ಅಪೊಸ್ತಲ 27:30 - ಕೊಡವ ಬೈಬಲ್

³⁰ ಆಚೇಂಗಿ ನಾವಿಕಂಗ ಹಡಗ್‍ರ ಮಿಂಞತ್‍ರ ಬರಿಲ್ ನಂಗೂರತ್‍ನ ಇಡ್‍ವನೆಕೆ ನಾಟಕ ಮಾಡಿತ್, ತಪ್ಪಿಚಿಡ್‌ವಕ್‌ ಉಳ್ಳ ದೋಣಿನ ಸಮುದ್ರತ್‍ಲ್ ಇಳ್‌ಪಿತ್ ಹಡಗ್‍ನ ಬುಟ್ಟಿತ್ ತಪ್ಪಿ ಪೋಪಕ್ ಪ್ರಯತ್ನಪಟ್ಟತ್.

ಅಪೊಸ್ತಲ 27:30 ပူးပေါင်းရင်းမြစ်များ

ಅಪೊಸ್ತಲ 27:16

ಅನ್ನನೆ ಗಾಳಿ ಬಂದಂಡುಳ್ಳ ದಿಕ್ಕ್‌ಂಜ ಕ್ಲೌಡ ಎಣ್ಣ್‌ವ ಒರ್ ಚೆರಿಯ ದ್ವೀಪತ್‍ರ ಪಕ್ಕತ್ ಬಪ್ಪಕ, ನಂಗ ತಪ್ಪಿಚಿಡ್‌ವಕುಳ್ಳ ಚೆರಿಯ ಹಡಗ್‍ನ ದುಂಬ ಕಷ್ಟತ್‍ಲ್ ಬಲ್‍ಚಿತ್ ಬದ್ರಪಡ್‍ತ್‍ಚಿ.

ಅಪೊಸ್ತಲ 27:27

ಪದನಾಲನೆ ಬಯಿಟ್ ಬಪ್ಪಕ, ನಂಗೆಲ್ಲಾರು ಆದ್ರಿಯ ಸಮುದ್ರತ್‍ಲ್ ಗಾಳಿಲ್ ಬಡಿಚಂಡ್ ಪೋಯಂಡಿಪ್ಪಕ, ನಡ್‍ಪಾದ್ರೆಲ್ ಹಡಗ್‍ಲ್ ಉಳ್ಳಯಿಂಗಕ್, ಕಡಕರೆ ಬಾತ್‍ೕಂದ್ ಗೇನ ಆಚಿ.

ಅಪೊಸ್ತಲ 27:29

ಕಲ್ಲ್ ಜಾಗತ್‍ಲ್ ಪೋಯಿತ್ ಬೂವಾಂದ್ ಪೋಡಿಯಾಯಿತ್, ಹಡಗ್‍ರ ಬೆಂಬರತ್‍ರ ಬಾಗತ್ಂಜ ನಾಲ್ ನಂಗೂರತ್‍ನ ಬುಟ್ಟಿತ್ ಹಡಗ್‍ನ ನಿಪ್ಪ್‌ಚಿಟ್ಟತ್. ಪಿಂಞ ಪೊಲಾಕ ಎಕ್ಕ ಆಪಾಂದ್ ಪಾರಕಾತಂಡ್, ಪ್ರಾರ್ಥನೆ ಮಾಡಿಯಂಡ್ ಇಂಜತ್.

ಅಪೊಸ್ತಲ 27:31

ಅಕ್ಕ, ಪೌಲ, ನೂರ್ ಸಿಪಾಯಿಯಂಗಡ ಅದಿಕಾರಿನ ಪಿಂಞ ಸಿಪಾಯಿಯಂಗಳ ನೋಟಿತ್, ಈಂಗ ಹಡಗ್‍ಲ್ ನಿಕ್ಕತೆ ಪೋಚೇಂಗಿ, ನಿಂಗ ಬಚಾವ್ ಆಪುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 27:32

ಅಕ್ಕ ಸಿಪಾಯಿಯಂಗ ದೋಣಿರ ಕೇರ್‌ನ ಮುರ್‌ಚಿತ್, ಅದ್ ಬುದ್ದ್ ಪೋಪನೆಕೆ ಮಾಡ್‍ಚಿ.