ಅಪೊಸ್ತಲ 28:2 - ಕೊಡವ ಬೈಬಲ್

² ಆ ದ್ವೀಪತ್‍ರ ಜನಾಂಗ, ನಂಗಕ್ ಗೊತ್ತ್‌ಲ್ಲತಯಿಂಗಳಾಯಿತ್ ಇಂಜತೇಂಗಿಯು ನಂಗಕ್ ದುಂಬ ಕನಿಕರ ಕಾಟ್‍ಚಿ. ಆ ಸಮಯತ್‍ಲ್ ಮಳೆಯು ಕುಳ್‍ರು ದುಂಬ ಇಂಜಗುಂಡ್, ತಿತ್ತ್ ಇಟ್ಟಿತ್ ನಂಗಳ ಕೂಟಿಯಂಡತ್.

ಅಪೊಸ್ತಲ 28:2 ပူးပေါင်းရင်းမြစ်များ

ಮತ್ತಾಯ 10:42

ಎಲ್ಲಾ ಶಿಷ್ಯಂಗಕಿಂಜ ಸಾದುವಾನ ಒರ್ ಶಿಷ್ಯಂಗ್, ನಾಡ ಶಿಷ್ಯಾಂದ್ ಗೊತ್ತಾನಗುಂಡ್, ನಿಂಗ, ಒರ್ ಲೋಟ ನೀರ್ ಕೊಡ್‍ತಕ, ಕಂಡಿತವಾಯಿತ್ ಅದ್ಂಡ ಫಲ ಕ್‍ಟ್ಟತೆ ಪೋಪ್‌ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 18:18

ಅಕ್ಕ ಕುಳ್‌ರ್ ಕಾಲವಾಯಿತ್ಂಜತ್. ಮಸಿಕಂಡೆಲ್ ತಿತ್ತ್‌ರ ಗುಡ್ಡೆ ಮಾಡಿತ್ ಅದಿಕಾರಿಯಂಗಡ ಆಳ್‍ವ ತಿತ್ತ್ ಗುಡ್ಡೆರ ಸುತ್ತ್‌ಲ್ ನಿಂದಂಡ್ ಕುಳ್‌ರ್ ಕಾಂಜಂಡ್ ಇಂಜತ್. ಪೇತ್ರನು ಅಲ್ಲಿ ಪೋಯಿತ್ ನಿಂದಂಡ್ ಕುಳ್‌ರ್ ಕಾಂಜಂಡ್ ಇಂಜತ್.

ಅಪೊಸ್ತಲ 27:3

ಪಿತ್ಯಾಂದ್ ನಂಗ ಸೀದೋನ್ ಎಣ್ಣುವ ಹಡಗ್ ನಿಪ್ಪಲ್ಲಿಕ್ ಎತ್ತಿತ್ ಹಡಗ್‍ನ ನಿಪ್ಪ್‌ಚಿಟ್ಟತ್. ಯೂಲ್ಯ ಪೌಲಂಗ್ ದಯೆ ಕಾಟಿತ್, ಪೌಲ ತಾಂಡ ಸ್ನೇಹಿತಂಗಡ ಪಕ್ಕ ಪೋಯಿತ್ ಅಂವೊಂಗ್ ಬೋಂಡಿಯಾನ ಸಹಾಯತ್‍ನ ಪಡೆಯುವನೆಕೆ ಅಪ್ಪಣೆ ಕೊಡ್‍ತತ್.

ಅಪೊಸ್ತಲ 28:3

ಪೌಲ ಒರ್ ಕೆಟ್ಟ್ ಪುಳ್ಳಿನ ಎಡ್‍ತಿತ್ ತಿತ್ತ್‌ಕ್ ಇಡ್‍ವಕ, ದುಂಬ ಉಷ್ಣ ಇಂಜಗುಂಡ್ ಒರ್ ವಿಷ ಪಾಂಬ್ ಪುಳ್ಳಿಯಿಂಜ ಪೊರಮೆ ಬಂತ್ ಪೌಲಂಡ ಕೈಯಿನ ಗಟ್ಟಿಯಾಯಿತ್ ಪುಡ್‌ಚಿರ್‌ತ್.

ಅಪೊಸ್ತಲ 28:4

ಆ ಪಾಂಬ್ ಪೌಲಂಡ ಕೈಯಿಲ್ ತೂಂಗಿಯಂಡ್ ಇಪ್ಪದ್‍ನ ಆ ದ್ವೀಪತ್‍ರ ಜನ ಕಾಂಬಕ, ಈ ಮನುಷ್ಯ ಒರ್ ಕೊಲೆಗಾರನಾಯಿತ್ ಇಕ್ಕೂಂದ್ ಕಾಂಬ; ಸಮುದ್ರತ್‍ಂಜ ತಪ್ಪಿಚಿಟ್ಟಂಡ್ ಬಂದತೇಂಗಿಯು, ನ್ಯಾಯ ಇಂವೊನ ಬದ್‍ಕ್‍ವಕ್ ಬುಡ್‍ಲೇಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ರೋಮ್ 1:14

ಗ್ರೀಕ್ ಜನಕು, ಬೋರೆ ಜನಕು, ಜ್ಞಾನಿಯಂಗಕು, ಅಜ್ಞಾನಿಯಂಗಕು ಪ್ರಸಂಗ ಮಾಡ್‌ವಕ್ ನಾನ್ ಜವಾಬ್ದಾರನಾಯಿತುಳ್ಳ.

ರೋಮ್ 14:1

ನಂಬಿಕೇಲ್ ಸ್ತಿರಯಿಲ್ಲತಯಿಂಗಳ ಕೂಟಿಯೊಳಿ; ಆಚೇಂಗಿಯು ಅಯಿಂಗಡ ಅನುಮಾನತ್‍ನ ಕುತ್ತ ಪರಿಯತಿರಿ.

ರೋಮ್ 14:3

ಎಲ್ಲಾನ ತಿಂಬ ಒಬ್ಬ, ಎಲ್ಲಾನ ತಿಂಗತಂವೊನ ಕಮ್ಮಿಯಾಯಿತ್ ನೋಟ್‌ವಕ್ಕಾಗ; ಎಲ್ಲಾನ ತಿಂಗತಂವೊ, ತಿಂಬಂವೊನ ತಪ್ಪ್ ಮಾಡ್‍ನಂವೋಂದ್ ತೀರ್ಪ್ ಮಾಡ್‌ವಕ್ಕಾಗ. ದೇವ ಅಂವೊನ ಸಹ ಸ್ವೀಕಾರ ಮಾಡಿತುಂಡಲ್ಲ.

ರೋಮ್ 2:27

ತಡೀಲ್ ಸುನ್ನತಿ ಮಾಡತಯಿಂಗಳಾಯಿತ್ ಇಂಜತೇಂಗಿಯು, ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಯಿಂಗಳಾಯಿತ್ಂಜತೇಂಗಿ, ನ್ಯಾಯಪ್ರಮಾಣ ಗೊತ್ತುಳ್ಳಯಿಂಗಳಾಯಿತು, ಸುನ್ನತಿ ಮಾಡ್‍ನಯಿಂಗಳಾಯಿತು ಉಳ್ಳ ನಿಂಗ ನ್ಯಾಯಪ್ರಮಾಣತ್‍ನ ಮೀರಿತ್ ನಡ್‍ಪಕ, ಅಯಿಂಗ ನಿಂಗಳ ತೀರ್ಪ್ ಮಾಡ್‌ವ ಅಲ್ಲ?

1 ಕೊರಿಂಥ 14:11

ಆಚೇಂಗಿಯು, ನಾಕ್ ಆ ತಕ್ಕ್ ಗೊತ್ತ್‌ಲ್ಲೆ ಎಣ್ಣ್‌ಚೇಂಗಿ, ಆ ಬಾಷೆಲ್ ತಕ್ಕ್ ಪರಿಯುವಂಗ್ ನಾನ್ ಗೊತ್ತಿಲ್ಲತಂವೊನಾಯಿತ್‌ಪ್ಪಿ, ನಾಕ್ ಅಂವೊ ಗೊತ್ತಿಲ್ಲತಂವೊನಾಯಿತ್‌ಪ್ಪ.

2 ಕೊರಿಂಥ 11:27

ಪ್ರಯತ್ನತ್‍ಲ್, ಕಷ್ಟತ್‍ಲ್, ದುಂಬ ಕುರಿ ವರಿಯತೆ, ಕೆಲ ಪಯಿಚಿತ್, ಬಾಯರಿಕೆಲ್, ದುಂಬ ಕುರಿ ಪಟ್ಟಣಿಲ್, ಕುಳ್‍ರ್‌ಲ್, ಸರಿಯಾನ ಬಟ್ಟೆ ಇಲ್ಲತಂವೊನಾಯಿತ್ ನಾನ್ ಇಂಜ.

ಕೊಲೊಸ್ಸೆ 3:11

ಇದ್‍ಲ್ ಯೆಹೂದ್ಯಂಗಲ್ಲತಯಿಂಗಾಂದ್, ಯೆಹೂದ್ಯಂಗಾಂದ್, ಸುನ್ನತಿ ಮಾಡ್‌ನಯಿಂಗಾಂದ್, ಸುನ್ನತಿ ಮಾಡತಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತುಳ್ಳಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತ್‌ಲ್ಲತಯಿಂಗಾಂದ್, ಅಡಿಯಾಳ್‍ೕಂದ್, ಅಡಿಯಾಳ್ ಅಲ್ಲತಯಿಂಗಾಂದ್, ಇದ್‍ನೆಲ್ಲಾ ದೇವ ನೋಟಿಯಂಡ್ ಇಲ್ಲೆ; ಕ್ರಿಸ್ತನೇ ಎಲ್ಲಾಡ ಒಳ್‍ಲ್ ಎಲ್ಲಾವಾಯಿತ್ ಉಂಡ್.

ಇಬ್ರಿಯ 13:2

ನಿಂಗಕ್ ಗೊತ್ತ್‌ಲ್ಲತಯಿಂಗ ನಿಂಗಡ ಪಕ್ಕ ಬಪ್ಪಕ, ಅಯಿಂಗಳ ಸತ್ಕಾರ ಮಾಡಿ; ಅನ್ನನೆ ಮಾಡ್‍ನ ಚೆನ್ನ ಜನ ಅಯಿಂಗಕ್ ಗೊತ್ತಿಲ್ಲತೆ ದೇವದೂತಂಗಳ ಸಹ ಸತ್ಕಾರ ಮಾಡಿತುಂಡ್.