ಅಪೊಸ್ತಲ 27:18 - ಕೊಡವ ಬೈಬಲ್

¹⁸ ಅದಲ್ಲತೆ, ಬಲ್ಯ ಬಿರ್‌ಗಾಳಿಮಳೆಲ್ ನಂಗ ಚಿಕ್ಕಿಪೋನಗುಂಡ್, ಪಿತ್ಯಾಂದ್ ಹಡಗ್‍ಲ್ ಇಂಜ ಚೆನ್ನ ಸಾಮಾನೆಲ್ಲ ಕಡಲ್‍ಲ್ ಕನ್‍ಚತ್.

ಅಪೊಸ್ತಲ 27:18 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:5

ಅಕ್ಕ ಹಡಗ್‌ಲ್‌ ಪ್ರಯಾಣ ಮಾಡುವಯಿಂಗಕ್‌ ಪೋಡಿ ಆಯಿತ್, ಅಯಿಂಗಯಿಂಗ ಅಯಿಂಗಯಿಂಗಡ ದೇವಳ ಬೋಡ್‌ಚಿ. ಅದಲ್ಲತೆ ಹಡಗ್‌ರ ಬಾರತ್‌ನ ಕಮ್ಮಿ ಮಾಡ್‌ವಕಾಯಿತ್, ಹಡಗ್‌ಲ್‌ ಇಂಜ ಸಾಮಾನತ್‌ನ ಸಮುದ್ರಕ್‌ ಎಡ್‌ತ್‌ ಕನ್‌ಚತ್. ಆಚೇಂಗಿ ಯೋನ ಹಡ್‌ಗ್‌ರ ಒಳ್‌ಕ್‌ ಪೋಯಿತ್‌ ಅಟ್ಟತ್‌ರ ಒರ್‌ ಬರಿಲ್‌ ಬುದ್ದಂಡಿಂಜತ್. ಅಂವೊಂಗ್‌ ನಲ್ಲ ವರ್‌ಕ್‌ ಪತ್ತಿತ್‌ಂಜತ್.

ಮತ್ತಾಯ 16:26

ಒರ್ ಮನುಷ್ಯ ಈ ಲೋಕತ್‍ಲ್ ಉಳ್ಳಾನೆಲ್ಲಾ ತಾಂಗ್ ಸ್ವಂತವಾಯಿತ್ ಮಾಡ್‍ಚೇಂಗಿಯು, ಅಂವೊ ನಾಡ ಶಿಷ್ಯನಾಯಿತ್ ನಾಡ ಬಯ್ಯತ್ ಬರತೆ ಪೋಚೇಂಗಿ, ಅಂವೊಂಗ್ ಎಂತ ಲಾಬ? ಅಂವೊ ನಿತ್ಯ ಜೀವ ಇಲ್ಲತೆ ಚತ್ತ್ ಪೋಪ. ಅನ್ನನೆ ಆಚೇಂಗಿ ಅಂವೊಂಗ್ ನಿತ್ಯ ಜೀವ ಕ್‍ಟ್ಟ್‌ವಕ್ ಒಂದು ಮಾಡ್‌ವಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:23

ನಿಂಗಡ ಆಹಾರಕಿಂಜ ಜೀವವು, ಬಟ್ಟೇಕಿಂಜ ತಡಿಯು ಮುಕ್ಯಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:8

ಅನ್ಯಾಯ ಮಾಡ್‌ವ ಈ ಅದಿಕಾರಿರ ಎಜಮಾನ ಇದ್‍ನೆಲ್ಲಾ ಕ್‍ೕಪಂಜಿ, ಅಂವೊಂಡ ಬುದ್ದಿನ ಕಂಡಿತ್, ಬೋರೆ ಬಟ್ಟೆಯಿಲ್ಲತೆ ಅಂವೊನ ಹೊಗಳ್‍ಚಿ. ಮಿಂಞತ್‍ರ ಬದ್‍ಕ್‍ಕ್ ಬೋಂಡಿಯಾನದ್‍ನ ಉಳಿಕೆ ಮಾಡಿತ್ ಬೆಪ್ಪಕ್, ಬೊಳ್‍ಚತ್‍ರ ಮಕ್ಕಕಿಂಜ, ಈ ಲೋಕತ್‍ನ ಮಾತ್ರ ಗೇನಮಡಿಯಂಡುಳ್ಳ ಮಕ್ಕ ಬಾರಿ ಬುದ್ದಿವಂತಯಿಂಗಳಾಯಿತುಂಡ್.

ಅಪೊಸ್ತಲ 27:19

ಮೂಂದನೆ ದಿವಸತ್‍ಲ್ ಹಡಗ್‍ರ ಅಡ್ಡ ಮರತ್‍ನ ನಂಗಡ ಕೈಯಿಂಜಲೇ ಪೊರಮೆ ಚಾಡ್‍ಚಿ.

ಅಪೊಸ್ತಲ 27:38

ಬೋಂಡಿಯಚ್ಚಕ್ ತಿಂದ ಪಿಂಞ, ಗೋದಿನ ಸಮುದ್ರಕ್ ಕನ್‍ಚಿತ್ ಹಡಗ್‍ರ ಬಾರತ್‍ನ ಕಮ್ಮಿ ಮಾಡ್‍ಚಿ.

ಇಬ್ರಿಯ 12:1

ಆನಗುಂಡ್, ನಂಬಿಕೇರ ಮೂಲಕ ಬದ್‍ಕನಯಿಂಗಡ, ಮೋಡತ್‍ರನೆಕೆ ಉಳ್ಳ ಬಲ್ಯ ಗುಂಪ್‍ರ, ಇಚ್ಚಕ್ ಬಲ್ಯ ಸಾಕ್ಷಿ ನಂಗಡ ಸುತ್ತ್‌ಲ್ ಇಪ್ಪಕ, ನಂಗಳ ಮಿಂಞಕ್ ಪೋಪಕ್ ಕಯ್ಯತನೆಕೆ ನಂಗಡ ಮೇಲೆ ಉಳ್ಳ ಎಲ್ಲಾ ಬಾರತ್‍ನ ಪಿಂಞ ನಂಗಳ ಸುಲಬವಾಯಿತ್ ಚಿಕ್ಕಿಚಿಡುವ ಪಾಪತ್‍ನ ಚಾಡಿತ್ ಕಳೆಯಂಡು.