ಅಪೊಸ್ತಲ 27:35 - ಕೊಡವ ಬೈಬಲ್

³⁵ ಇನ್ನನೆ ಎಣ್ಣ್‌ನ ಪಿಂಞ, ಅಂವೊ ಒಟ್ಟಿನ ಎಡ್‍ತಿತ್, ಎಲ್ಲಾಡ ಮಿಂಞ ದೇವಕ್ ವಂದನೆ ಮಾಡಿತ್ ಅದ್‍ನ ತಿಂಬಕ್ ಸುರ್ ಮಾಡ್‍ಚಿ.

ಅಪೊಸ್ತಲ 27:35 ပူးပေါင်းရင်းမြစ်များ

ಮತ್ತಾಯ 14:19

ಪಿಂಞ ಯೇಸು ಅಯಿಂಗಳೆಲ್ಲ ಪಿಲ್ಲ್‌ರ ಮೇಲೆ ಅಳ್‌ಪಕ್ ಹುಕುಮ್ ಕೊಡ್‍ತತ್. ಯೇಸು, ಅಂಜ್ ಒಟ್ಟಿ ಪಿಂಞ ದಂಡ್ ಮೀನ್‌ನ ಎಡ್‍ತಿತ್, ಕೊಡಿಕ್ ಪರಲೋಕತ್‌ನ ನೋಟುವಂಜಿ ದೇವಕ್ ವಂದನೆ ಮಾಡಿತ್, ಒಟ್ಟಿನ ಮುರಿಪಂಜಿ ಅಂವೊಂಡ ಶಿಷ್ಯಂಗಕ್ ಕೊಡ್‍ತತ್; ಶಿಷ್ಯಂಗ, ಎಲ್ಲಾ ಜನಕ್ ಕೊಡ್‍ತತ್.

ಮತ್ತಾಯ 15:36

ಯೇಸು, ಏಳ್ ಒಟ್ಟಿ ಪಿಂಞ ಮೀನ್‌ನ ಎಡ್‍ತಿತ್, ದೇವಕ್ ವಂದನೆ ಮಾಡಿತ್, ಒಟ್ಟಿನ ಪೊಳ್‌ಚಿತ್ ಶಿಷ್ಯಂಗಕ್ ಕೊಡ್‌ತಿತ್, ಇದ್‍ನ ನಿಂಗ ಎಲ್ಲಾರ್‌ಕು ಕೊಡೀಂದ್ ಎಣ್ಣ್‌ಚಿ; ಶಿಷ್ಯಂಗ ಜನಕ್ ಉಂಬಕ್ ಕೊಡ್‍ತತ್.

ಮಾರ್ಕ 8:6

ಅಲ್ಲಿ ಇಂಜ ಜನಳ ನೆಲತ್‍ರ ಮೇಲೆ ಅಳ್‌ಪಕ್ ಯೇಸು ಎಣ್ಣ್‌ಚಿ. ಪಿಂಞ ಯೇಸು ಆ ಏಳ್ ಒಟ್ಟಿನ ಎಡ್‍ತಿತ್, ದೇವಕ್ ವಂದನೆ ಮಾಡಿತ್, ಒಟ್ಟಿನ ಪೊಳ್‌ಚಿತ್ ಶಿಷ್ಯಂಗಕ್ ಕೊಡ್‌ತಿತ್, ಎಲ್ಲಾರ್‌ಕು ಈ ಒಟ್ಟಿನ ಕೊಡೀಂದ್ ಎಣ್ಣ್‌ಚಿ. ಅದೇ ಪ್ರಕಾರ ಯೇಸುರ ಶಿಷ್ಯಂಗ ಎಲ್ಲಾರ್‌ಕು ಒಟ್ಟಿನ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:30

ಯೇಸು ಅಯಿಂಗಡ ಕೂಡೆ ಉಂಬಕ್ ಅಳ್‌ಪಕ, ಒಟ್ಟಿನ ಎಡ್‌ಪಂಜಿ ದೇವಕ್ ವಂದನೆ ಎಣ್ಣಿತ್ ಒಟ್ಟಿನ ಪೊಳಿಪಂಜಿ ಅಯಿಂಗಕ್ ಕೊಡ್‍ತತ್.

ಯೋಹಾನ 6:11

ಅಕ್ಕ, ಯೇಸು ಒಟ್ಟಿನ ಎಡ್‍ತಿತ್ ದೇವಕ್ ವಂದನೆ ಮಾಡಿತ್, ಎಲ್ಲಾರ್‌ಕು ಪಾಲ್ ಮಾಡಿತ್ ಕೊಡ್‍ಪಕ್ ಶಿಷ್ಯಂಗಡ ಪಕ್ಕ ಕೊಡ್‍ತತ್. ಶಿಷ್ಯಂಗಳು ಅಳ್‌ತಿತ್ಂಜ ಎಲ್ಲಾರ್‌ಕು ಕೊಡ್‍ತತ್. ಅನ್ನನೆ ಮೀನ್‌ನ ಬೋಂಡಿಯಾನಚ್ಚಕ್ ಎಲ್ಲಾರ್‌ಕು ಕೊಡ್‍ತತ್.

ಯೋಹಾನ 6:23

ಆ ಸಮಯತ್‍ಲ್, ಬೋರೆ ದೋಣಿಯ ತಿಬೇರಿಯ ಪೊಳೆರ ಕರೆಯಿಂಜ ಬಾತ್. ಈ ತಿಬೇರಿಯ ಪಟ್ಟಣ, ಯೇಸು ಒಟ್ಟಿನ ದೇವಕ್ ವಂದನೆ ಮಾಡಿತ್ ಕೊಡ್‍ತ ಜಾಗತ್‍ರ ಪಕ್ಕ ಇಂಜತ್.

ರೋಮ್ 1:16

ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ನಾಕ್ ಞಾಣ ಆಪುಲೆ. ಎನ್ನಂಗೆಣ್ಣ್‌ಚೇಂಗಿ, ಆದ್ಯವಾಯಿತ್ ಯೆಹೂದ್ಯ ಜನತ್‍ಲ್ ಪಿಂಞ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ದಾರೆಲ್ಲಾ ನಂಬುವ, ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟುವಕ್ ಅದ್ ದೇವಡ ಶಕ್ತಿಯಾಯಿತುಂಡ್.

ರೋಮ್ 14:6

ಒರ್ ದಿವಸತ್‍ನ ವಿಶೇಷವಾಯಿತ್ ಕೊಂಡಾಡುವಂವೊ ಅದ್‍ನ ಒಡೆಯಂಗಾಯಿತ್ ಮಾಡಿಯಂಡುಂಡ್, ಎಲ್ಲಾನ ತಿಂಬಂವೊ, ದೇವಕ್ ವಂದನೆ ಎಣ್ಣಿತ್ ತಿಂಬಗುಂಡ್, ಒಡೆಯಂಗಾಯಿತ್ ತಿಂದಂಡುಂಡ್; ತಿಂಗತಂವೊನು ಒಡೆಯಂಗಾಯಿತ್ ತಿಂಗತೆ, ದೇವಕ್ ವಂದನೆ ಮಾಡಿಯಂಡುಂಡ್.

2 ತಿಮೊಥೆಯ 1:12

ಇದ್ಂಗಾಯಿತ್ ನಾನ್ ಇಕ್ಕ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ನಾಕ್ ಞಾಣ ಆಪುಲೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ದಾಡ ಮೇಲೆ ನಂಬಿಕೆ ಬೆಚ್ಚಿತ್ ಉಂಡ್‍ೕಂದ್ ನಾಕ್ ಗೊತ್ತುಂಡ್. ನಾನ್ ಅಂವೊಂಡ ಪಕ್ಕ ಒಪ್ಪ್‌ಚಿಟ್ಟದ್‍ನ, ಅಂವೊ ಆ ದಿನಕತ್ತನೆ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್‍ೕಂದ್ ನಾನ್ ದೃಡವಾಯಿತ್ ನಂಬಿತುಳ್ಳ.

2 ತಿಮೊಥೆಯ 1:8

ಆನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ವಿಷಯತ್ ಸಾಕ್ಷಿ ಪರಿಯುವಕ್ ಪಿಂಞ ಅಂವೊನಗುಂಡ್ ಕೈದಿಯಾಯಿತುಳ್ಳ ನಾಡ ವಿಷಯತ್ ಞಾಣ ಪಡತೆ. ಅದ್ಂಗ್ ಬದ್‍ಲ್ ದೇವ ಕೊಡ್‍ಪ ಶಕ್ತಿಯಿಂಜ ದೇವಡ ನಲ್ಲ ಸುದ್ದಿಕಾಯಿತ್ ನಾಡ ಕೂಡೆ ಕಷ್ಟಪಡ್‌ವಕ್ ತಯಾರಾಯಿತಿರ್.

1 ಪೇತ್ರ 4:16

ಆಚೇಂಗಿ, ಒಬ್ಬ ಕ್ರಿಸ್ತಂಡಂವೊನಾಯಿತ್ ಕಷ್ಟಪಟ್ಟತೇಂಗಿ, ಅಂವೊ ಞಾಣ ಪಡುವಕ್ಕಾಗ, ಅಂವೊಂಡ ಪೆದ ತಾಂಡ ಮೇಲೆ ಉಳ್ಳಾಂಗ್, ಅದ್ಂಗಾಯಿತ್ ಅಂವೊ ದೇವನ ಮಹಿಮೆಪಡ್‍ತಂಡು.