ಅಪೊಸ್ತಲ 28:8 - ಕೊಡವ ಬೈಬಲ್

⁸ ಅಂವೊಂಡ ಅಪ್ಪಂಗ್ ಚೋರೆ ತೂರಾಟ ಕಾಯಿಲೆ ಪಿಂಞ ಪನಿ ಬಂದಿತ್ ಬುದ್ದಂಡ್ ಇಂಜತ್. ಪೌಲ ಅಂವೊಂಡ ಪಕ್ಕ ಪೋಯಿತ್ ಪ್ರಾರ್ಥನೆ ಮಾಡಿತ್ ಅಂವೊಂಡ ಮೇಲೆ ಕೈ ಬೆಚ್ಚಿತ್ ಅಂವೊನ ವಾಸಿ ಮಾಡ್‍ಚಿ.

ಅಪೊಸ್ತಲ 28:8 ပူးပေါင်းရင်းမြစ်များ

ಮತ್ತಾಯ 10:1

ಯೇಸು ಅಂವೊಂಡ ಪನ್ನೆರಂಡ್ ಶಿಷ್ಯಂಗಳ ಕಾಕುವಂಜಿ, ಕೂಳಿ ಪುಡ್‌ಚಯಿಂಗಕ್ ಕೂಳಿ ಬುಡ್‌ತ್‌ವಕು, ಎಲ್ಲಾ ರೋಗ ಪಿಂಞ ಎಲ್ಲಾ ಕಾಯಿಲೆನ ವಾಸಿ ಮಾಡ್‌ವಕು ಅಯಿಂಗಕ್ ಅದಿಕಾರ ಕೊಡ್‍ತತ್.

ಮತ್ತಾಯ 10:8

ಕಾಯಿಲಸ್ತಂಗಳ ವಾಸಿ ಮಾಡಿ, ಚತ್ತಯಿಂಗಳ ಬದ್‍ಕ್‍ಚಿಡಿ. ಕುಷ್ಟರೋಗಿಯಳ ವಾಸಿ ಮಾಡಿ ಪಿಂಞ ಕೂಳಿ ಪುಡ್‌ಚಯಿಂಗಕ್, ಕೂಳಿನ ಬುಡ್‍ತಿ. ನಿಂಗಕ್ ಪುಕ್ಕಟೆಯಾಯಿತ್ ಕ್‍ಟ್ಟ್‌ನದ್‍ನ ಪುಕ್ಕಟೆಯಾಯಿತ್ ಕೊಡಿ.

ಮತ್ತಾಯ 12:13

ಪಿಂಞ ಆ ಮನುಷ್ಯನ ನೋಟಿತ್: ನೀಡ ಕೈಯಿನ ನೀಟ್‍ೕಂದ್ ಎಣ್ಣ್‌ಚಿ. ಅಂವೊ ಕೈ ನೀಟ್‌ಚಿ, ಅಂವೊಂಡ ಕೈಯಿನ ಪೂರ್ತಿ ವಾಸಿಯಾಚಿ; ಅಕ್ಕ ಆ ಕೈ ಬೋರೆ ಕೈಯಿರನೆಕೆ ಆಚಿ.

ಮತ್ತಾಯ 9:18

ಇನ್ನನೆ ಯೇಸು ತಕ್ಕ್ ಪರ್‌ದಂಡ್ ಇಪ್ಪಕಾಪಕ, ಒರ್ ಅದಿಕಾರಿ ಬಂದಿತ್ ಯೇಸುರ ಪಕ್ಕ ಮೊಣಕಾಲ್ ಇಟ್ಟಿತ್, ನಾಡ ಮೋವ ಇಕ್ಕಲೆ ಚತ್ತ್ ಪೋಚಿ. ಆಚೇಂಗಿ ನೀನ್ ಬಂದಿತ್ ನೀಡ ಕೈಯಿನ ಅವಡ ಮೇಲೆ ಬೆಚ್ಚತೇಂಗಿ ಅವ ಬದ್‌ಕ್‌ವಾಂದ್ ಎಣ್ಣ್‌ಚಿ.

ಮಾರ್ಕ 16:18

ಅಯಿಂಗ ಪಾಂಬ್‍ನ ಪುಡ್‌ಚತೇಂಗಿಯೂ, ವಿಷ ಕುಡಿಚತೇಂಗಿಯೂ ಅಯಿಂಗಕ್ ಒಂದು ಆಪುಲೆ. ಕಾಯಿಲೆ ಬಂದ ಜನಡಮೇಲೆ ಕೈ ಬೆಚ್ಚತೇಂಗಿ ಅಯಿಂಗ ವಾಸಿ ಆಪಾಂದ್ ಅಂವೊ ಎಣ್ಣ್‌ಚಿ.

ಮಾರ್ಕ 5:23

ನಾಡ ಮೂಡಿ ಕುಂಞಿ ದುಂಬ ಕಾಯಿಲೆಲ್ ಬುದ್ದಿತ್ ಉಂಡ್, ನೀನ್ ದಯಬೆಚ್ಚಿತ್ ಬಂದಿತ್ ನೀಡ ಕೈಯಿನ ಅವಡ ಮೇಲೆ ಬೆಯ್ಯಿ; ಅಕ್ಕ ಅವಡ ಕಾಯಿಲೆ ವಾಸಿಯಾಯಿತ್ ಬದ್‌ಕ್‌ವಾಂದ್ ಬಕ್ತಿಲ್ ಬೋಡಿಯಂಡತ್.

ಮಾರ್ಕ 6:5

ಚೆನ್ನ ಕಾಯಿಲೆಸ್ತಂಗಡ ಮೇಲೆ ಕೈಯಿನ ಬೆಚ್ಚಿತ್ ವಾಸಿಮಾಡ್‌ನದಲ್ಲತೆ, ಬೋರೆ ಏದ್ ಅದ್ಬುತ ಕಾರ್ಯವು ಅಲ್ಲಿ ಅಂವೊಂಗ್ ಮಾಡ್‌ವಕ್ ಕಯಿಂಜಿತ್ತ್‌ಲ್ಲೆ.

ಮಾರ್ಕ 7:32

ಚೆನ್ನ ಜನ, ಕೆಮಿ ಕೇಕತ ಪಿಂಞ ಬಾಯಿ ಬರತ ಒರ್ ಮನುಷ್ಯನ ಯೇಸುರ ಪಕ್ಕ ಕಾಕಿಯಂಡ್ ಬಂತ್ ನೀಡ ಕೈಯಿನ ಇಂವೊಂಡ ಮೇಲೆ ಬೆಯ್ಯ್ಂದ್ ಬೋಡಿಯಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:13

ಅವಡ ಮೇಲೆ ಕೈ ಬೆಚ್ಚತ್. ಅಚ್ಚಕ್ ಬೆರಿಯ ಅವ ನೇರೆ ನಿಪ್ಪಂಜಿ ದೇವನ ತುದಿಪಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:40

ಸೂರ್ಯ ಮುಳ್‌ಗ್‌ನ ಪಿಂಞ ಜನಯೆಲ್ಲ ನಾನಾತರ ಕಾಯಿಲೆ ಉಳ್ಳ ಜನಳ ಕಾಕಿಯಂಡ್ ಬಾತ್. ಯೇಸು ಎಲ್ಲಾಡ ಮೇಲೆ ಕೈ ಬೆಚ್ಚಿತ್ ಅಯಿಂಗಳ ವಾಸಿ ಮಾಡ್‍ಚಿ.

ಅಪೊಸ್ತಲ 28:7

ದ್ವೀಪಕ್ ಮುಕ್ಯಸ್ತನಾನ ಪೊಪ್ಲಿಯ ಎಣ್ಣ್‌ವಂವೊಂಡ ನೆಲ, ಆ ಜಾಗತ್‍ರ ಪಕ್ಕತ್‍ಲ್ ಇಂಜತ್. ಅಂವೊ ನಂಗಳ ಅಂವೊಂಡ ಮನೆಕ್ ಸ್ವೀಕಾರ ಮಾಡಿತ್ ಮೂಂದ್ ದಿವಸ ಚಾಯಿ ಊಟೋಪಚಾರ ಮಾಡ್‍ಚಿ.

ಅಪೊಸ್ತಲ 28:9

ಇದಾನ ಪಿಂಞ, ಆ ದ್ವೀಪತ್‍ಲ್ ಇಂಜ ಬೋರೆ ರೋಗಿಯಳು ಅಂವೊಂಡ ಪಕ್ಕ ಬಂದಿತ್ ವಾಸಿ ಆಚಿ.

ಅಪೊಸ್ತಲ 9:40

ಪೇತ್ರ ಅಯಿಂಗ ಎಲ್ಲಾರ್‌ನ ಆ ಕೋಂಬರೆಯಿಂಜ ಪೊರಮೆ ಅಯಿಚಿತ್, ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡಿತ್, ಚಾವ್ ತಡೀರ ಪಕ್ಕ ತಿರಿತ್: ತಬಿಥಾ, ಏಳ್‍ೕಂದ್ ಎಣ್ಣ್‌ಚಿ; ಅಕ್ಕ ಅವ ಕಣ್ಣ್ ತೊರಂದಿತ್, ಪೇತ್ರನ ಕಂಡದು ಅವ ಎದ್ದಿತ್ ಅಳ್‌ತಂಡತ್.

1 ಕೊರಿಂಥ 12:28

ದೇವಡ ಸಬೇಲ್, ದೇವ ಆದ್ಯವಾಯಿತ್ ಅಪೊಸ್ತಲಂಗಳ, ಪಿಂಞ ಪ್ರವಾದಿಯಂಗಳ, ಪಿಂಞ ಉಪದೇಶ ಮಾಡ್‌ವಯಿಂಗಳ ಪಿಂಞ ಅದ್ಬುದ ಕಾರ್ಯ ಮಾಡ್‌ವಯಿಂಗಳ, ಪಿಂಞ ಕಾಯಿಲೆ ವಾಸಿ ಮಾಡ್‌ವಯಿಂಗಳ, ಪಿಂಞ ಸಹಾಯ ಮಾಡ್‌ವಯಿಂಗಳ ಪಿಂಞ ಆಡಳಿತ ಮಾಡ್‌ವಯಿಂಗಳ, ಪಿಂಞ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನೇಮಿಚಿಟ್ಟಿತುಂಡ್.

1 ಕೊರಿಂಥ 12:9

ಬೋರೆ ಒಬ್ಬಂಗ್ ಅದೇ ಪವಿತ್ರಾತ್ಮನಗುಂಡ್ ದೇವಡ ದೃಡವಾನ ನಂಬಿಕೆ, ಇಂಞೊಬ್ಬಂಗ್ ಅದೇ ಪವಿತ್ರಾತ್ಮನಗುಂಡ್ ಕಾಯಿಲೆನೆ ವಾಸಿ ಮಾಡ್‌ವ ವರ,