ಅಪೊಸ್ತಲ 26:29 - ಕೊಡವ ಬೈಬಲ್

²⁹ ಅದ್ಂಗ್ ಪೌಲ: ಚೆನ್ನ ಪ್ರಯತ್ನನತ್ಂಜ ಆಡ್, ಅಥವ ದುಂಬ ಪ್ರಯತ್ನನತ್ಂಜ ಆಡ್, ನಿಂಗ ಮಾತ್ರ ಅಲ್ಲತೆ, ಇಂದ್ ನಾಡ ಈ ಸತ್ಯತ್‍ನ ಕ್‍ೕಪಯಿಂಗೆಲ್ಲಾರು, ನಾಡ ಮೇಲೆ ಉಳ್ಳ ಈ ಕೈದಿರ ಸರ್ಪಣಿನ ಬುಟ್ಟಿತ್, ಪೂರ್ತಿಯಾಯಿತ್ ನನ್ನನೆಕೆ ಆಂಡೂಂದ್ ದೇವಡ ಪಕ್ಕ ಪ್ರಾರ್ಥನೆ ಮಾಡ್‌ವೀಂದ್ ಎಣ್ಣ್‌ಚಿ.

ಅಪೊಸ್ತಲ 26:29 ပူးပေါင်းရင်းမြစ်များ

ಯೋಹಾನ 5:34

ನಾಕ್ ಮನುಷ್ಯಂಗಡಿಂಜ ಸಾಕ್ಷಿ ಬೋಂಡ. ಆಚೇಂಗಿ, ನಿಂಗಕ್ ರಕ್ಷಣೆ ಕ್‍ಟ್ಟುವಕಾಯಿತೇ ನಾನ್ ಈ ತಕ್ಕ್ ಪರ್ಂದಂಡುಂಡ್.

ಅಪೊಸ್ತಲ 12:6

ಹೆರೋದ, ಪೇತ್ರನ ಜನಡ ಮಿಂಞತ್‍ಲ್ ನ್ಯಾಯತೀರ್ಪ್ ಮಾಡ್‌ವಕಾಯಿತ್ ಕೊಂಡ್ ಬಪ್ಪಕ್ ಒರ್ ದಿವಸಕ್ ಮಿಂಞ ಬಯಿಟ್, ಪೇತ್ರನ ದಂಡ್ ಸರಪಣಿ‌ಯಿಂಜ ಕೆಟ್ಟಿತ್ಂಜತ್. ಅಂವೊ ದಂಡ್ ಸಿಪಾಯಿಂಗಡ ಮದ್ಯತ್ ವರಿಯಂಡಿಂಜತ್. ಜೈಲ್‍ನ ಕಾಪಯಿಂಗಳು ಪಡಿರ ಮಿಂಞತ್ ನಿಂದಿತ್ ಪಡಿನ ಕಾತಂಡಿಂಜತ್.

ಅಪೊಸ್ತಲ 21:33

ಅಕ್ಕ ಸೇನೆರ ಅದಿಪತಿ ಪೌಲಂಡ ಪಕ್ಕ ಬಂದಿತ್ ಅಂವೊನ ಪುಡ್‌ಚಿತ್, ಅಂವೊನ ದಂಡ್ ಸರ್ಪಣಿಲ್ ಕೆಟ್ಟ್‌ವಕ್ ಆಜ್ಞೆ ಕೊಡ್‍ತತ್. ಪಿಂಞ ಸೇನೆರ ಅದಿಪತಿ, ಇಂವೊ ದಾರ್? ಇಂವೊ ಎಂತ ಮಾಡ್‍ಚೀಂದ್ ಕ್‍ೕಟತ್.

ಅಪೊಸ್ತಲ 25:14

ಅಯಿಂಗ ದುಂಬ ದಿವಸ ಅಲ್ಲೇ ಒಳಿಂಜಗುಂಡ್, ಫೆಸ್ತ ಪೌಲಂಡ ಸಂಗತಿನ ಅಗ್ರಿಪ್ಪ ರಾಜಂಗ್: ಫೇಲಿಕ್ಸ ಜೈಲ್‍ಲ್ ಬುಟ್ಟಿತ್ ಪೋನ ಒಬ್ಬ ಉಂಡ್.

ರೋಮ್ 10:1

ನಾಡ ಅಣ್ಣತಮ್ಮಣಂಗಳೇ, ನಾಡ ಜನಕ್ ರಕ್ಷಣೆ ಕ್‍ಟ್ಟಂಡೂಂದ್ ಉಳ್ಳದೇ ನಾಡ ಹೃದಯತ್‍ರ ಆಸೆಯು, ನಾನ್ ದೇವಡ ಪಕ್ಕ ಮಾಡ್‌ವ ಪ್ರಾರ್ಥನೆಯುವಾಯಿತ್ ಉಂಡ್.

1 ಕೊರಿಂಥ 4:8

ನಿಂಗಕ್ ಎಲ್ಲಾ ಕ್‍ಟ್ಟಿತುಂಡ್‍ೕಂದ್ ಗೇನ ಮಾಡ್‌ವಿರ. ಆನಗುಂಡ್ ನಿಂಗಕ್ ಎಲ್ಲಾ ಕ್‍ಟ್ಟಿತುಳ್ಳನೆಕೆ ಕಳಿಪಿರ. ಇಕ್ಕ ನಂಗ ಇಲ್ಲತಿಪ್ಪಕಲೇ ನಿಂಗ ರಾಜ್ಯಬಾರ ಮಾಡ್‌ವಿರ. ಅನ್ನನೆ ನಿಂಗ ರಾಜ್ಯಬಾರ ಮಾಡಿಯಂಡಿಂಜತೇಂಗಿ ಚಾಯಿ ಇಂಜಿತಿಪ್ಪ. ಅಕ್ಕ ನಂಗಳು ನಿಂಗಡ ಕೂಡೆ ರಾಜ್ಯಬಾರ ಮಾಡ್‌ವಕಿಂಜತ್.

1 ಕೊರಿಂಥ 7:7

ನಾಡನೆಕೆ ಎಲ್ಲಾರು ಇರಂಡೂಂದ್ ನಾಕ್ ಆಸೆ. ಆಚೇಂಗಿಯು, ದೇವ ಒಬ್ಬೊಬ್ಬಂಗಕು ಬೋರೆ ಬೋರೆ ವರ ತಂದಿತುಂಡ್. ಒಬ್ಬಂಗ್ ಒರ್ ತರ ವರ, ಇಂಞೊಬ್ಬಂಗ್, ಇಂಞೊರ್ ತರ ವರ.

2 ಕೊರಿಂಥ 11:1

ನಿಂಗ ನಾಡ ಮುಠಾಳತನತ್‍ನ ಚೆನ್ನ ಸಹಿಸಿಯಂಡಿಂಜತೇಂಗಿ ಚಾಯಿಪ್ಪ. ಅನ್ನನೆ ಮಿಂಞಲೇ ನಿಂಗ ನನ್ನ ಸಹಿಸಿಯಂಡಿಂಜಿರ.

ಎಫೆಸ 6:20

ದೇವಡ ನಲ್ಲ ಸುದ್ದಿರ ಗುಟ್ಟ್‌ನ ಎಣ್ಣುವಕ್ ಸರಿಯಾನ ಬಾಕ್ ನಾಕ್ ಕ್‍ಟ್ಟ್‌ವಕಾಯಿತ್‌ ಪ್ರಾರ್ಥನೆ ಮಾಡಿ.

ಕೊಲೊಸ್ಸೆ 1:28

ಅದ್ಂಗಾಯಿತ್, ಎಲ್ಲಾ ಜ್ಞಾನತ್‍ಲ್ ಕ್ರಿಸ್ತನ ಎಲ್ಲಾರ್‌ಕು ಅರಿಚಿಟ್ಟಂಡ್, ಎಲ್ಲಾರ್‌ಕು ಎಚ್ಚರ ಮಾಡಿಯಂಡ್, ಎಲ್ಲಾರ್‌ಕು ಬೋದನೆ ಮಾಡಿಯಂಡ್ ಉಳ್ಳ. ಒಬ್ಬೊಬ್ಬನ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಬೊಳ್ಂದಂವೊನಾಯಿತ್ ದೇವಡ ಪಕ್ಕ ನಿಪ್ಪ್‌ಚಿಡುವಕಾಯಿತ್ ಇದ್‍ನ ಮಾಡಿಯಂಡುಳ್ಳ.