ಅಪೊಸ್ತಲ 27:44 - ಕೊಡವ ಬೈಬಲ್

⁴⁴ ಬಾಕಿ ಉಳ್ಳಯಿಂಗ, ಅಯಿಂಗಡ ಕೈಕ್ ಕ್‍ಟ್ಟುವ ಹಡಗ್‍ರ ಬಾಗತ್‍ನ ಪುಡ್‍ಚಂಡ್ ಮೀಂದಿತ್, ಚೆನ್ನ ಜನ ಮರಪಾರ್‌ರ ಮೇಲೆ ಅಳ್‌ತಂಡ್ ಕರೆಕ್ ಪೋಪಕ್ ಹುಕುಮ್ ಕೊಡ್‍ತತ್. ಇನ್ನನೆ ಎಲ್ಲಾರು ತಪ್ಪಿಚಿಟ್ಟಂಡ್ ಕರೆಕ್ ಬಂತ್ ಕೂಡ್‍ಚಿ.

ಅಪೊಸ್ತಲ 27:44 ပူးပေါင်းရင်းမြစ်များ

ಅಪೊಸ್ತಲ 27:22

ಆಚೇಂಗಿಯು ನಿಂಗ ದೈರ್ಯತ್‍ಲ್ ಇರೀಂದ್ ಇಕ್ಕ ಬುದ್ದಿ ಎಣ್ಣ್‌ವಿ. ಇಂಞು ಮಿಂಞಕ್, ಹಡಗ್ ಮಾತ್ರ ನಾಶ ಆಯಿಪೋಪ, ಆಚೇಂಗಿ, ನಂಗಡ ಜೀವಕ್ ತೊಂದರೆ ಆಪುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 27:24

ನೀನ್ ಬೊತ್ತತೆ, ನೀನ್ ಕೈಸರಂಡ ಮಿಂಞ ನಿಪ್ಪಿಯ. ನೋಟ್, ನೀಡ ಕೂಡೆ ಈ ಹಡಗ್‍ಲ್ ಪ್ರಯಾಣ ಮಾಡ್‌ವಯಿಂಗಡ ಪ್ರಾಣತ್‍ನ, ದೇವ ನೀಡ ಮೇಲೆ ಉಳ್ಳ ಕೃಪೆಯಿಂಜ ಕಾಪಾಡ್‌ವಾಂದ್ ನಾಡ ಪಕ್ಕ ಎಣ್ಣ್‌ಚಿ.

ಅಪೊಸ್ತಲ 27:31

ಅಕ್ಕ, ಪೌಲ, ನೂರ್ ಸಿಪಾಯಿಯಂಗಡ ಅದಿಕಾರಿನ ಪಿಂಞ ಸಿಪಾಯಿಯಂಗಳ ನೋಟಿತ್, ಈಂಗ ಹಡಗ್‍ಲ್ ನಿಕ್ಕತೆ ಪೋಚೇಂಗಿ, ನಿಂಗ ಬಚಾವ್ ಆಪುಲೇಂದ್ ಎಣ್ಣ್‌ಚಿ.

1 ಪೇತ್ರ 4:18

ನೀತಿವಂತವೊನೇ ರಕ್ಷಣೆ ಆಪದ್ ಕಷ್ಟವಾಯಿತ್ಂಜತೇಂಗಿ, ಪಾಪಿಯಂಗಕು ಬಕ್ತಿ ಇಲ್ಲತಯಿಂಗಕು ಎಂತಾಪಾಂದ್ ಗೇನ ಮಾಡಿ?