ಅಪೊಸ್ತಲ 27:21 - ಕೊಡವ ಬೈಬಲ್

²¹ ಅಯಿಂಗ ದುಂಬ ದಿವಸ ಕೂಳ್ ಒಂದು ತಿಂಗತೆ ಇಪ್ಪಕ, ಪೌಲ ಅಯಿಂಗಡ ಮದ್ಯತ್‍ಲ್ ಎದ್ದ್ ನಿಂದಿತ್: ಜನಳೇ, ಕ್ರೇತ ದ್ವೀಪತ್ಂಜ ಪೊರಡತೆ ಈ ಕಷ್ಟ ನಷ್ಟನೆಲ್ಲ ಆಕತನೆಕೆ ನಿಂಗ ನಾಡ ತಕ್ಕ್‌ನ ಕ್‍ೕಪಕಿಂಜತ್.

ಅಪೊಸ್ತಲ 27:21 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 42:22

ಅಕ್ಕ ರೂಬೇನ ಅಯಿಂಗಳ ನೋಟಿತ್: ಆ ಕ್‌ಣ್ಣಂಗ್‌ ವಿರೋದವಾಯಿತ್‌ ಪಾಪ ಮಾಡಂಡಾಂದ್‌ ನಾನ್‌ ನಿಂಗಕ್‌ ಎಣ್ಣಿತ್‌ಲ್ಲಿಯಾ? ಆಚೇಂಗಿ ನಿಂಗ ಕ್‍ೕಟಿತ್‌ಲ್ಲೆ. ಇಕ್ಕ ನೋಟಿ, ಅಂವೊಂಡ ಚೋರೆನ ಚೆಲ್ಲ್‌ನಂಗ್‌ ನಂಗ ಇಕ್ಕ ಚಾವಾಂದ್‌ ಎಣ್ಣ್‌ಚಿ.

ಅಪೊಸ್ತಲ 27:12

ಆ ಹಡಗ್ ನಿಪ್ಪ್‌ಚಿಡುವ ಸ್ತಾನ, ಕುಳ್‌ರ್ ಕಾಲತ್‍ಲ್ ಒಳಿಯುವಕ್ ಅನುಕೂಲವಾಯಿತ್ ಇಲ್ಲತೆಗುಂಡ್, ಆ ಜಾಗತ್‍ನ ಬುಟ್ಟಿತ್, ಅಲ್ಲಿಂಜ ಫೊಯಿನಿಕೆ ಎಣ್ಣುವ ಜಾಗಕ್ ಪೋಪಕ್ ಕಯ್ಯುವೇಂಗಿ ಅಲ್ಲಿಕ್ ಎತ್ತಿತ್ ಅಲ್ಲಿ ಒಳಿಯಂಡೂಂದ್ ದುಂಬ ಜನ ಎಣ್ಣ್‌ನಗುಂಡ್ ಅನ್ನನೆ ತೀರ್ಮಾನ ಮಾಡ್‍ಚಿ. ಆ ಜಾಗ ತೆಕ್ಕ್-ಪಡ್‍ಞಾರ್ ದಿಕ್ಕ್ ಪಿಂಞ ಬಡಕ್-ಪಡ್‍ಞಾರ್ ದಿಕ್ಕ್‌ನ ನೋಟಿತ್ ಇಂಜ ಕ್ರೇತ ದ್ವೀಪತ್‍ರ ಒರ್ ಹಡಗ್ ಸ್ತಾನವಾಯಿತ್ಂಜತ್.

ಅಪೊಸ್ತಲ 27:13

ತೆಕ್ಕ್ ದಿಕ್ಕ್‌ಂಜ ಗಾಳಿ ಮೆಲ್ಲೆ ಬೀಜಿಯಂಡ್ ಇಂಜಗುಂಡ್, ಅಯಿಂಗ ಗೇನಮಾಡ್‍ನನೆಕೆ ಎಲ್ಲಾ ಚಾಯಿ ಆಯಂಡುಂಡ್‍ೕಂದ್ ಗೇನ ಮಾಡಿತ್, ನಂಗೂರತ್‍ನ ಮೆಲ್ಲೆ ಕೊಡಿಕ್ ಬಲ್‍ಚಿತ್, ಅಲ್ಲಿಂಜ ಕ್ರೇತ ದ್ವೀಪತ್‍ರ ಕರಾವಳಿರ ಪಕ್ಕ ಪೋಚಿ.

ಅಪೊಸ್ತಲ 27:20

ದುಂಬ ದಿವಸಕತ್ತನೆ ಸೂರ್ಯ ಆಡ್, ನಕ್ಷತ್ರ ಆಡ್ ನಂಗ ಕಾಂಗತೆ, ಬಲ್ಯ ಬಿರ್‌ಗಾಳಿಮಳೆ ಪೊಜ್ಜಂಡ್ ಇಂಜಗುಂಡ್, ನಂಗ ಇಂಞು ಮಿಂಞಕ್ ಬಚಾವಾಯಿತ್ ಬದ್‍ಕಾವಾಂದ್ ಉಳ್ಳ ಎಲ್ಲಾ ನಂಬಿಕೆಯು ಪೋಚಿ.

ಅಪೊಸ್ತಲ 27:7

ಬಿರ್‌ಗಾಳಿ ನಂಗಳ ಮಿಂಞಕ್ ಪೋಪಕ್ ಬುಡತಗುಂಡ್, ದುಂಬ ದಿವಸ ನಿದಾನವಾಯಿತ್ ಕಷ್ಟತ್‍ಲ್ ಕ್ನೀದ ಪಟ್ಟಣಕ್ ಎದ್‍ರಾಯಿತ್ ಬಂದಿತ್, ಗಾಳಿ ಬಂದಂಡುಳ್ಳ ದಿಕ್ಕ್‌ಂಜ ಕ್ರೇತ ದ್ವೀಪತ್‍ರ ಆಬರಿಕ್ ಪೋಯಿತ್ ಸಲ್ಮೋನೆ ಊರ್‌ಕ್ ಮಿಂಞ ಬಾತ್.