ಅಪೊಸ್ತಲ 28:18 - ಕೊಡವ ಬೈಬಲ್

¹⁸ ಅಯಿಂಗ ನನ್ನ ವಿಚಾರಣೆ ಮಾಡಿತ್, ನಾಡ ಪಕ್ಕ ಮರಣ ದಂಡನೆಕ್ ಒರ್ ಕಾರಣವು ಇಲ್ಲತೆಗುಂಡ್, ನನ್ನ ಬುಡ್‌ತ್‌ವಕ್ ನೋಟ್‌ಚಿ.

ಅಪೊಸ್ತಲ 28:18 ပူးပေါင်းရင်းမြစ်များ

ಅಪೊಸ್ತಲ 22:30

ಪೌಲಂಡ ಮೇಲೆ ಯೆಹೂದ್ಯಂಗ ಎಂತ ಕುತ್ತ ಪರ್ಂದಂಡ್ ಉಂಡ್‍ೕಂದ್ ಚಾಯಿತೆ ಗೊತ್ತಾಪಕಾಯಿತ್, ಪಿತ್ಯಾಂದ್ ಪೌಲಂಡ ಸರ್ಪಣಿನ ಉತ್ತಿತ್ ಮುಕ್ಯ ಯಾಜಕಂಗಳ ಪಿಂಞ ಯೆಹೂದ್ಯಂಗಡ ಆಲೋಚನೆ ಸಬೇನ ಕೂಡಿ ಬಪ್ಪಕ್ ಅಪ್ಪಣೆ ಕೊಡ್‌ತಿತ್ಂಜತ್. ಪಿಂಞ ಪೌಲನ ಕಾಕಿಯಂಡ್ ಪೋಯಿತ್ ಅಯಿಂಗಡ ಮಿಂಞ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 23:29

ಅಲ್ಲಿ ಅಯಿಂಗ ತಂಗಡ ನ್ಯಾಯಪ್ರಮಾಣತ್‍ರ ವಿಷಯತ್‍ಲ್ ಇಂವೊಂಡ ಮೇಲೆ ಕುತ್ತ ಪರ್ಂದದಲ್ಲತೆ, ಮರಣ ದಂಡನೆಕ್ ಅಥವ ಜೈಲ್‍ಲ್ ಇಡ್‍ವಕುಳ್ಳ ಏದ್ ತಪ್ಪು ಇಂವೊಂಡ ಮೇಲೆ ಇಲ್ಲೇಂದ್ ನಾಕ್ ಗೊತ್ತಾಚಿ.

ಅಪೊಸ್ತಲ 24:10

ಪೌಲ ತಕ್ಕ್ ಪರಿಯುಲೂಂದ್ ದೇಶಾದಿಪತಿ ಸನ್ನೆ ಮಾಡ್‌ವಕ ಪೌಲ: ನಿಂಗ ದುಂಬ ಕಾಲತ್ಂಜ ಈ ದೇಶತ್‍ರ ಜನಕ್ ನ್ಯಾಯಾದಿಪತಿಯಾಯಿತುಳ್ಳಿರಾಂದ್ ಅರ್ಂಜಿತ್ ನಾನ್ ದೈರ್ಯವಾಯಿತ್ ಕುಶೀಲ್ ನಾಕಾಯಿತ್ ವಾದ ಮಾಡ್‌ವಿ.

ಅಪೊಸ್ತಲ 24:22

ಫೇಲಿಕ್ಸ ಕ್ರಿಸ್ತಂಡ ಮಾರ್ಗತ್‍ನ ಚಾಯಿತೆ ಅರಿಂಜಂವೊನಾನಗುಂಡ್, ಇದ್‍ನೆಲ್ಲ ಕ್‍ೕಪಕ, ಅಂವೊ ಅಯಿಂಗಳ ನೋಟಿತ್: ಸೇನೆರ ಅದಿಕಾರಿಯಾನ ಲೂಸ್ಯ ಬಪ್ಪಕ, ಈ ಕಾರ್ಯತ್‍ನ ತೀರ್ಮಾನ ಮಾಡ್‌ವೀಂದ್ ಎಣ್ಣಿತ್ ವಿಚಾರಣೆನ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 25:25

ಇಂವೊ ಮರಣ ಶಿಕ್ಷೆಕ್ ಕಾರಣವಾಯಿತ್ ಒಂದು ಮಾಡಿತ್‌ಲ್ಲೇಂದ್ ನಾಕ್ ಗೊತ್ತಾಚಿ. ಆಚೇಂಗಿ, ಇಂವೊ ಚಕ್ರವರ್ತಿರ ಪಕ್ಕ ನ್ಯಾಯಕಾಯಿತ್ ನಿಪ್ಪಕ್ ಬೋಡ್‍ನಗುಂಡ್ ಇಂವೊನ ಅಯಿಪಕ್ ತೀರ್ಮಾನ ಮಾಡಿಯೆ.