ಅಪೊಸ್ತಲ 28:23 - ಕೊಡವ ಬೈಬಲ್

²³ ಅಂವೊ ಎಣ್ಣುವಾನ ಕ್‍ೕಪಕಾಯಿತ್ ಒರ್ ದಿವಸತ್‍ನ ಗೊತ್ತ್ ಮಾಡ್‍ಚಿ. ಆ ದಿವಸತ್‍ಲ್ ದುಂಬ ಜನ ಅಂವೊ ಇಂಜ ಮನೆಕ್ ಬಾತ್. ಅಕ್ಕ ಪೌಲ, ಪೊಲಾಕಯಿಂಜ ಬಯಿಟಾಪಕತ್ತನೆ ದೇವಡ ರಾಜ್ಯತ್‍ರ ವಿಷಯತ್‍ನ ವಿವರಿಚಿಟ್ಟಂಡ್, ಸಾಕ್ಷಿ ಎಣ್ಣಿಯಂಡ್, ಮೋಶೇರ ನ್ಯಾಯಪ್ರಮಾಣತ್ಂಜ ಪಿಂಞ ಪ್ರಾವಾದಿಯಡ ಪುಸ್ತಕತ್ಂಜ ಆದಾರತ್‍ನ ಎಡ್‍ತಂಡ್ ಯೇಸುರ ವಿಷಯತ್‍ನ ಅಯಿಂಗಕ್ ವಿವರಿಚಿಟ್ಟಿತ್ ಎಣ್ಣಿಯಂಡಿಂಜತ್.

ಅಪೊಸ್ತಲ 28:23 ပူးပေါင်းရင်းမြစ်များ

ಮಾರ್ಕ 4:34

ಯೇಸು ಕಥೇರ ರೂಪತ್‌ಲ್ ಎಣ್ಣತೆ ಜನಡ ಕೂಡೆ ತಕ್ಕ್ ಪರಿಯುವಕಿಂಜಿಲೆ. ಆಚೇಂಗಿ ಅಂವೊ ಅಂವೊಂಡ ಶಿಷ್ಯಂಗಡ ಕೂಡೆ ಇಪ್ಪಕ ಅಯಿಂಗಕ್ ಚಾಯಿತೆ ಅರ್ಥ ಮಾಡಿ ಕೊಡ್‌ಪಯಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:28

ಅಲ್ಲಿ ನಾಕ್ ಅಂಜ್ ಅಣ್ಣತಮ್ಮಣಂಗ ಉಂಡ್, ಅಯಿಂಗ ಈ ಉರಿವ ಜಾಗಕ್ ಬಕ್ಕತನೆಕೆ ನಡ್‍ಪಕ್ ಅಂವೊ ಎಚ್ಚರ ಮಾಡ್‌ವಕ್ ನಾನ್ ನಿನ್ನ ಬೋಡ್‌ವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44

ನಾನ್ ನಿಂಗಡ ಕೂಡೆ ಇಪ್ಪಕಲೆ, ಮೋಶೇರ ನ್ಯಾಯಪ್ರಮಾಣತ್‍ಲ್, ಪ್ರವಾದಿಯಂಗಡ ಪುಸ್ತಕತ್‍ಲ್ ಪಿಂಞ ದೇವಡ ಪಾಟ್‍ಲ್ ಒಳ್‍ದಿತುಳ್ಳ ನಾಡ ವಿಷಯವೆಲ್ಲ ಆಂಡೂಂದ್ ಎಣ್ಣಿಯೆ.

ಯೋಹಾನ 4:34

ಅಯಿಂಗಕ್ ಯೇಸು: ನನ್ನ ಅಯಿಚಂವೊಂಡ ಚಿತ್ತತ್‍ರನೆಕೆ ಮಾಡಿತ್, ಅಂವೊಂಡ ಕ್ರಿಯೇನ ನೆರೆವೇರಿಚಿಡುವದೇ ನಾಡ ಆಹಾರಾಂದ್ ಎಣ್ಣ್‌ಚಿ.

ಅಪೊಸ್ತಲ 1:3

ಅಂವೊ ಶಿಲುಬೇಲ್ ಕಷ್ಟಪಟ್ಟಿತ್ ಚತ್ತ್‌ಪೋನ ಪಿಂಞ, ಅಂವೊ ಜೀವವಾಯಿತ್ ಉಂಡ್‍ೕಂದ್ ನಾಪದ್ ದಿವಸ, ಅಪೊಸ್ತಲಂಗಕ್ ದುಂಬ ಕುರಿ ದೃಡ ಸಾಕ್ಷಿಯಾಯಿತ್ ಅಂವೊನ ಕಾಂಬ್‌ಚಿಟ್ಟಂಡತ್. ಅನ್ನನೆ ದೇವಡ ರಾಜ್ಯತ್‍ರ ವಿಷಯತ್‍ನ ಪರ್ಂದಂಡ್, ಜೀವ ಉಳ್ಳಂವೊನಾಯಿತ್, ಕಾಂಬ್‌ಚಿಟ್ಟಂಡ್ ಇಂಜತ್.

ಅಪೊಸ್ತಲ 18:28

ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್, ಅಲ್ಲಿಯತ್‍ರ ಯೆಹೂದ್ಯಂಗಕ್, ಎಲ್ಲಾಡ ಮಿಂಞತ್ ಅಯಿಂಗಕ್ ಏದು ಎಣ್ಣ್‌ವಕ್ ಕಯ್ಯತನೆಕೆ ಬಲ್ಯ ಆವೇಶತ್‍ಲ್ ದೇವಡ ವಾಕ್ಯತ್ಂಜ ಕಾಟಿಕೊಡ್‍ತತ್.

ಅಪೊಸ್ತಲ 18:4

ಎಲ್ಲಾ ಸಬ್ಬತ್ ದಿವಸತ್‍ಲ್ ಸಬಾಮಂದಿರತ್‍ಲ್ ಚರ್ಚೆ ಮಾಡಿತ್ ಯೆಹೂದ್ಯಂಗಕು ಯೆಹೂದ್ಯ ಅಲ್ಲತಯಿಂಗಕು ಯೇಸು ಕ್ರಿಸ್ತಂಡ ವಿಷಯತ್‍ನ ದೃಡವಾಯಿತ್ ಸಾಕ್ಷಿ ಎಣ್ಣಿಯಂಡಿಂಜತ್.

ಅಪೊಸ್ತಲ 19:8

ಪಿಂಞ, ಪೌಲ ಎಫೆಸ ಪಟ್ಟಣತ್‍ಲ್ ಇಂಜ ಸಬಾಮಂದಿರಕ್ ಪೋಯಿತ್ ಮೂಂದ್ ತಿಂಗ ದೇವಡ ರಾಜ್ಯತ್‍ರ ವಿಷಯತ್‍ನ ದೈರ್ಯತ್‍ಲ್, ನಂಬುವನೆಕೆ ಚರ್ಚೆ ಮಾಡಿಯಂಡ್ ಬೋದನೆ ಮಾಡಿಯಂಡೇ ಇಂಜತ್.

ಅಪೊಸ್ತಲ 23:11

ಆ ದಿವಸ ಬಯಿಟ್, ಒಡೆಯ ಪೌಲಂಡ ಪಕ್ಕ ನಿಂದಿತ್ ದೈರ್ಯವಾಯಿತ್ ಇರ್; ನೀನ್ ಯೆರೂಸಲೇಮ್‍ಲ್ ನಾಡ ಸಂಗತಿನ ಸಾಕ್ಷಿಯಾಯಿತ್ ಎಣ್ಣ್‌ನನೆಕೆ, ರೋಮ್ ಪಟ್ಟಣತ್‌ಲು ಸಾಕ್ಷಿ ಎಣ್ಣಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 24:14

ಒರ್ ವಿಷಯತ್‍ನ ಮಾತ್ರ ನಾನ್ ನಿಂಗಡ ಮಿಂಞತ್‍ಲ್ ಒತ್ತೊವಿ. ಅದ್ ಎಂತ ಎಣ್ಣ್‌ಚೇಂಗಿ: ಈಂಗ ಕಳ್ಳ ಬೋದನೇಂದ್ ಎಣ್ಣ್‌ವ ಈ ಮಾರ್ಗತ್‍ರನೆಕೆ, ನಾನ್ ನಂಗಡ ಅಜ್ಜಂಗಡ ದೇವನ ಆರಾದನೆ ಮಾಡಿಯಂಡ್, ಮೋಶೇರ ನ್ಯಾಯಪ್ರಮಾಣತ್‍ಲ್ ಪಿಂಞ ಪ್ರವಾದಿಯಂಗಡ ಪುಸ್ತಕತ್‍ಲ್ ಒಳ್‍ದಿತುಳ್ಳ ವಿಷಯನೆಲ್ಲ ನಂಬಿಯಂಡುಂಡ್.

ಅಪೊಸ್ತಲ 26:6

ಇಕ್ಕಲು, ದೇವ ನಂಗಡ ಅಜ್ಜಂಗಕ್ ಮಾಡ್‍ನ ಒಪ್ಪಂದತ್‍ನ ಪೂರ್ತಿ ಮಾಡಂಡೂಂದ್ ಉಳ್ಳ ನಿರೀಕ್ಷೆಕಾಯಿತ್ ನಾನ್ ವಿಚಾರಣೆಕ್ ಒಳಪಟ್ಟಿತುಳ್ಳ.

ಅಪೊಸ್ತಲ 28:31

ತಾಂಡ ಪಕ್ಕ ಬಪ್ಪಯಿಂಗಕ್ ದೈರ್ಯವಾಯಿತ್, ಏದ್ ತಡೆಯು ಇಲ್ಲತೆ, ದೇವಡ ರಾಜ್ಯತ್‍ರ ವಿಷಯತ್‍ನ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ವಿಷಯತ್‍ನ ಬೋದನೆ ಮಾಡಿಯಂಡ್ ಇಂಜತ್.

ಅಪೊಸ್ತಲ 8:35

ಅಕ್ಕ, ಫಿಲಿಪ್ಪ, ತಕ್ಕ್ ಪರಿಯುವಕ್ ಸುರು ಮಾಡಿತ್, ಈ ದೇವಡ ವಾಕ್ಯತ್‍ರ ಮೂಲಕವೇ, ಯೇಸುರ ನಲ್ಲ ಸುದ್ದಿನೆಲ್ಲ ಎಣ್ಣ್‌ಚಿ.

ಫಿಲೆಮೋನ 1:2

ನಂಗಡ ತಂಗೆ ಅಪ್ಫಿಯಾ, ನಂಗಡನೆಕೆ ದೇವಡ ಸೇವೆ ಮಾಡಿಯಂಡುಳ್ಳ ಅರ್ಖಿಪ್ಪ ಎಣ್ಣುವಯಿಂಗಕ್ ಪಿಂಞ ನೀಡ ಕೂಡೆ ಮನೆಲ್ ಕೂಡುವ ಸಬೇಕ್ ಒಳ್‍ದ್‍ವ ಕಾಗದ ಇದ್.

ಫಿಲೆಮೋನ 1:22

ನೀಡ ಪ್ರಾರ್ಥನೆನ ದೇವ ಕ್‍ೕಟಿತ್ ನನ್ನ ನೀಡ ಪಕ್ಕ ಬಪ್ಪಕ್ ಅನುಗ್ರಹ ಮಾಡ್‌ವಾಂದ್ ನಾನ್ ನಂಬಿಯಂಡ್ ಉಳ್ಳ. ಆನಗುಂಡ್ ನಾಕ್ ಒರ್ ಕೋಂಬರೆನ ನೀನ್ ತಯಾರ್ ಮಾಡ್.