿಟ್ಟಂಡಿಂಜತ್.