ಅಪೊಸ್ತಲ 28:17 - ಕೊಡವ ಬೈಬಲ್

¹⁷ ಮೂಂದ್ ದಿವಸ ಕಯಿಂಜ ಪಿಂಞ, ಪೌಲ ಯೆಹೂದ್ಯ ಜನಡಡೆಲ್ ಮುಕ್ಯಪಟ್ಟಯಿಂಗಳ ತಾಂಡ ಪಕ್ಕ ಕಾಕ್‌ಚಿಟ್ಟತ್. ಅಯಿಂಗೆಲ್ಲಾರು ಸಬೇಕೂಡ್‌ನ ಪಿಂಞ, ಅಂವೊ ಅಯಿಂಗಳ ನೋಟಿತ್: ನಾಡ ಅಣ್ಣತಮ್ಮಣಂಗಳೇ, ನಾನ್ ನಂಗಡ ಜನಕ್, ನಂಗಡ ಅಜ್ಜಂಗಡ ಆಚಾರಕ್ ವಿರೋದವಾಯಿತ್ ಒಂದು ಮಾಡತೆ ಪೋಚೇಂಗಿಯು, ಯೆರೂಸಲೇಮ್‍ಲ್ ರೋಮ್ ರಾಜ್ಯತ್‍ರ ಜನಡ ಕೈಕ್ ಕೈದಿಯಾಯಿತ್ ನನ್ನ ಒಪ್ಪ್‌ಚಿಟ್ಟತ್.

ಅಪೊಸ್ತಲ 28:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 40:15

ಎನ್ನಂಗೆಣ್ಣ್‌ಚೇಂಗಿ ನಾನ್‌ ಇಬ್ರಿಯ ದೇಶಕ್‌ ಕೂಡ್‌ನಂವೊ. ಚೆನ್ನ ಜನ ನನ್ನ ಅಲ್ಲಿಂಜ ಕಟ್ಟಂಡ್‌ ಬಂದಿಯೆ. ಇಲ್ಲಿ ಸೆಹ ಜೈಲ್‌ಲ್‌ ಇಪ್ಪಂತ ತಪ್ಪ್‌ನ ನಾನ್‌ ಮಾಡಿತ್‌ಲ್ಲೆ. ಆಚೇಂಗಿಯು ಇಕ್ಕ ನಾನ್‌ ಜೈಲ್‌ಲ್‌ ಉಳ್ಳ್ಂದ್‌ ಎಣ್ಣ್‌ಚಿ.

ಅಪೊಸ್ತಲ 13:50

ಆಚೇಂಗಿ ಯೆಹೂದ್ಯಂಗ, ಅಯಿಂಗಡ ನಂಬಿಕೇಕ್ ಕೂಡ್‍ನ ಬಲ್ಯ ಗನ ಉಳ್ಳ ಪೊಣ್ಣಾಳುವಳ ಪಿಂಞ ಊರ್‌ರ ಮುಕ್ಯಪಟ್ಟ ಆಣಾಳ್‍ನ ಒತ್ತಾಯ ಮಾಡಿತ್, ಪೌಲ ಪಿಂಞ ಬಾರ್ನಬಂಗ್ ದುಂಬ ತೊಂದರೆ ಕೊಡ್‌ತಿತ್, ಅಯಿಂಗಳ ತಂಗಡ ಪಟ್ಟಣತ್ಂಜ ಓಟ್‌ಚಿಟ್ಟತ್.

ಅಪೊಸ್ತಲ 22:5

ಇದ್ಂಗ್ ಮಹಾ ಯಾಜಕಂಗ ಪಿಂಞ ಪೆರಿಯಯಿಂಗ ಎಲ್ಲಾರು ಸಾಕ್ಷಿಯಳಾಯಿತುಂಡ್; ದಮಸ್ಕತ್‍ಲ್ ಉಳ್ಳ ಕ್ರಿಸ್ತಂಡ ಜನಕ್ ಶಿಕ್ಷೆ ಕ್‍ಟ್ಟ್‌ವನೆಕೆ, ಅಯಿಂಗಳ ಸರ್ಪಣಿಲ್ ಕೆಟ್ಟಿತ್, ಯೆರೂಸಲೇಮ್‌ಕ್ ಕೊಂಡ್ ಬಪ್ಪಕ್ ದಮಸ್ಕತ್‍ಲ್ ಉಳ್ಳ ಅಯಿಂಗಡ ಅಣ್ಣತಮ್ಮಣಂಗಕ್, ಅಯಿಂಗಳೇ ನಾಕ್ ಕಾಗದ ಕೊಡ್‍ತತ್.

ಅಪೊಸ್ತಲ 23:33

ಪೌಲನ ಕಾಕಿಯಂಡ್ ಪೋನಯಿಂಗ ಕೈಸರೈಯ ಪಟ್ಟಣಕ್ ಎತ್ತಿತ್, ದೇಶಾದಿಪತಿಕ್ ಕಾಗದತ್‍ನ ಕೊಡ್‌ತಿತ್, ಪೌಲನ ಸಹ ಅಂವೊಂಡ ಮಿಂಞತ್‍ಲ್ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 25:10

ಅದ್ಂಗ್ ಪೌಲ: ನಾನ್ ಇಕ್ಕ ಕೈಸರಂಡ ನ್ಯಾಯಾಸ್ತಾನತ್‍ರ ಮಿಂಞ ನಿಂದಂಡುಂಡ್; ಇಲ್ಲಿಯೇ ನಾಡ ವಿಚಾರಣೆ ಆಂಡು. ಯೆಹೂದ್ಯಂಗಕ್ ನಾನ್ ಅನ್ಯಾಯ ಮಾಡಿತ್‌ಲ್ಲೆ; ಅದ್ ನಿಂಗಕು ಚಾಯಿತೆ ಗೊತ್ತುಂಡ್.

ಅಪೊಸ್ತಲ 25:2

ಅಲ್ಲಿ ಮುಕ್ಯ ಯಾಜಕಂಗ ಪಿಂಞ ಯೆಹೂದ್ಯಂಗಡಡೆ‍ಲ್ ಮೂಕ್ಯಪಟ್ಟಯಿಂಗಳು ಅಂವೊಂಡ ಪಕ್ಕ ಬಂದಿತ್, ಪೌಲಂಗ್ ವಿರೋದವಾಯಿತ್, ಪುಕಾರ್ ಕೊಡ್‌ತಿತ್ ವಾದ ಮಾಡ್‍ಚಿ.

ಅಪೊಸ್ತಲ 25:8

ಪೌಲ ಅಯಿಂಗಕ್: ಯೆಹೂದ್ಯಂಗಡ ನ್ಯಾಯಪ್ರಮಾಣಕ್ ಆಡ್, ದೇವಾಲಯತ್‍ರ ವಿಷಯತ್‍ಲಾಡ್, ಕೈಸರಂಡ ವಿಷಯತ್‍ಲಾಡ್ ನಾನ್ ಏದ್ ತಪ್ಪು ಮಾಡಿತ್‌ಲ್ಲೇಂದ್ ಅಂವೊಂಗಾಯಿತ್ ವಾದ ಮಾಡ್‍ಚಿ.

ಅಪೊಸ್ತಲ 6:14

ನಜರೇತ್‍ರ ಯೇಸು ಈ ದೇವಾಲಯತ್‍ನ ಪೊಳಿಚಿತ್, ಮೋಶೆ ನಂಗಕ್ ನೇಮಿಚಿಟ್ಟ ಪದ್ದತಿನ ಬದ್‍ಲ್ ಮಾಡ್‌ವಾಂದ್ ಇಂವೊ ಎಣ್ಣ್‌ವಾನ ನಂಗ ಕ್‍ೕಟತ್‍ೕಂದ್ ಅಯಿಂಗಕ್ ಎಣ್ಣ್‌ಚಿ.