ಅಪೊಸ್ತಲ 27:4 - ಕೊಡವ ಬೈಬಲ್

⁴ ನಂಗ ಅಲ್ಲಿಂಜ ಪೊರಟಿತ್, ಎದಿಕೆ ಗಾಳಿ ಬೀಜಿಯಂಡಿಂಜಗುಂಡ್ ಗಾಳಿ ಬಂದಂಡುಳ್ಳ ದಿಕ್ಕ್‌ಂಜ ಕುಪ್ರ ದ್ವೀಪತ್‍ರ ಆಬರಿಲ್ ಪ್ರಯಾಣ ಮಾಡ್‍ಚಿ.

ಅಪೊಸ್ತಲ 27:4 ပူးပေါင်းရင်းမြစ်များ

ಮತ್ತಾಯ 14:24

ಅಕ್ಕ, ಶಿಷ್ಯಂಗ ಇಂಜ ದೋಣಿ ಕೆರೆರ ಮದ್ಯತ್‍ಲ್ ಪೋಯಿತ್ಂಜತ್. ಗಾಳಿ ಜೋರಾಯಿತ್ ಅಯಿಂಗಕ್ ಎದ್‍ಕೆ ಬೀಜಿಯಂಡಿಂಜಗುಂಡ್, ಅಲೆ ದೋಣಿನ ಬಡಿಚಂಡಿಂಜತ್.

ಮಾರ್ಕ 6:48

ಗಾಳಿ ಜೋರಾಯಿತ್ ಅಯಿಂಗಕ್ ಎದ್‍ಕೆ ಬೀಜಿಯಂಡಿಂಜಗುಂಡ್, ಯೇಸುರ ಶಿಷ್ಯಂಗ ದೋಣಿನ ಕಷ್ಟತ್‍ಲ್ ನೂಕಿಯಂಡ್ ಇಂಜಾನ ಯೇಸು ಕಂಡತ್. ಯೇಸು ಆ ಶಿಷ್ಯಂಗಡ ಪಕ್ಕ ಪೊಲಾಕ ನೇರತ್ ಒರ್ ಮೂಂದ್ ನಾಲ್ ಗಂಟೆಕ್ ನೀರ್‌ರ ಮೇಲೆ ನಡ್ಂದ್ ಬಂದಂಡಿಂಜತ್. ಅಂವೊ ಅಯಿಂಗಳ ದಾಟಿ ಪೋಪನೆಕೆ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:22

ಒರ್ ದಿವಸ ಯೇಸು ತಾಂಡ ಶಿಷ್ಯಂಗಡ ಕೂಡೆ ದೋಣಿಕ್ ಪತ್ತಿತ್: ನಂಗ ಕೆರೆರ ಆಬರಿಕ್ ಪೋಕನಾಂದ್ ಎಣ್ಣ್‌ಚಿ. ಅನ್ನನೆ ಅಯಿಂಗಳು ಪೊರಟತ್.

ಅಪೊಸ್ತಲ 13:4

ಇನ್ನನೆ ಅಯಿಂಗಳ ಪವಿತ್ರಾತ್ಮ ಅಯಿಚ ಪಿಂಞ, ಅಯಿಂಗ ಸೆಲ್ಯೂಕ್ಯ ಪಟ್ಟಣಕ್ ಬಾತ್; ಅಲ್ಲಿಂಜ ಸಮುದ್ರ ಮಾರ್ಗವಾಯಿತ್ ಕುಪ್ರ ದ್ವೀಪಕ್ ಪೋಚಿ.

ಅಪೊಸ್ತಲ 15:39

ಈ ವಿಷಯತ್‍ಲ್ ಅಯಿಂಗ ದಂಡಾಳು ಬಲ್ಯ ತರ್ಕ ಮಾಡಿತ್ ಒತ್ತಂಡಿತ್‌ಲ್ಲೆ. ಅನ್ನನೆ ಅಯಿಂಗ ಒಬ್ಬನೊಬ್ಬನ ಬುಟ್ಟಿತ್ ಪೋಚಿ. ಬಾರ್ನಬ ಮಾರ್ಕನ ಕಾಕಿಯಂಡ್ ಸಮುದ್ರತ್‍ರ ಮಾರ್ಗವಾಯಿತ್ ಕುಪ್ರ ದ್ವೀಪಕ್ ಪೋಚಿ.

ಅಪೊಸ್ತಲ 21:16

ಕೈಸರೈತ್ಂಜ ಚೆನ್ನ ಯೇಸುನ ನಂಬ್‍ನಯಿಂಗ ನಂಗಡ ಕೂಡೆ ಬಾತ್. ಅಯಿಂಗ ಮ್ನಾಸೋನ ಎಣ್ಣ್‌ವಂವೊಂಡ ಮನೆಲ್ ನಂಗ ಇಪ್ಪಕ್ ಜಾಗ ಇಂಜಗುಂಡ್ ಅಲ್ಲಿಕ್ ಕಾಕಿಯಂಡ್ ಬಾತ್. ಇಂವೊ ಕುಪ್ರ ದೇಶತ್ಂಜ ಬಂದಂವೊನು, ಯೇಸುರ ಮೇಲೆ ಮಿಂಞಲೇ ನಂಬಿಕೆ ಇಟ್ಟಂವೊನು ಆಯಿತ್ಂಜತ್.

ಅಪೊಸ್ತಲ 21:3

ಮಿಂಞಕ್ ಕುಪ್ರ ದ್ವೀಪತ್‍ನ ಕಂಡಿತ್ ಅದ್ಂಡ ತೆಕ್ಕ್ ದಿಕ್ಕ್‌ಲ್ ಬುಟ್ಟಿತ್ ಸಿರಿಯ ದೇಶತ್‍ರ ಬರಿಕ್ ಪೋಯಿತ್ ತೀರ್ ಪಟ್ಟಣಕ್ ಬಂತ್ ಅಲ್ಲಿ ಇಳ್ಂಜಿತ್; ಎನ್ನಂಗೆಣ್ಣ್‌ಚೇಂಗಿ ಅಲ್ಲಿ ಹಡಗ್‍ರ ಸಮಾನತ್‍ನ ಉಳ್‍ಪಕಿಂಜತ್.

ಅಪೊಸ್ತಲ 27:7

ಬಿರ್‌ಗಾಳಿ ನಂಗಳ ಮಿಂಞಕ್ ಪೋಪಕ್ ಬುಡತಗುಂಡ್, ದುಂಬ ದಿವಸ ನಿದಾನವಾಯಿತ್ ಕಷ್ಟತ್‍ಲ್ ಕ್ನೀದ ಪಟ್ಟಣಕ್ ಎದ್‍ರಾಯಿತ್ ಬಂದಿತ್, ಗಾಳಿ ಬಂದಂಡುಳ್ಳ ದಿಕ್ಕ್‌ಂಜ ಕ್ರೇತ ದ್ವೀಪತ್‍ರ ಆಬರಿಕ್ ಪೋಯಿತ್ ಸಲ್ಮೋನೆ ಊರ್‌ಕ್ ಮಿಂಞ ಬಾತ್.

ಅಪೊಸ್ತಲ 4:36

ಇನ್ನನೆ ಮಾಡಿಯಂಡ್ ಉಳ್ಳಯಿಂಗಡಡೆ‍ಲ್ ಕುಪ್ರ ದೇಶತ್ಂಜ ಬಂದ ಲೇವಿಯ ಕುಲಕ್ ಕೂಡ್‍ನ ಒಬ್ಬನು, ಒತ್ತಾಸೆ ಮಾಡ್‌ವಂವೋಂದ್ ಅಪೊಸ್ತಲಂಗ ಕಾಕ್‍ನ ಬಾರ್ನಬ ಎಣ್ಣುವ ಪೆದ ಉಳ್ಳ ಯೋಸೇಫ,