ಅಪೊಸ್ತಲ 26:24 - ಕೊಡವ ಬೈಬಲ್

²⁴ ಇನ್ನನೆ ಪೌಲ ಅಂವೊಂಗಾಯಿತ್ ವಾದಮಾಡಿಯಂಡಿಪ್ಪಕಲೆ, ಫೆಸ್ತ ಬಲ್ಯ ಸ್ವರತ್‍ಲ್: ಪೌಲನೇ, ನೀಕ್ ಪುಚ್ಚ್ ಪುಡ್‌ಚಿರ್‌ತ್. ನೀನ್ ದುಂಬ ಓದಿತುಳ್ಳಿಯ, ಅದೇ ನಿನ್ನ ಪುಚ್ಚ್ ಪುಡ್‌ಚನೆಕೆ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 26:24 ပူးပေါင်းရင်းမြစ်များ

ಮಾರ್ಕ 3:21

ಇದ್ ಯೇಸುರ ಕುಟುಂಬಕಾರಕ್ ಗೊತ್ತಾಚಿ. ಯೇಸುಕ್ ಪುಚ್ಚ್ ಪುಡ್‍ಚಿ ಪೋಚೀಂದ್ ಗೇನ ಮಾಡಿತ್ ಯೇಸುನ ಕಾಕಿಯಂಡ್ ಪೋಪಕ್ ನೋಟಿಯಂಡ್ ಇಂಜತ್.

ಯೋಹಾನ 7:15

ಯೇಸು ಬೋದನೆ ಮಾಡ್‌ವಾನ ಕ್‍ೕಟಿತ್, ಇಂವೊ ಪಡಿಚಿತ್‌ಲ್ಲೆ, ಆಚೇಂಗಿಯು, ದೇವಡ ವಾಕ್ಯತ್‍ನ ಇಚ್ಚಕ್ ಚಾಯಿತೆ ಎನ್ನನೆ ಬೋದನೆ ಮಾಡ್‌ವಾಂದ್ ಯೆಹೂದ್ಯಂಗಡ ಅದಿಕಾರಿಯಂಗ ದುಂಬ ಆಶ್ಚರ್ಯತ್‍ಲ್ ಕ್‍ೕಟತ್.

ಯೋಹಾನ 8:48

ಅಕ್ಕ ಯೆಹೂದ್ಯಂಗಡ ಅದಿಕಾರಿಯಂಗ ಯೇಸುಕ್: ನೀನ್ ಸಮಾರ್ಯ ಊರ್‌ಕ್ ಕೂಡ್‍ನಂವೋಂದು, ಕೂಳಿ ಪುಡ್‌ಚಂವೋಂದು ನಂಗ ಎಣ್ಣ್‌ನದ್ ಸರಿಯಾಚಲ್ಲಾಂದ್ ಎಣ್ಣ್‌ಚಿ.

ಯೋಹಾನ 8:52

ನೀಕ್ ಕೂಳಿ ಪುಡ್‌ಚಿತ್ ಉಂಡ್‍ೕಂದ್ ನಂಗಕ್ ಇಕ್ಕ ಗೊತ್ತಾಚಿ. ಅಬ್ರಹಾಮನು, ಪ್ರವಾದಿಯಂಗಳು ಚತ್ತ್ ಪೋಚಿ. ಆಚೇಂಗಿ, ನೀನ್: ನೀಡ ಬೋದನೆರ ಪ್ರಕಾರ ನಡ್‍ಪಯಿಂಗ ಎಕ್ಕಾಲು ಚಾವ್‍ಲೇಂದ್ ಎಣ್ಣುವಿಯಲ್ಲಾಂದ್ ಎಣ್ಣ್‌ಚಿ.

ಅಪೊಸ್ತಲ 17:32

ಪೌಲ ಚತ್ತಯಿಂಗಡ ವಿಷಯತ್‍ನ ಎಣ್ಣ್‌ವಕ, ಚೆನ್ನ ಜನ ಪೌಲಂಗಿಂಜ ನಂಗಕ್ ಚಾಯಿ ಗೊತ್ತುಂಡ್‍ೕಂದ್ ತಮಾಷಿ ಮಾಡ್‍ಚಿ. ಚೆನ್ನ ಜನ, ನೀನ್ ಎಣ್ಣ್‌ವಾನ ಇಂಞೊರ್ ಕುರಿ ನಂಗ ಕ್‍ೕಪಾಂದ್ ಎಣ್ಣ್‌ಚಿ.

ಅಪೊಸ್ತಲ 22:1

ಅಣ್ಣತಮ್ಮಣಂಗಳೇ, ಅಪ್ಪಂಗಳೇ, ಇಕ್ಕ ನಾನ್ ನಿಂಗಕ್ ನಾಕಾಯಿತ್ ಎಣ್ಣ್‌ವ ನ್ಯಾಯತ್‍ನ ಕ್‍ೕಳೀಂದ್ ಜೋರಾಯಿತ್ ಎಣ್ಣ್‌ಚಿ.

ಅಪೊಸ್ತಲ 24:25

ಪೌಲ, ಅಯಿಂಗಕ್ ದೇವಡ ನೀತಿನ, ತನ್ನಡಕತ್‍ನ ಪಿಂಞ ಇಂಞು ಮಿಂಞಕ್ ದೇವ ಮಾಡ್‌ವಕುಳ್ಳ ನ್ಯಾಯತೀರ್ಪ್‌ನ ಎಣ್ಣ್‌ವಕ, ಫೇಲಿಕ್ಸಂಗ್ ದುಂಬ ಪೋಡಿಯಾಚಿ. ಅಕ್ಕ ಅಂವೊ ಪೌಲಂಗ್, ಇಕ್ಕ ಇಚ್ಚಕ್ ಮದಿ, ನೀನ್ ಪೋ, ನಾಕ್ ಸಮಯ ಕ್‍ಟ್ಟ್‌ವಕ ನಿನ್ನ ಕಾಕ್‌ಚಿಡುವೀಂದ್ ಎಣ್ಣ್‌ಚಿ.

ಅಪೊಸ್ತಲ 24:27

ಇನ್ನನೆ ದಂಡ್ ಕಾಲ ಕಯಿಂಜಿರ್‌ತ್. ಫೇಲಿಕ್ಸಂಡ ಸ್ತಾನಕ್ ಪೋರ್ಕಿಯ ಫೆಸ್ತ ಎಣ್ಣ್‌ವಂವೊ ಬಾತ್; ಅಕ್ಕ, ಫೇಲಿಕ್ಸ ಯೆಹೂದ್ಯಂಗಡ ದಯೇನ, ಸಂಪಾದನೆ ಮಾಡ್‌ವಕಾಯಿತ್, ಪೌಲನ ಅನ್ನನೆ ಜೈಲ್‍ಲ್ಲೆ ಬುಟ್ಟಿತ್ ಪೋಚಿ.

ಅಪೊಸ್ತಲ 26:11

ಒರ್ ಸಬಾಮಂದಿರತ್ಂಜ ಇನ್ನೊಂದ್ ಸಬಾಮಂದಿರಾಂದ್ ಎಲ್ಲಾ ಸಬಾಮಂದಿರಕ್ ಪೋಯಿತ್, ನಾನ್ ಸುಮಾರ್ ಕುರಿ ಅಯಿಂಗಳ ಪೊಜ್ಜಿತ್, ದೇವ ದೂಷಣೆ ಎಣ್ಣ್‌ವಕ್ ಒತ್ತಾಯ ಮಾಡ್‍ನ; ಇದ್‍ಲ್ಲತೆ ಅಯಿಂಗಡ ಮೇಲೆ ದುಂಬ ಚೆಡಿಯುಳ್ಳಂವೊನಾಯಿತ್, ಯೆಹೂದ್ಯಂಗ ಅಲ್ಲತ ಬೋರೆ ಜಾತಿಯಂಗಡ ಪಟ್ಟಣಕತ್ತನೆ ಅಯಿಂಗಕ್ ತೊಂದರೆ ಕೊಡ್‌ತಿಯೆ.

1 ಕೊರಿಂಥ 1:23

ಆಚೇಂಗಿ ನಂಗ, ಶಿಲುಬೇಲ್ ಚತ್ತ ಕ್ರಿಸ್ತನ ಬೋದನೆ ಮಾಡಿಯಂಡುಂಡ್; ಆ ಬೋದನೆನ ಯೆಹೂದ್ಯಂಗ ನಂಬುವಕ್ ಕುಶಿಪಡುಲೆ, ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನ ಇದ್ ಪುಚ್ಚಿ ತಕ್ಕ್‌ರನೆಕೆ ಉಂಡ್‍ೕಂದ್ ಎಣ್ಣುವ.

1 ಕೊರಿಂಥ 4:10

ನಂಗ ಕ್ರಿಸ್ತಂಗಾಯಿತ್ ಮುಠಾಳಂಗ, ಆಚೇಂಗಿ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಿಂಗ ಬುದ್ದಿವಂತಯಿಂಗ; ನಿಂಗ ಬಲಶಾಲಿಯಳಾಯಿತ್ ಉಳ್ಳಿರ ಆಚೇಂಗಿ ನಂಗ ಶಕ್ತಿ ಇಲ್ಲತಯಿಂಗಡನೆಕೆ ಉಂಡ್. ನಿಂಗಕ್ ಬಲ್ಯತರತ್‌ಲ್ ಜನ ಮರ್ಯಾದಿ ತಪ್ಪ, ಆಚೇಂಗಿ ನಂಗಳ ಅಲ್ಲಗೆಳೆಯುವ.

2 ಕೊರಿಂಥ 5:13

ನಂಗ ಪುಚ್ಚ್ ಪುಡ್‍ಚಯಿಂಗಡನೆಕೆ ಇಂಜತೇಂಗಿ ಅದ್ ದೇವಕಾಯಿತೇ; ಅಥವ, ಚಾಯಿ ಬುದ್ದಿಯುಳ್ಳಯಿಂಗಳಾಯಿತ್ ಇಂಜತೇಂಗಿ, ಅದ್ ನಿಂಗಕಾಯಿತ್‍ೕಂದ್ ಎಡ್‌ತೊಳಿ.

2 ತಿಮೊಥೆಯ 3:15

ಯೇಸು ಕ್ರಿಸ್ತನ ನಂಬುವ ಮೂಲಕ ಕ್‍ಟ್ಟ್‌ವ ರಕ್ಷಣೆನ ನೀನ್ ಪಡೆಯುವಕ್, ನೀನ್ ಬಾಲ್ಯ ವಯಸಿಂಜ ಪಡಿಚ ಪವಿತ್ರವಾನ ದೇವಡ ವಾಕ್ಯ ನೀಕ್ ಜ್ಞಾನ ತಂದಿತುಂಡ್‍ೕಂದ್ ನೀಕ್ ಗೊತ್ತುಂಡ್.