ಅಪೊಸ್ತಲ 28:11 - ಕೊಡವ ಬೈಬಲ್

¹¹ ಮೂಂದ್ ತಿಂಗ ಆನ ಪಿಂಞ, ಆ ದ್ವೀಪತ್‍ಲ್ ಕುಳ್‌ರ್ ಕಾಲಕಾಯಿತ್ ಅಲ್ಲೇ ನಿಂದಂಡಿಂಜ ಹಡಗ್‍ಲ್ ಪತ್ತಿತ್ ನಂಗ ಪೊರಟತ್. ಆ ಹಡಗ್ ಅಲೆಕ್ಸಾಂದ್ರಿಯತ್ಂಜ ಬಂದಿತ್ಂಜತ್. ಒಮ್ಮಕೆ ಜೊತೇಲ್ ಇಪ್ಪ ಎಣೆ ದೇವಡ ಮೂರ್ತಿರ ಗುರ್‌ತ್ ಅದ್ಂಡ ಮಂಡೆಲ್ ಇಂಜತ್.

ಅಪೊಸ್ತಲ 28:11 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:16

ಇದನಗುಂಡ್‌ ಅಯಿಂಗಕ್‌ ಇಂಞು ಪೋಡಿ ಆಯಿತ್, ದೇವಕ್‌ ಬಲಿ ಕೊಡ್‌ತಿತ್, ಎಲ್ಲಾ ತರತ್‌ರ ವಾಗ್ದಾನ ಮಾಡ್‌ಚಿ.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:5

ಅಕ್ಕ ಹಡಗ್‌ಲ್‌ ಪ್ರಯಾಣ ಮಾಡುವಯಿಂಗಕ್‌ ಪೋಡಿ ಆಯಿತ್, ಅಯಿಂಗಯಿಂಗ ಅಯಿಂಗಯಿಂಗಡ ದೇವಳ ಬೋಡ್‌ಚಿ. ಅದಲ್ಲತೆ ಹಡಗ್‌ರ ಬಾರತ್‌ನ ಕಮ್ಮಿ ಮಾಡ್‌ವಕಾಯಿತ್, ಹಡಗ್‌ಲ್‌ ಇಂಜ ಸಾಮಾನತ್‌ನ ಸಮುದ್ರಕ್‌ ಎಡ್‌ತ್‌ ಕನ್‌ಚತ್. ಆಚೇಂಗಿ ಯೋನ ಹಡ್‌ಗ್‌ರ ಒಳ್‌ಕ್‌ ಪೋಯಿತ್‌ ಅಟ್ಟತ್‌ರ ಒರ್‌ ಬರಿಲ್‌ ಬುದ್ದಂಡಿಂಜತ್. ಅಂವೊಂಗ್‌ ನಲ್ಲ ವರ್‌ಕ್‌ ಪತ್ತಿತ್‌ಂಜತ್.

ಅಪೊಸ್ತಲ 13:6

ಅಯಿಂಗ ದ್ವೀಪತ್‍ರ ಬಟ್ಟೇಲ್ ಪಾಫೋಸ್ ಎಣ್ಣುವ ಪೇಟೇಕ್ ಬಪ್ಪಕ, ಅಲ್ಲಿ ಬಾರ್‌ಯೇಸು ಎಣ್ಣುವ ಕಳ್ಳ ಪ್ರವಾದಿಯು ಮಂತ್ರವಾದಿಯು ಆಯಿತ್ಂಜ ಒರ್ ಯೆಹೂದ್ಯನ ಕಂಡತ್.

ಅಪೊಸ್ತಲ 27:6

ಅಲ್ಲಿ ಅಲೆಕ್ಸಾಂದ್ರಿಯ ಪಟ್ಟಣತ್ಂಜ ಇತಾಲ್ಯ ದೇಶಕ್ ಪೋಪ ಒರ್ ಹಡಗ್‍ನ ನೂರ್ ಸಿಪಾಯಿಯಡ ಅದಿಕಾರಿ ಕಂಡಿತ್, ನಂಗಳ ಆ ಹಡಗ್‍ಲ್ ಪತ್ತ್‌ಚಿಟ್ಟತ್.

ಅಪೊಸ್ತಲ 28:10

ಅಯಿಂಗೆಲ್ಲರು ನಂಗಳ ಬಾರಿ ಚಾಯಿ ಉಪಚಾರ ಮಾಡ್‍ನದ್ ಅಲ್ಲತೆ ನಂಗ ಅಲ್ಲಿಂಜ ಪೊರಡ್‍ವಕ, ನಂಗಡ ಪ್ರಯಾಣಕ್ ಬೋಂಡಿಯಾನ ಎಲ್ಲಾನ ಕೊಂಡ್‌ಬಂತ್ ಹಡಗ್‍ಲ್ ಬೆಚ್ಚತ್.

ಅಪೊಸ್ತಲ 28:12

ಸುರಕೂಸ ಎಣ್ಣುವ ಪಟ್ಟಣಕ್ ಎತ್ತಿತ್, ಮೂಂದ್ ದಿನ ಅಲ್ಲೇ ಒಳಿಂಜತ್.

ಅಪೊಸ್ತಲ 6:9

ಆಚೇಂಗಿ, ಸ್ತೆಫನನ ವಿರೋದಿಚಿಡ್‌ವಯಿಂಗ ಅಲ್ಲಿ ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ, ಕುರೇನ್ಯ, ಅಲೆಕ್ಸಾಂದ್ರಿಯ, ಕಿಲಿಕ್ಯ ಪಿಂಞ ಆಸ್ಯ ಪ್ರಾಂತ್ಯತ್ಂಜ ಬಂದ ಯೆಹೂದ್ಯಂಗಳಾಯಿತ್‌ಂಜತ್. ಅಯಿಂಗ ಲಿಬೆರ್ತೀನ ಎಣ್ಣುವ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತ್ಂಜತ್. ಅಯಿಂಗ ಸ್ತೆಫನಂಡ ಕೂಡೆ ತರ್ಕ ಮಾಡಿಯಂಡಿಂಜತ್.

1 ಕೊರಿಂಥ 8:4

ಆನಗುಂಡ್ ವಿಗ್ರಹಕ್ ಅರ್ಪಿಚಿಟ್ಟ ಆಹಾರತ್‍ರ ವಿಷಯತ್: ಈ ಲೋಕತ್‍ಲ್ ವಿಗ್ರಹ ಎಣ್ಣುವದ್ ಒಂದು ಇಲ್ಲೇಂದು, ಒಬ್ಬನ ಬುಟ್ಟಿತ್ ಬೋರೆ ದೇವ ಇಲ್ಲೇಂದು ನಂಗಕ್ ಗೊತ್ತುಂಡ್.