ಅಪೊಸ್ತಲ 26:23 - ಕೊಡವ ಬೈಬಲ್

²³ ಪ್ರವಾದಿಯಂಗಳು ಮೋಶೇಯು ಮಿಂಞಲೇ ಎಣ್ಣ್‌ನನೆಕೆ, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಕಷ್ಟಪಟ್ಟಿತ್ ಚಾವಾಂದು, ಚತ್ತಯಿಂಗ ಪುನಃ ಜೀವವಾಯಿತ್ ಎದ್ದಿತ್ ಬಪ್ಪಯಿಂಗಡಡೆಲ್ ಇಂವೊನೇ ಆದ್ಯವಾಯಿತ್ ಇಪ್ಪಾಂದು, ಅಂವೊ ಎದ್ದಿತ್ ಅಂವೊಂಡ ಜನಕು, ಯೆಹೂದ್ಯಂಗಲ್ಲತ ಬೋರೆ ಜನಾಂಗಕು, ಬೊಳಿನ ಅರಿಚಿಡುವಾಂದು ಉಳ್ಳದ್‍ನ ಬುಟ್ಟಿತ್ ಬೋರೆ ಒಂದು ನಾನ್ ಎಣ್ಣಿಯಂಡಿಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 26:23 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:15

ನೀಕು ಪೊಣ್ಣಾಳ್‌ಕು, ನೀಡ ಸಂತಾನಕು ಪೊಣ್ಣಾಳ್‌ರ ಸಂತಾನಕು ಪಗೆತನ ಉಂಟ್ ಮಾಡ್‌ವಿ. ಅಂವೊ ನೀಡ ಮಂಡೆನ ಜಜ್ಜ್‌ವ, ನೀನ್‌ ಅಂವೊಂಡ ಕಾಲ್‌ರ ಮುಡಿನ ಕಡಿಪಿಯಾಂದ್‌ ದೇವ ಎಣ್ಣ್‌ಚಿ.

ಮತ್ತಾಯ 26:24

ದೇವಡ ವಾಕ್ಯತ್‍ಲ್ ಒಳ್‌ದ್‌ನನೆಕೆ ಮನುಷ್ಯಕುಮಾರ ಚಾವ. ಆಚೇಂಗಿ ಮನುಷ್ಯಕುಮಾರನ, ಏದ್ ಮನುಷ್ಯ ಪುಡ್‍ಚಿ ಕೊಡ್‍ಪ ಅಂವೊಂಗ್ ಅಯ್ಯೋ! ಆ ಮನುಷ್ಯ ಪುಟ್ಟತೆ ಇಂಜತೇಂಗಿ ಅಂವೊಂಗ್ ನಲ್ಲದಾಯಿತ್ಂಜತ್‍ೕಂದ್ ಎಣ್ಣ್‌ಚಿ.

ಮತ್ತಾಯ 27:53

ಯೇಸು ಚಾವ್‍ಯಿಂಜ ಜೀವವಾಯಿತ್ ಎದ್ದ ಪಿಂಞ ಅಯಿಂಗೆಲ್ಲ ಪೊರಮೆ ಬಂತ್ ಪವಿತ್ರ ಪಟ್ಟಣವಾನ ಯೆರೂಸಲೇಮ್‍ರ ಒಳ್‍ಕ್ ಪೋಯಿತ್, ದುಂಬ ಜನಕ್ ಅಯಿಂಗಳ ಕಾಂಬ್‌ಚಿಟ್ಟಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:26

ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಮಹಿಮೆಪಡ್‍ವಕ್ ಮಿಂಞ ಇನ್ನನೆಲ್ಲ ಕಷ್ಟ ಅನುಬವಿಚಿಡಡೂಂದ್ ನಿಂಗಕ್ ಗೊತ್ತ್‌ಲ್ಲೆಯಾಂದ್ ಪ್ರಶ್ನೆ ಇಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:46

ಯೇಸು ಅಯಿಂಗಕ್: ದೇವ ಗೊತ್ತ್ ಮಾಡಿತ್ ಅಯಿಚ ರಾಜನಾನ ಕ್ರಿಸ್ತ ಕಷ್ಟಪಡಂಡು, ಚತ್ತಿತ್ ಮೂಂದ್ ದಿವಸ ಆನ ಪಿಂಞ ಏವಂಡೂಂದ್ ದೇವಡ ವಾಕ್ಯತ್‍ಲ್ ಉಂಡ್.

ಯೋಹಾನ 10:18

ನಾಡ ಜೀವತ್‍ನ ನನ್ನಿಂಜ ದಾರೂ ಎಡ್‌ತೊಲೆ; ನಾಕ್ ಮಾತ್ರ ನಾಡ ಜೀವತ್‍ನ ಕೊಡ್‍ಪಕ್ ಅದಿಕಾರ ಉಂಡ್, ಅದ್‍ನ ಬಯ್ಯಕ್ ಎಡ್‍ಪಕು ನಾಕ್ ಎಲ್ಲಾ ಅದಿಕಾರವು ಉಂಡ್. ಈ ಆಜ್ಞೆ ನಾಕ್ ನಾಡ ಅಪ್ಪಂಡಿಂಜ ಕ್‍ಟ್ಟ್‌ಚಿ.

ಯೋಹಾನ 11:25

ಯೇಸು ಅವಳ ನೋಟಿತ್: ನಾನೇ ಚತ್ತ್ ಪೋನಯಿಂಗಳ ಪುನಃ ಜೀವವಾಯಿತ್ ಎಪ್ಪ್‌ಚಿಡ್‌ವಕ್ ಶಕ್ತಿಯುಳ್ಳಂವೊನು, ನಾನೇ ನಿತ್ಯ ಜೀವತ್‍ನ ತಪ್ಪಂವೊನೂ ಆಯಿತುಂಡ್. ನಾಡ ಮೇಲೆ ನಂಬಿಕೆ ಇಡ್‌ವಯಿಂಗ ಚತ್ತ್ ಪೋಚೇಂಗಿಯು ಪುನಃ ಬದ್‍ಕ್‍ವ.

ಅಪೊಸ್ತಲ 13:34

ಇದ್‍ಲ್ಲತೆ, ದೇವ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಗುಂಡ್ ಅಂವೊ ಪುನಃ ಅಂವೊಂಡ ತಡೀನ ಕೀಂಜ್ ಪೋಪಕ್ ಬುಡ್‍ಲೇಂದ್ ಉಳ್ಳ ವಿಷಯತ್: ನಾನ್ ದಾವೀದಂಗ್ ವಾಗ್ದಾನ ಮಾಡ್‍ನ ಪವಿತ್ರವಾನ ಪಿಂಞ ನೇರಾನ ಆಶೀರ್ವಾದತ್‍ನ ನಿಂಗಕ್ ತಪ್ಪೀಂದ್ ದೇವ ಎಣ್ಣ್‌ಚಿ.

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ಅಪೊಸ್ತಲ 26:8

ಚತ್ತಯಿಂಗಳ ಪುನಃ ಜೀವವಾಯಿತ್ ಎಪ್ಪ್‌ವಕ್ ದೇವಕ್ ಕಯ್ಯೂಂದ್ ನಿಂಗಡಲ್ಲಿ ನಂಬ್‍ವಕ್ ಎಂತ ತಡೆ?

ಅಪೊಸ್ತಲ 3:18

ಆಚೇಂಗಿಯು, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಇನ್ನನೆ ಕಷ್ಟಪಡಂಡೂಂದ್ ದೇವ ತಾಂಡ ಎಲ್ಲಾ ಪ್ರವಾದಿಯಂಗಡ ಮೂಲಕ ಮಿಂಞಲೇ ಎಣ್ಣ್‌ನಾನ ಪೂರೈಚಿಡ್‌ವಕ್ ಇನ್ನನೆ ಮಾಡ್‍ಚಿ.

ಅಪೊಸ್ತಲ 3:24

ಸಮುವೇಲ ಎಣ್ಣುವ ಪ್ರವಾದಿರ ಕಾಲತ್ಂಜ, ಏದೆಲ್ಲಾ ಪ್ರವಾದಿಯ ಪ್ರವಾದನೆ ಎಣ್ಣ್‌ಚೋ ಅಯಿಂಗೆಲ್ಲಾ ಈ ಕಾಲತ್‍ರ ವಿಷಯತ್‍ನ ಎಣ್ಣಿತ್ಂಜತ್.

1 ಕೊರಿಂಥ 15:3

ನಾಕ್ ದೇವ ಪಡಿ‍ಪ್‍ಚಿಟ್ಟ ಮುಕ್ಯವಾನ ವಿಷಯತ್‍ನ ನಾನ್ ನಿಂಗಕ್ ಒಪ್ಪ್‌ಚಿಟ್ಟಿಯೆ. ಅದ್ ಎಂತ ಎಣ್ಣ್‌ಚೇಂಗಿ, ಕ್ರಿಸ್ತ ನಂಗಡ ಪಾಪಕ್ ಪರಿಹಾರವಾಯಿತ್ ದೇವಡ ವಾಕ್ಯ ಎಣ್ಣ್‌ನನೆಕೆ ಚತ್ತತ್.

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

ಕೊಲೊಸ್ಸೆ 1:18

ತಡಿರನೆಕೆ ಉಳ್ಳ ಸಬೇಕ್ ಅಂವೊನೇ ಮಂಡೆಯಾಯಿತ್ ಉಂಡ್, ಅಂವೊ ಎಲ್ಲಾಂಗು ಆದ್ಯವಾಯಿತ್ ಇಪ್ಪಕಾಯಿತ್, ಅಂವೊನೇ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಬಂದಂವೊ.

ಇಬ್ರಿಯ 2:10

ಎಲ್ಲಾನ ತಾಂಗಾಯಿತ್ ತಾಂಡಗುಂಡ್ ಸೃಷ್ಟಿ ಮಾಡ್‍ನಂವೊ, ದುಂಬ ಜನಳ ಮಹಿಮೆಲ್ ಕೊಂಡ್ ಬಪ್ಪನೆಕೆ ಮಾಡ್‍ಚಿ. ಅನ್ನನೆ ಅಯಿಂಗಳ ಕೊಂಡ್ ಬಪ್ಪಕ, ಅಯಿಂಗಡ ರಕ್ಷಣೆರ ನಾಯಕನಾಯಿತುಳ್ಳ ಅಂವೊಂಗ್‌ ಕಷ್ಟ ಕೊಡ್‌ತಿತ್ ಅಂವೊನ ಪೂರ್ತಿಮಾಡ್‍ವದ್ ದೇವಕ್ ಸರೀಂದ್ ಆಚಿ.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,