ಅಪೊಸ್ತಲ 27:43 - ಕೊಡವ ಬೈಬಲ್

⁴³ ಆಚೇಂಗಿ ನೂರ್ ಸಿಪಾಯಿಯಂಗಡ ಅದಿಕಾರಿ, ಪೌಲನ ಕಾಪಾಡ್‌ವಕ್ ಮನಸ್ಸ್ ಬೆಚ್ಚಿತ್, ಅಯಿಂಗಡ ಆಲೋಚನೆನ ತಡ್‍ತತ್. ಅಂವೊ ಅಯಿಂಗಕ್: ಮೀಂದಿತ್ ಪೋಪಯಿಂಗ ನೀರ್‌ಕ್ ಪಾರಿತ್, ಮಿಂಞ ಕರೆಕ್ ಪೋಕಡೂಂದ್ ಎಣ್ಣ್‌ಚಿ.

ಅಪೊಸ್ತಲ 27:43 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 16:7

ಒಬ್ಬಂಡ ನಡ್‌ತೆ ಯೆಹೋವ ಮೆಚ್ಚುವನೆಕೆ ಇಂಜತೇಂಗಿ, ಅಂವೊಂಡ ವಿರೋದಿಯಳ ಸಹ ಅಂವೊಂಡ ಕೂಡೆ ಸಮಾದಾನ ಆಪನೆಕೆ ಮಾಡುವ.

ಅಪೊಸ್ತಲ 23:10

ಇನ್ನನೆ ಗಲಾಟೆ ಜೋರಾಯಂಡೇ ಇಪ್ಪಕ, ಅಯಿಂಗ ಪೌಲನ ಬಲ್‍ಚಿ ಕಳಿಚಿತ್ ತುಂಡ್ ತುಂಡ್ ಮಾಡಿರ್‌ವಾಂದ್ ಸೇನೆರ ಅದಿಕಾರಿಕ್ ಪೋಡಿ ಆಚಿ. ಅಕ್ಕ ಅಂವೊ ಸಿಪಾಯಿಯಂಗಕ್, ನಿಂಗ ಪೋಯಿತ್ ಅಯಿಂಗಡ ಮದ್ಯತ್ಂಜ ಅಂವೊನ ಒತ್ತಾಯ ಮಾಡಿತ್ ಕೋಟೆಕ್ ಪುಡ್‌ಚಿತ್ ಬಾರೀಂದ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 23:24

ಕುದ್‌ರೆಯಳ ತಯಾರ್ ಮಾಡಿತ್ ಪೌಲನ ಅದ್‍ಲ್ ಪತ್ತ್‌ವಕ್ ಮಾಡಿತ್, ದೇಶಾದಿಪತಿಯಾನ ಫೇಲಿಕ್ಸಂಡ ಪಕ್ಕ ಬದ್ರವಾಯಿತ್ ಕಾಕಿಯಂಡ್ ಪೋಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 27:11

ಆಚೇಂಗಿ ನೂರ್ ಸಿಪಾಯಿಯಡ ಅದಿಪತಿ, ಪೌಲ ಎಣ್ಣುವ ತಕ್ಕ್‌ಕಿಂಜ ಹಡಗ್‍ರ ನಾಯಕ ಪಿಂಞ ಹಡಗ್‍ರ ಎಜಮಾನ ಎಣ್ಣುವ ತಕ್ಕ್‌ಕ್ ದುಂಬ ಕೆಮಿ ಕೊಡ್‍ತತ್.

ಅಪೊಸ್ತಲ 27:3

ಪಿತ್ಯಾಂದ್ ನಂಗ ಸೀದೋನ್ ಎಣ್ಣುವ ಹಡಗ್ ನಿಪ್ಪಲ್ಲಿಕ್ ಎತ್ತಿತ್ ಹಡಗ್‍ನ ನಿಪ್ಪ್‌ಚಿಟ್ಟತ್. ಯೂಲ್ಯ ಪೌಲಂಗ್ ದಯೆ ಕಾಟಿತ್, ಪೌಲ ತಾಂಡ ಸ್ನೇಹಿತಂಗಡ ಪಕ್ಕ ಪೋಯಿತ್ ಅಂವೊಂಗ್ ಬೋಂಡಿಯಾನ ಸಹಾಯತ್‍ನ ಪಡೆಯುವನೆಕೆ ಅಪ್ಪಣೆ ಕೊಡ್‍ತತ್.

ಅಪೊಸ್ತಲ 27:31

ಅಕ್ಕ, ಪೌಲ, ನೂರ್ ಸಿಪಾಯಿಯಂಗಡ ಅದಿಕಾರಿನ ಪಿಂಞ ಸಿಪಾಯಿಯಂಗಳ ನೋಟಿತ್, ಈಂಗ ಹಡಗ್‍ಲ್ ನಿಕ್ಕತೆ ಪೋಚೇಂಗಿ, ನಿಂಗ ಬಚಾವ್ ಆಪುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 27:42

ಅಕ್ಕ, ಕೈದಿಯಂಗ ದಾರೂ ಮೀಂದಿತ್ ತಪ್ಪಿಚಿಡ್‌ವಕ್ಕಾಗಾಂದ್, ಅಯಿಂಗಳ ಕೊಲ್ಲಂಡೂಂದ್ ಸಿಪಾಯಿಯಂಗ ಆಲೋಚನೆ ಮಾಡ್‍ಚಿ.

2 ಕೊರಿಂಥ 11:25

ಮೂಂದ್ ಕುರಿ ಕೋಲ್‍ಲ್ ನನ್ನ ಪೊಜ್ಜತ್, ಒರ್ ಕುರಿ ಕಲ್ಲ್ ಕನ್‍ಚತ್, ಮೂಂದ್ ಕುರಿ ಹಡಗ್‍ರ ಅಪಾಯತ್‍ಲ್ ನಾನ್ ಇಂಜ, ಒರ್ ಬಯಿಟ್ ಒರ್ ಪೋಲ್ ತ್‍ೕರ ಕಡಲ್‍ಲ್ ಇಂಜ.