ಅಪೊಸ್ತಲ 27:6 - ಕೊಡವ ಬೈಬಲ್

⁶ ಅಲ್ಲಿ ಅಲೆಕ್ಸಾಂದ್ರಿಯ ಪಟ್ಟಣತ್ಂಜ ಇತಾಲ್ಯ ದೇಶಕ್ ಪೋಪ ಒರ್ ಹಡಗ್‍ನ ನೂರ್ ಸಿಪಾಯಿಯಡ ಅದಿಕಾರಿ ಕಂಡಿತ್, ನಂಗಳ ಆ ಹಡಗ್‍ಲ್ ಪತ್ತ್‌ಚಿಟ್ಟತ್.

ಅಪೊಸ್ತಲ 27:6 ပူးပေါင်းရင်းမြစ်များ

ಅಪೊಸ್ತಲ 18:2

ಯೆಹೂದ್ಯ ಜನಯೆಲ್ಲ ರೋಮ್ ರಾಜ್ಯತ್‍ರ ಪ್ರಾಂತ್ಯತ್‍ನ ಬುಟ್ಟಿತ್ ಬೋರೆ ಜಾಗಕ್ ಪೋಂಡೂಂದ್ ಕ್ಲೌದ್ಯ ಚಕ್ರವರ್ತಿ ಹುಕುಮ್ ಕೊಡ್‌ತಿತ್ಂಜತ್. ಆನಗುಂಡ್ ಇತಾಲ್ಯ ರಾಜ್ಯತ್ಂಜ ಬಂದಿತ್ಂಜ, ಪೊಂತ ದೇಶತ್‍ಲ್ ಪುಟ್ಟ್‌ನಂವೊನಾನ ಅಕ್ವಿಲ ಎಣ್ಣುವ ಒರ್ ಯೆಹೂದ್ಯ ಪಿಂಞ ಅಂವೊಂಡ ಪೊಣ್ಣ್ ಪ್ರಿಸ್ಕಿಲ್ಲ ಪುದಿಯದಾಯಿತ್ ಕೊರಿಂಥ ಪಟ್ಟಣಕ್ ಬಂದಿತ್ಂಜತ್. ಪೌಲಂಗ್ ಅಯಿಂಗಳ ಪರಿಚಯ ಆಚಿ.

ಅಪೊಸ್ತಲ 18:24

ಆ ಸಮಯತ್‍ಲ್, ಅಲೆಕ್ಸಾಂದ್ರಿಯ ಪಟ್ಟಣತ್‍ಲ್ ಪುಟ್ಟ್‌ನ ಅಪೊಲ್ಲೋಸ ಎಣ್ಣ್‌ವ ಒರ್ ಯೆಹೂದ್ಯ ಎಫೆಸ ಪಟ್ಟಣಕ್ ಬಾತ್. ಅಂವೊ ಚಾಯಿ ಓದಿತುಳ್ಳಂವೊನಾಯಿತು, ಯೆಹೂದ್ಯಂಗಡ ದೇವಡ ವಾಕ್ಯತ್‍ನ ಚಾಯಿ ಗೊತ್ತುಳ್ಳಂವೊನಾಯಿತು ಇಂಜತ್.

ಅಪೊಸ್ತಲ 27:1

ನಂಗ ಸಮುದ್ರ ಮಾರ್ಗವಾಯಿತ್ ಇತಾಲ್ಯ ದೇಶಕ್ ಪೋಕಂಡೂಂದ್ ತೀರ್ಮಾನ ಮಾಡ್‍ನ ಪಿಂಞ ಔಗುಸ್ತ ಎಣ್ಣುವ ಚಕ್ರವರ್ತಿರ ಪೆದ ಉಳ್ಳ ಪಟಾಲತ್‍ರ ನೂರ್ ಸಿಪಾಯಿಯಂಗಡ ಅದಿಕಾರಿಯಾನ ಯೂಲ್ಯ ಎಣ್ಣ್‌ವಂವೊಂಡ ಪಕ್ಕ ಪೌಲ ಪಿಂಞ ಅಂವೊಂಡ ಕೂಡೆ ಇಂಜ ಚೆನ್ನ ಕೈದಿಯಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 28:11

ಮೂಂದ್ ತಿಂಗ ಆನ ಪಿಂಞ, ಆ ದ್ವೀಪತ್‍ಲ್ ಕುಳ್‌ರ್ ಕಾಲಕಾಯಿತ್ ಅಲ್ಲೇ ನಿಂದಂಡಿಂಜ ಹಡಗ್‍ಲ್ ಪತ್ತಿತ್ ನಂಗ ಪೊರಟತ್. ಆ ಹಡಗ್ ಅಲೆಕ್ಸಾಂದ್ರಿಯತ್ಂಜ ಬಂದಿತ್ಂಜತ್. ಒಮ್ಮಕೆ ಜೊತೇಲ್ ಇಪ್ಪ ಎಣೆ ದೇವಡ ಮೂರ್ತಿರ ಗುರ್‌ತ್ ಅದ್ಂಡ ಮಂಡೆಲ್ ಇಂಜತ್.

ಅಪೊಸ್ತಲ 6:9

ಆಚೇಂಗಿ, ಸ್ತೆಫನನ ವಿರೋದಿಚಿಡ್‌ವಯಿಂಗ ಅಲ್ಲಿ ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ, ಕುರೇನ್ಯ, ಅಲೆಕ್ಸಾಂದ್ರಿಯ, ಕಿಲಿಕ್ಯ ಪಿಂಞ ಆಸ್ಯ ಪ್ರಾಂತ್ಯತ್ಂಜ ಬಂದ ಯೆಹೂದ್ಯಂಗಳಾಯಿತ್‌ಂಜತ್. ಅಯಿಂಗ ಲಿಬೆರ್ತೀನ ಎಣ್ಣುವ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತ್ಂಜತ್. ಅಯಿಂಗ ಸ್ತೆಫನಂಡ ಕೂಡೆ ತರ್ಕ ಮಾಡಿಯಂಡಿಂಜತ್.