ಅಪೊಸ್ತಲ 27:7 - ಕೊಡವ ಬೈಬಲ್

⁷ ಬಿರ್‌ಗಾಳಿ ನಂಗಳ ಮಿಂಞಕ್ ಪೋಪಕ್ ಬುಡತಗುಂಡ್, ದುಂಬ ದಿವಸ ನಿದಾನವಾಯಿತ್ ಕಷ್ಟತ್‍ಲ್ ಕ್ನೀದ ಪಟ್ಟಣಕ್ ಎದ್‍ರಾಯಿತ್ ಬಂದಿತ್, ಗಾಳಿ ಬಂದಂಡುಳ್ಳ ದಿಕ್ಕ್‌ಂಜ ಕ್ರೇತ ದ್ವೀಪತ್‍ರ ಆಬರಿಕ್ ಪೋಯಿತ್ ಸಲ್ಮೋನೆ ಊರ್‌ಕ್ ಮಿಂಞ ಬಾತ್.

ಅಪೊಸ್ತಲ 27:7 ပူးပေါင်းရင်းမြစ်များ

ಅಪೊಸ್ತಲ 2:11

ಕ್ರೇತ್ಯಯಿಂಗಳೂ ಪಿಂಞ ಅರಬಿ ದೇಶತಯಿಂಗಳಾನ ನಂಗಡ ನಂಗಡ ಬಾಷೆಲ್ ಈಂಗ ದೇವ ಮಾಡ್‍ನ ಅದ್ಬುತ ಕಾರ್ಯತ್‍ನ ತಕ್ಕ್ ಪರಿವಾನ ಕ್‍ೕಟಂಡುಂಡಲ್ಲಾಂದ್ ಎಣ್ಣ್‌ಚಿ.

ಅಪೊಸ್ತಲ 27:21

ಅಯಿಂಗ ದುಂಬ ದಿವಸ ಕೂಳ್ ಒಂದು ತಿಂಗತೆ ಇಪ್ಪಕ, ಪೌಲ ಅಯಿಂಗಡ ಮದ್ಯತ್‍ಲ್ ಎದ್ದ್ ನಿಂದಿತ್: ಜನಳೇ, ಕ್ರೇತ ದ್ವೀಪತ್ಂಜ ಪೊರಡತೆ ಈ ಕಷ್ಟ ನಷ್ಟನೆಲ್ಲ ಆಕತನೆಕೆ ನಿಂಗ ನಾಡ ತಕ್ಕ್‌ನ ಕ್‍ೕಪಕಿಂಜತ್.

ಅಪೊಸ್ತಲ 27:4

ನಂಗ ಅಲ್ಲಿಂಜ ಪೊರಟಿತ್, ಎದಿಕೆ ಗಾಳಿ ಬೀಜಿಯಂಡಿಂಜಗುಂಡ್ ಗಾಳಿ ಬಂದಂಡುಳ್ಳ ದಿಕ್ಕ್‌ಂಜ ಕುಪ್ರ ದ್ವೀಪತ್‍ರ ಆಬರಿಲ್ ಪ್ರಯಾಣ ಮಾಡ್‍ಚಿ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:12

ಕ್ರೇತ ದ್ವೀಪತ್‍ರ ಜನ, ಎಕ್ಕಾಲು ಪೊಟ್ಟ್ ಪರಿಯುವಯಿಂಗ. ದುಷ್ಟ ಮೃಗತ್‍ರನೆಕೆ ಮೋಸ ಮಾಡ್‌ವಯಿಂಗ ಪಿಂಞ ಹೊಟ್ಟೆಬಾಕೆ ಸೋಮಾರಿಯಂಗಾಂದ್, ಕ್ರೇತ ದ್ವೀಪಕ್ ಕೂಡ್‍ನ ಅಯಿಂಗಡ ಒರ್ ಪ್ರವಾದಿ ಅಯಿಂಗಡ ವಿಷಯತ್‍ನ ಇನ್ನನೆ ಎಣ್ಣಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:5

ನಂಗ ಕ್ರೇತ ದ್ವೀಪತ್‍ಲ್ ಮಾಡಿಯಂಡಿಂಜ ದೇವಡ ಸೇವೇನ ಪೂರ್ತಿಮಾಡ್‌ವಕಾಯಿತು, ನಾನ್ ನೀಕ್ ಎಣ್ಣ್‌ನನೆಕೆ ಪಟ್ಟಣತ್ಂಜ ಪಟ್ಟಣಕ್ ಸಬೆರ ಪೆರಿಯಯಿಂಗಳ ನೇಮಿಚಿಡ್‌ವಕಾಯಿತು ನಾನ್ ನಿನ್ನ ಅಲ್ಲಿ ಬುಟ್ಟಿತ್ ಬಂದಿಯೆ.