ಅಪೊಸ್ತಲ 27:26 - ಕೊಡವ ಬೈಬಲ್

²⁶ ಆಚೇಂಗಿಯು ನಂಗೆಲ್ಲಾರು ಒರ್ ದ್ವೀಪತ್‍ರ ಕರೆಕ್ ಪೋಯಿತ್ ಮುಟ್ಟಿತ್ ನಿಪ್ಪಾಂದ್ ಪೌಲ ಎಣ್ಣ್‌ಚಿ.

ಅಪೊಸ್ತಲ 27:26 ပူးပေါင်းရင်းမြစ်များ

ಅಪೊಸ್ತಲ 27:17

ಅನ್ನನೆ ಜನ ಅದ್‍ನ ಕೊಡಿಕ್ ಎಡ್‌ತ ಪಿಂಞ, ಹಡಗ್‍ನ ಕಾಪಾಡ್‌ವಕಾಯಿತ್, ಕೇರ್ ಇಟ್ಟಿತ್ ಪೊಟ್ಟಿಪೋಕತನೆಕೆ ಸುತ್ತ್‌ಲ್ ಕೆಟ್ಟ್‌ಚಿ. ಅಲ್ಲಿಂಜ ಸುರ್ತಿಸ್ ಎಣ್ಣ್‌ವ ಗಟ್ಟಿ ಇಲ್ಲತೆ ಮಣ ಜಾಗತ್‍ಲ್ ಚಿಕ್ಕಿತ್ ಬುದ್ದ್‌ರುವಾಂದ್ ಪೋಡಿಯಾಯಿತ್, ಹಡಗ್‍ರ ಬಟ್ಟೇರ ಪಲಂಬ್‍ನೆಲ್ಲ ಅಡಿಕಿಟ್ಟಿತ್, ಗಾಳಿ ಪೋಪನೆಕೆ ಹಡಗ್‍ನ ನೂಕಿಯಂಡ್ ಪೋಪನೆಕೆ ಬುಟ್ಟತ್.

ಅಪೊಸ್ತಲ 27:27

ಪದನಾಲನೆ ಬಯಿಟ್ ಬಪ್ಪಕ, ನಂಗೆಲ್ಲಾರು ಆದ್ರಿಯ ಸಮುದ್ರತ್‍ಲ್ ಗಾಳಿಲ್ ಬಡಿಚಂಡ್ ಪೋಯಂಡಿಪ್ಪಕ, ನಡ್‍ಪಾದ್ರೆಲ್ ಹಡಗ್‍ಲ್ ಉಳ್ಳಯಿಂಗಕ್, ಕಡಕರೆ ಬಾತ್‍ೕಂದ್ ಗೇನ ಆಚಿ.

ಅಪೊಸ್ತಲ 27:29

ಕಲ್ಲ್ ಜಾಗತ್‍ಲ್ ಪೋಯಿತ್ ಬೂವಾಂದ್ ಪೋಡಿಯಾಯಿತ್, ಹಡಗ್‍ರ ಬೆಂಬರತ್‍ರ ಬಾಗತ್ಂಜ ನಾಲ್ ನಂಗೂರತ್‍ನ ಬುಟ್ಟಿತ್ ಹಡಗ್‍ನ ನಿಪ್ಪ್‌ಚಿಟ್ಟತ್. ಪಿಂಞ ಪೊಲಾಕ ಎಕ್ಕ ಆಪಾಂದ್ ಪಾರಕಾತಂಡ್, ಪ್ರಾರ್ಥನೆ ಮಾಡಿಯಂಡ್ ಇಂಜತ್.

ಅಪೊಸ್ತಲ 28:1

ನಂಗೆಲ್ಲಾರು ಸಮುದ್ರತ್‍ರ ಕರೆಕ್ ಪೋಯಿತ್ ಎತ್ತ್‌ನ ಪಿಂಞ ಆ ದ್ವೀಪತ್‍ರ ಪೆದ ಮೆಲೀತೇಂದ್ ನಂಗಕ್ ಗೊತ್ತಾಚಿ.