ಅಪೊಸ್ತಲ 26:28 - ಕೊಡವ ಬೈಬಲ್

²⁸ ಅಕ್ಕ ಅಗ್ರಿಪ್ಪ ಪೌಲನ ನೋಟಿತ್: ಅಚ್ಚಕ್ ಸುಲಬವಾಯಿತ್ ಏದ್ ಪ್ರಯತ್ನವು ಇಲ್ಲತೆ, ನೀನ್ ನನ್ನ ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‍ವನೆಕೆ ಮಾಡ್‌ವಕ್ ಕಯ್ಯುವಾಂದ್ ಎಣ್ಣ್‌ಚಿ.

ಅಪೊಸ್ತಲ 26:28 ပူးပေါင်းရင်းမြစ်များ

ಮತ್ತಾಯ 10:18

ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಎದಿಕೆ ನಾಡ ನಲ್ಲ ಸುದ್ದಿ ಎಣ್ಣ್‌ವಕಾಯಿತ್ ನಿಪ್ಪ್‌ಚಿಡ್‌ವ. ಇನ್ನನೆ ಅಯಿಂಗಕು ಪಿಂಞ ಅನ್ಯ ಜನಾಂಗಕು ನಾಡ ವಿಷಯತ್‍ನ ಎಣ್ಣ್‌ವಿರ.

ಮಾರ್ಕ 6:20

ಎನ್ನಂಗೆಣ್ಣ್‌ಚೇಂಗಿ ಯೋಹಾನ ನೀತಿವಂತಂವೊನಾಯಿತ್ ದೇವಡ ಬಕ್ತನಾಯಿತ್ ಉಳ್ಳದ್ ಹೆರೋದಂಗ್ ಗೊತ್ತಾನಗುಂಡ್ ಅಂವೊಂಗ್ ಬೊತ್ತಿಯಂಡ್ ಜೈಲ್‍ಲ್ ಚಾಯಿತೆ ಕಾಪಾಡಿಯಂಡ್ ಇಂಜತ್. ಹೆರೋದಂಗ್ ಯೋಹಾನ ಪರಿಯುವ ಉಪದೇಶತ್‍ನ ಕ್‍ೕಪಕ್ ದುಂಬ ಕುಶಿ ಇಂಜತ್, ಆಚೇಂಗಿ ಸಹ ಯೋಹಾನಂಡ ಎಚ್ಚರಿಕೆ ಕ್‍ೕಪಕ ಹೆರೋದಂಗ್ ಪೋಡಿ ಆಪಕಿಂಜತ್.

ಅಪೊಸ್ತಲ 11:26

ಅಂವೊನ ಅಲ್ಲಿ ಕಂಡಿತ್ ಅಂತಿಯೋಕ್ಯಕ್ ಕಾಕಿಯಂಡ್ ಬಾತ್. ಅಲ್ಲಿ ಅಯಿಂಗ ಒರ್ ಕಾಲಕತ್ತನೆ ಸಬೆರ ಜನಡ ಕೂಡೆ ಇಂಜಿತ್, ದುಂಬ ಜನಡ ಗುಂಪ್‌ಕ್ ಬೋದನೆ ಮಾಡಿಯಂಡಿಂಜತ್. ಅಂತಿಯೋಕ್ಯ ಪಟ್ಟಣತ್‍ಲ್ಲೇ ಯೇಸುನ ನಂಬ್‍ನಯಿಂಗಕ್ ಕ್ರಿಸ್ತಂಗಾಂದ್ ಆದ್ಯತ್ ಪೆದ ಕ್‍ಟ್ಟ್‌ಚಿ.

ಅಪೊಸ್ತಲ 24:25

ಪೌಲ, ಅಯಿಂಗಕ್ ದೇವಡ ನೀತಿನ, ತನ್ನಡಕತ್‍ನ ಪಿಂಞ ಇಂಞು ಮಿಂಞಕ್ ದೇವ ಮಾಡ್‌ವಕುಳ್ಳ ನ್ಯಾಯತೀರ್ಪ್‌ನ ಎಣ್ಣ್‌ವಕ, ಫೇಲಿಕ್ಸಂಗ್ ದುಂಬ ಪೋಡಿಯಾಚಿ. ಅಕ್ಕ ಅಂವೊ ಪೌಲಂಗ್, ಇಕ್ಕ ಇಚ್ಚಕ್ ಮದಿ, ನೀನ್ ಪೋ, ನಾಕ್ ಸಮಯ ಕ್‍ಟ್ಟ್‌ವಕ ನಿನ್ನ ಕಾಕ್‌ಚಿಡುವೀಂದ್ ಎಣ್ಣ್‌ಚಿ.

ಅಪೊಸ್ತಲ 26:27

ಅಗ್ರಿಪ್ಪ ರಾಜನೇ, ನಿಂಗಕ್ ಪ್ರವಾದಿಯಂಗಡ ಮೇಲೆ ನಂಬಿಕೆ ಉಂಡಾ? ಉಂಡ್‍ೕಂದ್ ನಾಕ್ ಗೊತ್ತುಂಡ್.

ಅಪೊಸ್ತಲ 26:29

ಅದ್ಂಗ್ ಪೌಲ: ಚೆನ್ನ ಪ್ರಯತ್ನನತ್ಂಜ ಆಡ್, ಅಥವ ದುಂಬ ಪ್ರಯತ್ನನತ್ಂಜ ಆಡ್, ನಿಂಗ ಮಾತ್ರ ಅಲ್ಲತೆ, ಇಂದ್ ನಾಡ ಈ ಸತ್ಯತ್‍ನ ಕ್‍ೕಪಯಿಂಗೆಲ್ಲಾರು, ನಾಡ ಮೇಲೆ ಉಳ್ಳ ಈ ಕೈದಿರ ಸರ್ಪಣಿನ ಬುಟ್ಟಿತ್, ಪೂರ್ತಿಯಾಯಿತ್ ನನ್ನನೆಕೆ ಆಂಡೂಂದ್ ದೇವಡ ಪಕ್ಕ ಪ್ರಾರ್ಥನೆ ಮಾಡ್‌ವೀಂದ್ ಎಣ್ಣ್‌ಚಿ.

2 ಕೊರಿಂಥ 4:2

ಅದ್ಂಡ ಬದ್‍ಲ್, ಞಾಣ ಆಪಕುಳ್ಳ ಪಿಂಞ ಗುಟ್ಟಾಯಿತುಳ್ಳ ವಿಷಯತ್‍ನೆಲ್ಲಾ ನಂಗ ತ್‍ಕ್ಕಾರ ಮಾಡಿತ್, ಕಪಟಿಯರನೆಕೆ ನಡ್‍ಕತೆ, ದೇವಡ ವಾಕ್ಯತ್‍ನ ತಪ್ಪಾಯಿತ್ ಬೋದನೆ ಮಾಡಿಯಂಡಿಲ್ಲೆ. ಆಚೇಂಗಿ, ಸತ್ಯತ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಅರಿಚಿಟ್ಟಿತ್, ದೇವಡ ಮಿಂಞತ್ ಎಲ್ಲಾ ಮನುಷ್ಯಂಗಡ ಮನಸಾಕ್ಷಿಕ್ ನಂಗ ಸತ್ಯವಂತಯಿಂಗಾಂದ್ ಕಾಂಬ್‍ಚಿಟ್ಟಂಡುಂಡ್.

1 ಪೇತ್ರ 4:16

ಆಚೇಂಗಿ, ಒಬ್ಬ ಕ್ರಿಸ್ತಂಡಂವೊನಾಯಿತ್ ಕಷ್ಟಪಟ್ಟತೇಂಗಿ, ಅಂವೊ ಞಾಣ ಪಡುವಕ್ಕಾಗ, ಅಂವೊಂಡ ಪೆದ ತಾಂಡ ಮೇಲೆ ಉಳ್ಳಾಂಗ್, ಅದ್ಂಗಾಯಿತ್ ಅಂವೊ ದೇವನ ಮಹಿಮೆಪಡ್‍ತಂಡು.