ಅಪೊಸ್ತಲ 27:41 - ಕೊಡವ ಬೈಬಲ್

⁴¹ ಆಚೇಂಗಿ ಮದ್ಯತ್‍ಲ್ ಅಯಿಂಗಕ್ ಮಣ ಗುಂಡೆ ನೀರ್‌ರ ಅಡಿಲ್ ಕ್‍ಟ್ಟ್‌ವಕ, ಹಡಗ್ ಅಲ್ಲಿಯೇ ನಿಂದತ್. ಹಡಗ್‍ರ ಮಿಂಞತೆ ಬಾಗ ಚಾಯಿತೆ ಮಣಲ್‍ಲ್ ಚಿಕ್ಕಿಯಂಡತ್. ಆಚೇಂಗಿ ಹಡಗ್‍ರ ಬೆಂಬರತ್‍ರ ಬಾಗ, ಬಾರಿ ಅಲೆ ಪೊಜ್ಜಗೊಂಡ್ ಒಡದಂಡ್ ಪೋಚಿ.

ಅಪೊಸ್ತಲ 27:41 ပူးပေါင်းရင်းမြစ်များ

ಅಪೊಸ್ತಲ 27:17

ಅನ್ನನೆ ಜನ ಅದ್‍ನ ಕೊಡಿಕ್ ಎಡ್‌ತ ಪಿಂಞ, ಹಡಗ್‍ನ ಕಾಪಾಡ್‌ವಕಾಯಿತ್, ಕೇರ್ ಇಟ್ಟಿತ್ ಪೊಟ್ಟಿಪೋಕತನೆಕೆ ಸುತ್ತ್‌ಲ್ ಕೆಟ್ಟ್‌ಚಿ. ಅಲ್ಲಿಂಜ ಸುರ್ತಿಸ್ ಎಣ್ಣ್‌ವ ಗಟ್ಟಿ ಇಲ್ಲತೆ ಮಣ ಜಾಗತ್‍ಲ್ ಚಿಕ್ಕಿತ್ ಬುದ್ದ್‌ರುವಾಂದ್ ಪೋಡಿಯಾಯಿತ್, ಹಡಗ್‍ರ ಬಟ್ಟೇರ ಪಲಂಬ್‍ನೆಲ್ಲ ಅಡಿಕಿಟ್ಟಿತ್, ಗಾಳಿ ಪೋಪನೆಕೆ ಹಡಗ್‍ನ ನೂಕಿಯಂಡ್ ಪೋಪನೆಕೆ ಬುಟ್ಟತ್.

ಅಪೊಸ್ತಲ 27:30

ಆಚೇಂಗಿ ನಾವಿಕಂಗ ಹಡಗ್‍ರ ಮಿಂಞತ್‍ರ ಬರಿಲ್ ನಂಗೂರತ್‍ನ ಇಡ್‍ವನೆಕೆ ನಾಟಕ ಮಾಡಿತ್, ತಪ್ಪಿಚಿಡ್‌ವಕ್‌ ಉಳ್ಳ ದೋಣಿನ ಸಮುದ್ರತ್‍ಲ್ ಇಳ್‌ಪಿತ್ ಹಡಗ್‍ನ ಬುಟ್ಟಿತ್ ತಪ್ಪಿ ಪೋಪಕ್ ಪ್ರಯತ್ನಪಟ್ಟತ್.

ಅಪೊಸ್ತಲ 27:40

ನಂಗೂರತ್‍ನ ಕೆತ್ತಿತ್, ಸಮುದ್ರತ್‍ಲೇ ಬುಟ್ಟಿತ್, ಹಡಗ್‍ನ ಪೋಪಕ್ ಮಾಡ್‌ವ ಮರಪಾರ್‌ರ ಕೆಟ್ಟ್‌ನೆಲ್ಲ ಉತ್ತಿತ್, ಹಡಗ್‍ರ ಮಿಂಞತ್ ಇಂಜ ಬಟ್ಟೇರ ಪಲಂಬ್‌ನ ಗಾಳಿಕ್ ನೇರಾಯಿತ್ ನೇತ್‍ಚಿ. ಅನ್ನನೆ ಗಾಳಿ ಅದ್‍ನ ಕರೆಕ್ ಉಂದಿಯಂಡ್ ಇಂಜತ್.

ಅಪೊಸ್ತಲ 27:42

ಅಕ್ಕ, ಕೈದಿಯಂಗ ದಾರೂ ಮೀಂದಿತ್ ತಪ್ಪಿಚಿಡ್‌ವಕ್ಕಾಗಾಂದ್, ಅಯಿಂಗಳ ಕೊಲ್ಲಂಡೂಂದ್ ಸಿಪಾಯಿಯಂಗ ಆಲೋಚನೆ ಮಾಡ್‍ಚಿ.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?