ಅಪೊಸ್ತಲ 27:16 - ಕೊಡವ ಬೈಬಲ್

¹⁶ ಅನ್ನನೆ ಗಾಳಿ ಬಂದಂಡುಳ್ಳ ದಿಕ್ಕ್‌ಂಜ ಕ್ಲೌಡ ಎಣ್ಣ್‌ವ ಒರ್ ಚೆರಿಯ ದ್ವೀಪತ್‍ರ ಪಕ್ಕತ್ ಬಪ್ಪಕ, ನಂಗ ತಪ್ಪಿಚಿಡ್‌ವಕುಳ್ಳ ಚೆರಿಯ ಹಡಗ್‍ನ ದುಂಬ ಕಷ್ಟತ್‍ಲ್ ಬಲ್‍ಚಿತ್ ಬದ್ರಪಡ್‍ತ್‍ಚಿ.

ಅಪೊಸ್ತಲ 27:16 ပူးပေါင်းရင်းမြစ်များ

ಅಪೊಸ್ತಲ 16:10

ಅಂವೊಂಗ್ ಆ ದರ್ಶನ ಕ್‍ಟ್ಟ್‌ನ ಪಿಂಞ, ದೇವ ಆ ಸೀಮೆಲ್ ಉಳ್ಳಯಿಂಗಕ್ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ನಂಗಳ ಕಾಕ್‍ಚೀಂದ್ ನಂಗಕ್ ಕಂಡಿತವಾಯಿತ್ ಗೊತ್ತಾನಗುಂಡ್, ನಂಗ ಮಕೆದೋನ್ಯಕ್ ಪೋಪಕ್ ಪ್ರಯತ್ನಪಟ್ಟತ್.

ಅಪೊಸ್ತಲ 27:15

ಆ ಗಾಳಿಲ್ ಹಡಗ್ ಚಿಕ್ಕಿತ್, ಎದ್‍ರಾಯಿತ್ ಮಿಂಞಕ್ ಪೋಪಕ್ ಕಯ್ಯತಗುಂಡ್, ಗಾಳಿ ಬಲ್‍ಚಂಡ್ ಪೋಪ ಮಾರ್ಗತ್‍ಲ್ ಹಡಗ್ ಪೋಯಂಡಿಂಜತ್.

ಅಪೊಸ್ತಲ 27:17

ಅನ್ನನೆ ಜನ ಅದ್‍ನ ಕೊಡಿಕ್ ಎಡ್‌ತ ಪಿಂಞ, ಹಡಗ್‍ನ ಕಾಪಾಡ್‌ವಕಾಯಿತ್, ಕೇರ್ ಇಟ್ಟಿತ್ ಪೊಟ್ಟಿಪೋಕತನೆಕೆ ಸುತ್ತ್‌ಲ್ ಕೆಟ್ಟ್‌ಚಿ. ಅಲ್ಲಿಂಜ ಸುರ್ತಿಸ್ ಎಣ್ಣ್‌ವ ಗಟ್ಟಿ ಇಲ್ಲತೆ ಮಣ ಜಾಗತ್‍ಲ್ ಚಿಕ್ಕಿತ್ ಬುದ್ದ್‌ರುವಾಂದ್ ಪೋಡಿಯಾಯಿತ್, ಹಡಗ್‍ರ ಬಟ್ಟೇರ ಪಲಂಬ್‍ನೆಲ್ಲ ಅಡಿಕಿಟ್ಟಿತ್, ಗಾಳಿ ಪೋಪನೆಕೆ ಹಡಗ್‍ನ ನೂಕಿಯಂಡ್ ಪೋಪನೆಕೆ ಬುಟ್ಟತ್.

ಅಪೊಸ್ತಲ 27:30

ಆಚೇಂಗಿ ನಾವಿಕಂಗ ಹಡಗ್‍ರ ಮಿಂಞತ್‍ರ ಬರಿಲ್ ನಂಗೂರತ್‍ನ ಇಡ್‍ವನೆಕೆ ನಾಟಕ ಮಾಡಿತ್, ತಪ್ಪಿಚಿಡ್‌ವಕ್‌ ಉಳ್ಳ ದೋಣಿನ ಸಮುದ್ರತ್‍ಲ್ ಇಳ್‌ಪಿತ್ ಹಡಗ್‍ನ ಬುಟ್ಟಿತ್ ತಪ್ಪಿ ಪೋಪಕ್ ಪ್ರಯತ್ನಪಟ್ಟತ್.