ಅಪೊಸ್ತಲ 27:2 - ಕೊಡವ ಬೈಬಲ್

² ಅಕ್ಕ ನಂಗ ಆಸ್ಯ ಸೀಮೆರ ಅದ್ರಮಿತ್ತಿಯ ಎಣ್ಣುವ ಪಟ್ಟಣತ್ಂಜ ಬಂದ ಹಡಗ್‍ಲ್ ಪತ್ತ್‌ಚಿ. ಆ ಹಡಗ್ ಆಸ್ಯ ಸೀಮೆರ ಕರಾವಳಿರ ಬೋರೆ ಬೋರೆ ಜಾಗಕ್ ಪೋಪಕ್ ಇಂಜತ್. ಅಯಿಂಗ ಅದ್‍ಲ್ ನಂಗಳ ಅಯಿಚತ್. ಮಕೆದೋನ್ಯ ಸೀಮೆಕ್ ಕೂಡ್‍ನ ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಎಣ್ಣ್‌ವಂವೊ ನಂಗಡ ಕೂಡೆ ಇಂಜತ್.

ಅಪೊಸ್ತಲ 27:2 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:22

ಒರ್ ದಿವಸ ಯೇಸು ತಾಂಡ ಶಿಷ್ಯಂಗಡ ಕೂಡೆ ದೋಣಿಕ್ ಪತ್ತಿತ್: ನಂಗ ಕೆರೆರ ಆಬರಿಕ್ ಪೋಕನಾಂದ್ ಎಣ್ಣ್‌ಚಿ. ಅನ್ನನೆ ಅಯಿಂಗಳು ಪೊರಟತ್.

ಅಪೊಸ್ತಲ 16:17

ಆ ಕಣಿಯತಿ, ಪೌಲ ಪಿಂಞ ನಂಗಡ ಬೆಂಬರತ್ ಬಂದಿತ್: ಈ ಮನುಷ್ಯಂಗ ದೇವಾದಿ ದೇವಡ ಸೇವಕಂಗ; ರಕ್ಷಣೆರ ಬಟ್ಟೇನ ನಂಗಕ್ ಎಣ್ಣಿ ಕೊಡ್‍ಪಯಿಂಗಾಂದ್ ಕೂತ್ ಕೊಡ್‌ತಂಡ್ ಇಂಜತ್.

ಅಪೊಸ್ತಲ 17:1

ಅಯಿಂಗ ಅಂಫಿಪೊಲಿ ಪಿಂಞ ಅಪೊಲೋನ್ಯ ಎಣ್ಣ್‌ವ ಪಟ್ಟಣತ್‍ನ ದಾಟಿತ್ ಥೆಸಲೊನೀಕ ಪಟ್ಟಣಕ್ ಬಾತ್; ಅಲ್ಲಿ ಯೆಹೂದ್ಯಂಗಕ್ ಒರ್ ಸಬಾಮಂದಿರ ಇಂಜತ್.

ಅಪೊಸ್ತಲ 19:19

ಇದ್‍ಲ್ಲತೆ ಮಾಟಮಂತ್ರ ಮಾಡಿಯಂಡಿಂಜ ದುಂಬ ಜನ ತಂಗಡ ಪುಸ್ತಕತ್‍ನ ಕೊಂಡ್‌ಬಂತ್, ಗುಡ್ಡೆ ಕೂಟಿತ್ ಎಲ್ಲಾಡ ಮಿಂಞತ್ ತಿತ್ತ್‌ಕ್ ಇಟ್ಟತ್; ಅದ್ಂಡ ಕ್ರಯತ್‍ನ ಲೆಕ್ಕಮಾಡ್‍ವಕ ಸುಮಾರ್ ಐಂಬದಾಯಿರ ಬೊಳ್ಳಿ ನ್ಯಾಣ ಆಯಿತಿಕ್ಕೂಂದ್ ಗೊತ್ತಾಚಿ.

ಅಪೊಸ್ತಲ 19:29

ಅಚ್ಚಕ್ ಬೆರಿಯ ಇಡೀ ಪಟ್ಟಣತ್‍ಲ್ ಗಲಿಬಿಲಿ ಆಚಿ. ಪ್ರಯಾಣತ್‍ಲ್ ಪೌಲಂಡ ಕೂಡೆ ಪ್ರಯಾಣ ಮಾಡಿಯಂಜಯಿಂಗ ಮಕೆದೋನ್ಯತ್‍ರ ಗಾಯನ ಪಿಂಞ ಅರಿಸ್ತಾರ್ಕ ಎಣ್ಣುವಯಿಂಗಳ ಬಲ್‍ಚಂಡ್ ಒರೇ ಮನಸ್ಸ್‌ಲ್ ಜನ ಕೂಡಿತ್ ನಾಟಕ ಶಾಲೆರ ಒಳ್‍ಕ್ ನುಗ್ಗಿತ್ ಪೋಚಿ.

ಅಪೊಸ್ತಲ 2:9

ನಂಗೆಲ್ಲ ಪಾರ್ಥ್ಯಂಗ, ಮೇದ್ಯಂಗ, ಏಲಾಮ್ಯಂಗ, ಮೆಸೊಪೊತಾಮ್ಯ, ಯೂದಾಯ, ಕಪ್ಪದೋಕ್ಯ,

ಅಪೊಸ್ತಲ 21:5

ಆಚೇಂಗಿ, ಹಡಗ್ ಅಲ್ಲಿಂಜ ಪೊರಡ್‌ವ ಸಮಯ ಬಪ್ಪಕ, ಅಯಿಂಗೆಲ್ಲಾರು ಪೊಣ್ಣ್ ಮಕ್ಕಡ ಕೂಡೆ ಪಟ್ಟಣತ್‍ರ ಕಡೇಕತ್ತನೆ ನಂಗಡ ಕೂಡೆ ಬಾತ್. ನಂಗ ಕಡಕರೆಲ್ ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡ್‍ಚಿ.

ಅಪೊಸ್ತಲ 28:10

ಅಯಿಂಗೆಲ್ಲರು ನಂಗಳ ಬಾರಿ ಚಾಯಿ ಉಪಚಾರ ಮಾಡ್‍ನದ್ ಅಲ್ಲತೆ ನಂಗ ಅಲ್ಲಿಂಜ ಪೊರಡ್‍ವಕ, ನಂಗಡ ಪ್ರಯಾಣಕ್ ಬೋಂಡಿಯಾನ ಎಲ್ಲಾನ ಕೊಂಡ್‌ಬಂತ್ ಹಡಗ್‍ಲ್ ಬೆಚ್ಚತ್.

ಅಪೊಸ್ತಲ 28:12

ಸುರಕೂಸ ಎಣ್ಣುವ ಪಟ್ಟಣಕ್ ಎತ್ತಿತ್, ಮೂಂದ್ ದಿನ ಅಲ್ಲೇ ಒಳಿಂಜತ್.

ಅಪೊಸ್ತಲ 28:16

ನಂಗ ರೋಮ್ ಪಟ್ಟಣಕ್ ಎತ್ತ್‌ವಕ, ಪೌಲ, ಅಂವೊನ ಕಾತಂಡಿಂಜ ಸಿಪಾಯಿರ ಕೂಡೆ ಬೋರೆಯಾಯಿತ್ ಇಪ್ಪಕ್ ಅನುಮತಿ ಕ್‍ಟ್ಟ್‌ಚಿ.

ಅಪೊಸ್ತಲ 28:2

ಆ ದ್ವೀಪತ್‍ರ ಜನಾಂಗ, ನಂಗಕ್ ಗೊತ್ತ್‌ಲ್ಲತಯಿಂಗಳಾಯಿತ್ ಇಂಜತೇಂಗಿಯು ನಂಗಕ್ ದುಂಬ ಕನಿಕರ ಕಾಟ್‍ಚಿ. ಆ ಸಮಯತ್‍ಲ್ ಮಳೆಯು ಕುಳ್‍ರು ದುಂಬ ಇಂಜಗುಂಡ್, ತಿತ್ತ್ ಇಟ್ಟಿತ್ ನಂಗಳ ಕೂಟಿಯಂಡತ್.

ಕೊಲೊಸ್ಸೆ 4:10

ನಾಡ ಕೂಡೆ ಜೈಲ್‍ಲ್ ಉಳ್ಳ ಅರಿಸ್ತಾರ್ಕ ಪಿಂಞ ಬಾರ್ನಬಂಡ ಅಕ್ಕಂಡ ಮೋಂವೊನಾನ ಮಾರ್ಕ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. (ಮಾರ್ಕಂಡ ವಿಷಯತ್ ನಿಂಗಕ್ ಮಿಂಞಲೇ ಅಪ್ಪಣೆ ಕ್‍ಟ್ಟಿತುಂಡ್; ಅಂವೊ ಬಪ್ಪಕ, ನಿಂಗ ಅಂವೊನ ಸತ್ಕಾರ ಮಾಡಂಡು).