ಅಪೊಸ್ತಲ 26:13 - ಕೊಡವ ಬೈಬಲ್

¹³ ಓ ರಾಜನೇ, ಮಜ್ಜಣ ನೇರತ್‍ಲ್ ನಾನ್ ಪೋಯಂಡಿಂಜ ಬಟ್ಟೇಲ್, ಪರಲೋಕತ್ಂಜ ಸೂರ್ಯಂಡ ಬೊಳಿಕಿಂಜ ಬಲ್ಯದಾಯಿತ್ ಉಳ್ಳ ಒರ್ ಬೊಳಿ ನಾಡ ಸುತ್ತ್‌ಲ್ ಪಿಂಞ ನಾಡ ಕೂಡೆ ಪ್ರಯಾಣ ಮಾಡ್‍ನಯಿಂಗಡ ಸುತ್ತ್‌ಲ್ ಮಿನ್ನುವದ್‍ನ ನಾನ್ ಕಂಡಿಯೆ.

ಅಪೊಸ್ತಲ 26:13 ပူးပေါင်းရင်းမြစ်များ

ಮತ್ತಾಯ 17:2

ಅಲ್ಲಿ ಅಯಿಂಗಡ ಮಿಂಞತ್‍ಲೇ, ಯೇಸುರ ರೂಪ ಬದ್‍ಲಾಚಿ; ಅಂವೊಂಡ ಮೂಡ್ ಸೂರ್ಯಂಡನೆಕೆ ಬೊಳಿಯುವಕ್ ಸುರ್ ಆಚಿ; ಅಂವೊಂಡ ಬಟ್ಟೆ ಬಲ್ಯ ಬೊಳಿರನೆಕೆ ಬೊಳ್‍ಂದಂಡಿಂಜತ್

ಅಪೊಸ್ತಲ 22:6

ನಾನ್ ಪ್ರಯಾಣ ಮಾಡಿಯಂಡ್ ಮಜ್ಜಣತ್‍ರ ಸಮಯತ್‍ಲ್ ದಮಸ್ಕ ಪಟ್ಟಣತ್‍ರ ಪಕ್ಕ ಬಂದಂಡಿಂಜ, ಆ ಕ್ಷಣತ್‍ಲ್ ಪರಲೋಕತ್ಂಜ ಒರ್ ಬೊಳಿ ನಾಡ ಸುತ್ತ್‌ಲ್ ಮಿನ್ನ್‌ಚಿ.

ಅಪೊಸ್ತಲ 22:9

ನಾಡ ಕೂಡೆ ಇಂಜಯಿಂಗ ಬೊಳಿನ ಕಂಡತ್ ಆಚೇಂಗಿ ನಾಡ ಕೂಡೆ ತಕ್ಕ್ ಪರ್ಂದಂಡಿಂಜ ವಾಣಿನ ಕ್‍ೕಟಿತ್‌ಲ್ಲೆ.

ಅಪೊಸ್ತಲ 26:12

ಈ ಉದ್ದೇಶತ್‍ಲ್, ನಾನ್ ಮುಕ್ಯ ಯಾಜಕಂಗಡ ಅದಿಕಾರತ್‍ನ ಪಿಂಞ ಹುಕುಮ್‍ನ ಪಡ್ಂದಿತ್ ನಾನ್ ದಮಸ್ಕ ಪಟ್ಟಣತ್‍ರ ಬಟ್ಟೇಲ್ ಪೋಯಂಡಿಪ್ಪಕ,

ಅಪೊಸ್ತಲ 26:14

ನಂಗೆಲ್ಲಾರು ನೆಲಕ್ ಬೂವಕ: ಸೌಲ, ಸೌಲ, ನನ್ನ ಎನ್ನಂಗ್ ಹಿಂಸೆ ಮಾಡ್‌ವಿಯ? ಮುಳ್ಳ್ ಕೋಲ್‍ಕ್ ಎದ್‍ರಾಯಿತ್ ಚೌಟ್‌ವದ್ ನೀಕೇ ಕಷ್ಟಾಂದ್ ಅರಾಮಿಯ ಬಾಷೆಲ್ ನಾಡ ಕೂಡೆ ತಕ್ಕ್ ಪರಿವ ಒರ್‌ ವಾಣಿ ನಾಕ್ ಕ್‍ೕಟತ್.

ಅಪೊಸ್ತಲ 9:3

ಅನ್ನನೆ, ಅಂವೊ ಪ್ರಯಾಣ ಮಾಡಿಯಂಡ್ ದಮಸ್ಕ ಪಟ್ಟಣತ್‍ರ ಪಕ್ಕ ಬಂದಂಡಿಂಜ ಆ ಕ್ಷಣತ್‍ಲ್ ಪರಲೋಕತ್ಂಜ ಒರ್ ಬೊಳಿ ಅಂವೊಂಡ ಸುತ್ತ್‌ಮುತ್ತ್‌ಲ್ ಮಿನ್ನ್‌ಚಿ.

ಪ್ರಕಟನೆ 1:16

ತಾಂಡ ಬಲ್‌ತೆ ಕೈಯಿಲ್ ಏಳ್ ನಕ್ಷತ್ರತ್‍ನ ಪೊರ್‍ತಂಡ್ ಇಂಜತ್, ಅಂವೊಂಡ ಬಾಯಿಂಜ ದಂಡ್ ಪಕ್ಕವು ಚೂಪಾಯಿತುಳ್ಳ ಬಾಳ್ ಕತ್ತಿ ಪೊರಟಿತ್ ಬಾತ್; ಅಂವೊಂಡ ಮೂಡ್ ಮಜ್ಜಣತ್‍ರ ಸೂರ್ಯನೆಕೆ ಮಿನ್ನಿಯಂಡಿಂಜತ್.

ಪ್ರಕಟನೆ 21:23

ಆ ಪಟ್ಟಣಕ್ ಬೊಳಿ ಕೊಡ್‍ಪಕ್ ಸೂರ್ಯನಾಡ್ ಚಂದ್ರನಾಡ್ ಬೋಂಡ್‍ವಕಿಂಜ್‍ಲೆ; ದೇವಡ ಮಹಿಮೆಯೇ ಅದ್ಂಗ್ ಬೊಳಿಯಾಯಿತ್ಂಜತ್. ಕೊರಿಕುಟ್ಟಿಯಾನಂವೊನೇ ಅದ್ಂಗ್ ಬೊಳಕಾಯಿತ್ಂಜತ್