ಅಪೊಸ್ತಲ 26:11 - ಕೊಡವ ಬೈಬಲ್

¹¹ ಒರ್ ಸಬಾಮಂದಿರತ್ಂಜ ಇನ್ನೊಂದ್ ಸಬಾಮಂದಿರಾಂದ್ ಎಲ್ಲಾ ಸಬಾಮಂದಿರಕ್ ಪೋಯಿತ್, ನಾನ್ ಸುಮಾರ್ ಕುರಿ ಅಯಿಂಗಳ ಪೊಜ್ಜಿತ್, ದೇವ ದೂಷಣೆ ಎಣ್ಣ್‌ವಕ್ ಒತ್ತಾಯ ಮಾಡ್‍ನ; ಇದ್‍ಲ್ಲತೆ ಅಯಿಂಗಡ ಮೇಲೆ ದುಂಬ ಚೆಡಿಯುಳ್ಳಂವೊನಾಯಿತ್, ಯೆಹೂದ್ಯಂಗ ಅಲ್ಲತ ಬೋರೆ ಜಾತಿಯಂಗಡ ಪಟ್ಟಣಕತ್ತನೆ ಅಯಿಂಗಕ್ ತೊಂದರೆ ಕೊಡ್‌ತಿಯೆ.

ಅಪೊಸ್ತಲ 26:11 ပူးပေါင်းရင်းမြစ်များ

ಮತ್ತಾಯ 10:17

ಇದ್‍ಲ್ಲತೆ ಜನಡ ಕೂಡೆ ಎಚ್ಚರತ್‍ಲ್ ಇರಿ. ಅಯಿಂಗ ನಿಂಗಳ ನ್ಯಾಯಾಲಯಕ್ ಬಲ್‍ಚಂಡ್ ಪೋಯಿತ್, ಅಯಿಂಗಡ ಆಲೋಚನೆ ಸಬೇಲ್ ಒಪ್ಪ್‌ಚಿಟ್ಟಿತ್ ಅಯಿಂಗಡ ಸಬಾಮಂದಿರತ್‍ಲ್ ನಿಂಗಳ ಚಾಟಿಲ್ ಪೊಯ್ಯುವ.

ಮಾರ್ಕ 13:9

ನಿಂಗ ಎಚ್ಚರತ್‍ಲ್ ಇರಿ. ಅಯಿಂಗ ನಿಂಗಳ ನ್ಯಾಯಾಲಯಕ್ ಬಲ್‍ಚಂಡ್ ಪೋಯಿತ್ ಅಯಿಂಗಡ ಆಲೋಚನೆ ಸಬೇಲ್ ಒಪ್ಪ್‌ಚ್ಚಿಟಿತ್, ಅಯಿಂಗಡ ಸಬಾಮಂದಿರತ್‍ಲ್ ನಿಂಗಳ ಚಾಟಿಲ್ ಪೊಯ್ಯುವ, ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಮಿಂಞತ್‍ಲ್ ನಾಡ ನಲ್ಲ ಸುದ್ದಿ ಎಣ್ಣ್‌ವಕಾಯಿತ್ ನಿಪ್ಪ್‌ಚಿಡುವ.

ಮಾರ್ಕ 3:28

ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ: ಮನುಷ್ಯಂಗ ಮಾಡ್‌ವ ಏದ್ ಪಾಪಕು ಪಿಂಞ ಅಯಿಂಗ ಪರಿಯುವ ದೇವದೂಷಣೆಕು ಮನ್ನಿಪ್ ಕ್‍ಟ್ಟ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:17

ಅಕ್ಕ ಅಂವೊಂಗ್ ಬುದ್ದಿ ಬಾತ್, ನಾಡ ಅಪ್ಪಂಡ ಮನೆಲ್ ಎಚ್ಚಕೋ ಆಳ್‍ವಕ್ ಚಾಯಿತೆ ತಿಂಬಕ್ ಉಂಡ್, ನಾಡ ಕೆಲಕ್ ಒಂದು ಕ್‌ಟ್ಟಿಯಂಡಿಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:12

ಇದೆಲ್ಲ ಆಪಕಿಂಜ ಮಿಂಞ, ಈ ಲೋಕತ್‍ರ ಜನ ನನ್ನಗುಂಡ್ ನಿಂಗಳ ಪುಡ್‌ಚಿತ್, ನೊಂಬಲ ಮಾಡಿತ್, ಜೈಲ್‍ಲ್ ಇಟ್ಟಿತ್ ನಿಂಗಳ ತೀರ್ಪ್ ಮಾಡ್‌ವಕಾಯಿತ್ ಸಬಾಮಂದಿರಕ್ ಬಲ್‍ಚಂಡ್ ಪೋಪ. ಅದಲ್ಲತೆ ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಎದಿಕೆ, ಕೊಂಡ್ ಬಂದಿತ್ ನಿಪ್ಪ್‌ಚಿಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:11

ಅಯಿಂಗಕ್ ದುಂಬ ಚೆಡಿ ಬಾತ್. ಈ ಯೇಸುನ ನಂಗ ಎಂತ ಮಾಡನಾಂದ್ ಅಯಿಂಗಯಿಂಗಳೇ ಆಲೋಚನೆ ಮಾಡ್‍ಚಿ.

ಅಪೊಸ್ತಲ 13:45

ಆಚೇಂಗಿ ಯೆಹೂದ್ಯಂಗ, ಜನ ಗುಂಪ್ ಗುಂಪಾಯಿತ್ ಬಪ್ಪಾನ ಕಂಡಿತ್, ಒಟ್ಟೆಕಿಚ್ಚ್‌ಲ್ ದುಂಬಿತ್, ಪೌಲ ಎಣ್ಣುವ ತಕ್ಕ್‌ಕ್ ವಿರೋದವಾಯಿತ್ ದೂಷಣೆ ಮಾಡಿಯಂಡಿಂಜತ್.

ಅಪೊಸ್ತಲ 18:6

ಅಲ್ಲಿಯತ್‍ರ ಯೆಹೂದ್ಯಂಗ ಅಂವೊ ಎಣ್ಣ್‌ವಾನ ವಿರೋದ ಮಾಡಿತ್ ನಿಂದಂಡ್ ಕೆಟ್ಟ ತಕ್ಕ್ ಪರಿಯುವಕ, ಪೌಲ, ತಾಂಡ ಪೊರಮೆ ಇಡ್‌ವ ಬಟ್ಟೇನ ಅಯಿಂಗಕ್ ಸಾಕ್ಷಿಯಾಯಿತ್ ಕೊಡ್‍ಕಿತ್: ನಿಂಗಡ ನಾಶಕ್ ನಿಂಗಳೇ ಕಾರಣ; ನಾನ್ ಶುದ್ದ ಮನಸ್ಸ್ ಉಳ್ಳಂವೊನಾಯಿತ್ ಯೆಹೂದ್ಯಂಗಲ್ಲತ ಬೋರೆ ಜನಡ ಪಕ್ಕ ಇಕ್ಕಯಿಂಜ ಪೋಪೀಂದ್ ಎಣ್ಣ್‌ಚಿ.

ಅಪೊಸ್ತಲ 22:19

ಅದ್ಂಗ್ ನಾನ್: ಒಡೆಯನೇ, ಒರ್ ಸಬಾಮಂದಿರತ್ಂಜ ಇಂಞೊರ್ ಸಬಾಮಂದಿರಕ್ ಪೋಯಿತ್ ನಿನ್ನ ನಂಬ್‍ನಯಿಂಗಳ ನಾನ್ ಜೈಲ್‌ಕ್ ಇಟ್ಟಿತ್, ಪೊಜ್ಜಿಯೆ.

ಅಪೊಸ್ತಲ 22:5

ಇದ್ಂಗ್ ಮಹಾ ಯಾಜಕಂಗ ಪಿಂಞ ಪೆರಿಯಯಿಂಗ ಎಲ್ಲಾರು ಸಾಕ್ಷಿಯಳಾಯಿತುಂಡ್; ದಮಸ್ಕತ್‍ಲ್ ಉಳ್ಳ ಕ್ರಿಸ್ತಂಡ ಜನಕ್ ಶಿಕ್ಷೆ ಕ್‍ಟ್ಟ್‌ವನೆಕೆ, ಅಯಿಂಗಳ ಸರ್ಪಣಿಲ್ ಕೆಟ್ಟಿತ್, ಯೆರೂಸಲೇಮ್‌ಕ್ ಕೊಂಡ್ ಬಪ್ಪಕ್ ದಮಸ್ಕತ್‍ಲ್ ಉಳ್ಳ ಅಯಿಂಗಡ ಅಣ್ಣತಮ್ಮಣಂಗಕ್, ಅಯಿಂಗಳೇ ನಾಕ್ ಕಾಗದ ಕೊಡ್‍ತತ್.

ಅಪೊಸ್ತಲ 9:1

ಸೌಲ ಒಡೆಯಂಡ ಮಕ್ಕಳ ಇಂಞು ಪೋಡಿಲ್ ಬೊತ್ತ್‌ಚಿಟ್ಟಿತ್ ಕೊಲ್ಲ್‌ವಂತ ಬಲ್ಯ ಆವೇಶತ್‍ಲ್ ಇಂಜತ್, ಒಡೆಯನ ನಂಬುನಯಿಂಗಳ ಕೊಲ್ಲ್‌ವಕಾಯಿತ್ ಮಹಾ ಯಾಜಕಂಡ ಪಕ್ಕ ಪೋಚಿ.

ಯಾಕೋಬ 2:7

ನಿಂಗಡ ದೇವಡ ನಲ್ಲ ಪೆದತ್‍ನ ಪಾಳ್ ಮಾಡ್‌ವಕಾಯಿತ್ ಅಯಿಂಗತಾನೆ ದೂಷಣೆ ಮಾಡ್‌ವ?

2 ಪೇತ್ರ 2:16

ಆಚೇಂಗಿ, ಅಂವೊ ಮಾಡ್‍ನ ಅಕ್ರಮಕಾಯಿತ್ ಅಂವೊಂಗ್ ಜೋರ್ ಮಾಡ್‌ಚಿ. ತಕ್ಕ್ ಪರಿಯತ ಕತ್ತೆ, ಮನುಷ್ಯಂಡನೆಕೆ ತಕ್ಕ್ ಪರ್ಂದಿತ್, ಒರ್ ಪ್ರವಾದಿಯಾನ ಅಂವೊಂಡ ಮುಠಾಳತನತ್‍ನ ತಡ್‍ತತ್.