ಅಪೊಸ್ತಲ 28:31 - ಕೊಡವ ಬೈಬಲ್

³¹ ತಾಂಡ ಪಕ್ಕ ಬಪ್ಪಯಿಂಗಕ್ ದೈರ್ಯವಾಯಿತ್, ಏದ್ ತಡೆಯು ಇಲ್ಲತೆ, ದೇವಡ ರಾಜ್ಯತ್‍ರ ವಿಷಯತ್‍ನ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ವಿಷಯತ್‍ನ ಬೋದನೆ ಮಾಡಿಯಂಡ್ ಇಂಜತ್.

ಅಪೊಸ್ತಲ 28:31 ပူးပေါင်းရင်းမြစ်များ

ಮತ್ತಾಯ 4:23

ಪಿಂಞ ಯೇಸು, ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಅಲ್ಲಿಯತ್‍ರ ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮಾರ್ಕ 1:14

ಯೋಹಾನನ ಜೈಲ್‌ಕ್ ಇಟ್ಟ ಪಿಂಞ ಯೇಸು ಗಲಿಲಾಯಕ್ ಪೋಯಿತ್, ಅಲ್ಲಿ ಜನಕ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:1

ಬಯ್ಯಂಜಿ, ಯೇಸು ಅಲ್ಲಿಯತ್‍ರ ಪಟ್ಟಣ ಪಿಂಞ ಗ್ರಾಮಕೆಲ್ಲಾ ಪ್ರಯಾಣ ಮಾಡಿತ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡಿಂಜತ್. ಅಂವೊಂಡ ಪನ್ನೆರಂಡ್ ಶಿಷ್ಯಂಗಳು ಅಂವೊಂಡ ಕೂಡೆ ಇಂಜತ್.

ಅಪೊಸ್ತಲ 1:3

ಅಂವೊ ಶಿಲುಬೇಲ್ ಕಷ್ಟಪಟ್ಟಿತ್ ಚತ್ತ್‌ಪೋನ ಪಿಂಞ, ಅಂವೊ ಜೀವವಾಯಿತ್ ಉಂಡ್‍ೕಂದ್ ನಾಪದ್ ದಿವಸ, ಅಪೊಸ್ತಲಂಗಕ್ ದುಂಬ ಕುರಿ ದೃಡ ಸಾಕ್ಷಿಯಾಯಿತ್ ಅಂವೊನ ಕಾಂಬ್‌ಚಿಟ್ಟಂಡತ್. ಅನ್ನನೆ ದೇವಡ ರಾಜ್ಯತ್‍ರ ವಿಷಯತ್‍ನ ಪರ್ಂದಂಡ್, ಜೀವ ಉಳ್ಳಂವೊನಾಯಿತ್, ಕಾಂಬ್‌ಚಿಟ್ಟಂಡ್ ಇಂಜತ್.

ಅಪೊಸ್ತಲ 20:25

ನೋಟಿ: ಇಚ್ಚಕ್ ದಿವಸ ನಿಂಗಡ ಕೂಡೆ ವಾಸ ಮಾಡಿತ್, ದೇವಡ ರಾಜ್ಯತ್‍ರ ಸತ್ಯತ್‍ನ ಬೋದನೆ ಮಾಡ್‍ನ ನನ್ನ ಇಂಞು ಮಿಂಞಕ್ ನಿಂಗಡಲ್ಲಿ ಒಬ್ಬನು ನಾಡ ಮೂಡ್‍ನ ಕಾಂಬ್‍ಲೇಂದ್ ನಾಕ್ ಇಕ್ಕ ಗೊತ್ತುಂಡ್.

ಅಪೊಸ್ತಲ 23:11

ಆ ದಿವಸ ಬಯಿಟ್, ಒಡೆಯ ಪೌಲಂಡ ಪಕ್ಕ ನಿಂದಿತ್ ದೈರ್ಯವಾಯಿತ್ ಇರ್; ನೀನ್ ಯೆರೂಸಲೇಮ್‍ಲ್ ನಾಡ ಸಂಗತಿನ ಸಾಕ್ಷಿಯಾಯಿತ್ ಎಣ್ಣ್‌ನನೆಕೆ, ರೋಮ್ ಪಟ್ಟಣತ್‌ಲು ಸಾಕ್ಷಿ ಎಣ್ಣಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 28:23

ಅಂವೊ ಎಣ್ಣುವಾನ ಕ್‍ೕಪಕಾಯಿತ್ ಒರ್ ದಿವಸತ್‍ನ ಗೊತ್ತ್ ಮಾಡ್‍ಚಿ. ಆ ದಿವಸತ್‍ಲ್ ದುಂಬ ಜನ ಅಂವೊ ಇಂಜ ಮನೆಕ್ ಬಾತ್. ಅಕ್ಕ ಪೌಲ, ಪೊಲಾಕಯಿಂಜ ಬಯಿಟಾಪಕತ್ತನೆ ದೇವಡ ರಾಜ್ಯತ್‍ರ ವಿಷಯತ್‍ನ ವಿವರಿಚಿಟ್ಟಂಡ್, ಸಾಕ್ಷಿ ಎಣ್ಣಿಯಂಡ್, ಮೋಶೇರ ನ್ಯಾಯಪ್ರಮಾಣತ್ಂಜ ಪಿಂಞ ಪ್ರಾವಾದಿಯಡ ಪುಸ್ತಕತ್ಂಜ ಆದಾರತ್‍ನ ಎಡ್‍ತಂಡ್ ಯೇಸುರ ವಿಷಯತ್‍ನ ಅಯಿಂಗಕ್ ವಿವರಿಚಿಟ್ಟಿತ್ ಎಣ್ಣಿಯಂಡಿಂಜತ್.

ಅಪೊಸ್ತಲ 28:30

ಅಲ್ಲಿಂಜ ಅಂವೊ ತಾನ್ ಮಾಡ್‍ನ ಬಾಡಿಗೆ ಮನೆಲ್, ದಂಡ್ ಕಾಲ ಇಂಜಿತ್, ತಾಂಡ ಪಕ್ಕ ಬಪ್ಪಯಿಂಗಳೆಲ್ಲಾ ಸ್ವೀಕಾರ ಮಾಡ್‍ಚಿ.

ಅಪೊಸ್ತಲ 4:29

ಆಚೇಂಗಿ ಇಕ್ಕ ಒಡೆಯನೇ, ಅಯಿಂಗ ನಂಗಳ ಬೊತ್ತ್‌ಚಿಟ್ಟದ್‍ನ ನೀನ್ ನೋಟಿತ್, ನೀಡ ಸೇವಕಂಗಳಾನ ನಂಗಕ್ ನೀಡ ವಾಕ್ಯತ್‍ನ ಬೋದನೆ ಮಾಡ್‌ವಕ್ ದೈರ್ಯ ಕೊಡ್.

ಅಪೊಸ್ತಲ 4:31

ಇನ್ನನೆ ಅಯಿಂಗ ಪ್ರಾರ್ಥನೆ ಮಾಡ್‌ವಕ, ಅಯಿಂಗ ಕೂಡಿತ್ಂಜ ಜಾಗ ಅಲ್ಲಾಡ್‌ಚಿ. ಅಯಿಂಗ ಎಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ದೇವಡ ವಾಕ್ಯತ್‍ನ ದೈರ್ಯತ್‍ಲ್ ಎಣ್ಣ್‌ಚಿ.

ಅಪೊಸ್ತಲ 5:42

ಪಿಂಞ ದಿನಾಲು ಅಯಿಂಗ ದೇವಾಲಯತ್‍ಲು, ಓರೋರ್ ಮನೇಲು, ಕೂಡಿ ಬಂದಿತ್, ದೇವಡ ವಾಕ್ಯತ್‍ನ ಬೋದನೆ ಮಾಡಿಯಂಡ್, ಯೇಸುವೇ, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ನಿಪ್ಪ್‌ಚಿಡತೆ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡಿಂಜತ್.

ಅಪೊಸ್ತಲ 8:12

ಆಚೇಂಗಿ ಇಕ್ಕ, ಫಿಲಿಪ್ಪ ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪಿಂಞ ಯೇಸು ಕ್ರಿಸ್ತಂಡ ಪೆದತ್‍ನ ಪ್ರಚಾರ ಮಾಡ್‌ವಾನ ಆ ಪಟ್ಟಣತ್‍ರ ಜನ ಕ್‍ೕಪಕ, ಅಯಿಂಗ ಅದ್‍ನ ನಂಬಿತ್, ಆಣಾಳ್ ಪಿಂಞ ಪೊಣ್ಣಾಳುವ ದೀಕ್ಷಾಸ್ನಾನ ಎಡ್‍ತತ್.

ಫಿಲಿಪ್ಪಿ 1:14

ನಾನ್ ಇನ್ನನೆ ಕೈದಿಯಾಯಿತ್ ಉಳ್ಳಗುಂಡ್, ಯೇಸುನ ನಂಬ್‍ನ ಸುಮಾರ್ ಅಣ್ಣತಮ್ಮಣಂಗ ದೇವಡ ವಿಷಯತ್‍ನ ಒರ್ ಪೋಡಿಯು ಇಲ್ಲತೆ ದುಂಬ ನಂಬಿಕೇಲ್ ದೈರ್ಯವಾಯಿತ್ ಎಣ್ಣಿಯಂಡುಂಡ್.

2 ತಿಮೊಥೆಯ 2:9

ಈ ನಲ್ಲ ಸುದ್ದಿರಗುಂಡ್, ನನ್ನ ಕೊಲೆಗಾರನೆಕೆ ಸರ್ಪಣಿಲ್ ಕೆಟ್ಟಿತ್, ನಾನ್ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ದೇವಡ ವಾಕ್ಯ ಬಂದನೆ ಆಯಿತ್‌ಲ್ಲೆ.

2 ತಿಮೊಥೆಯ 4:17

ಆಚೇಂಗಿ ಒಡೆಯ ನಾಡ ಕೂಡೆ ನಿಂದಿತ್ ನನ್ನ ಬಲಪಡ್‍ತಿತ್, ನಾಡ ಮೂಲಕ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಪ್ರಚಾರ ಮಾಡ್‌ವಕ್, ಯೆಹೂದ್ಯಂಗಲ್ಲತ ಜನ ಅದ್‍ನ ಕ್‍ೕಪನೆಕೆ ಮಾಡ್‍ಚಿ. ಇದ್ ಅಲ್ಲತೆ ಸಿಂಹತ್‍ರ ಬಾಯಿಯಿಂಜ ನನ್ನ ಬುಡ್‍ಗಡೆ ಮಾಡ್‍ಚಿ.