ಅಪೊಸ್ತಲ 26:1 - ಕೊಡವ ಬೈಬಲ್

¹ ಅಕ್ಕ ಅಗ್ರಿಪ್ಪ ಪೌಲಂಗ್: ನೀನ್ ನೀಕಾಯಿತ್ ತಕ್ಕ್ ಪರೀಂದ್ ಎಣ್ಣ್‌ಚಿ. ಅಕ್ಕ ಪೌಲ: ಕೈ ನ್‍ೕಟಿತ್ ಅಂವೊಂಗಾಯಿತ್ ವಾದ ಮಾಡ್‌ವಕ್ ಸುರು ಮಾಡ್‍ಚಿ.

ಅಪೊಸ್ತಲ 26:1 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:24

ನಾನ್‌ ನಿಂಗಳ ಕಾಕ್‌ಚೇಂಗಿಯು ನಿಂಗ ನನ್ನ ತ್‌ಕ್ಕಾರ ಮಾಡುವಿರ; ನಾನ್‌ ನಾಡ ಕೈಯಿನ ನಿಂಗಡ ಪಕ್ಕ ನ್‍ೕಟ್‌ಚೇಂಗಿಯು, ಅದ್‌ಂಗ್‌ ಎಚ್ಚರ ಎಡ್‌ಪಂವೊ ಒಬ್ಬನು ಇಲ್ಲೆ.

ಜ್ಞಾನತ್‌ರ ಪಡಿಮ 18:13

ವಿಷಯತ್‌ನ ಕ್‍ೕಪಕ್‌ ಮಿಂಞ ಜವಾಬ್ ಕೊಡ್‌ಪಂವೊಂಗ್, ಅದ್‌ ದಡ್ಡತನವು, ಞಾಣ ಕ್‍ೕಡು ಆಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 18:17

ಮಿಂಞ ವಾದ ಮಾಡುವಂವೊ ನೀತಿವಂತಂವೊಂಡನೆಕೆ ಕಾಂಬ. ಆಚೇಂಗಿ ಪ್ರತಿವಾದ ಮಾಡ್‌ವಂವೊ ಬಂದಿತ್‌ ಅಂವೊನ ಪರೀಕ್ಷೆ ಮಾಡುವ.

ಯೋಹಾನ 7:51

ಅಂವೊ: ನಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ಒರ್ ಮನುಷ್ಯನ ತೀರ್ಪ್ ಮಾಡ್‌ವಕ್ ಮಿಂಞ, ಅಂವೊ ಎಂತ ಮಾಡ್‍ಚೀಂದ್ ಅಂವೊಂಡ ತಕ್ಕ್‌ನ ಕ್‍ೕಕಂಡೂಂದ್ ನಂಗಡ ಕಾನೂನ್‌ಲ್ ಉಂಡಲ್ಲಾಂದ್ ಕ್‍ೕಟತ್.

ಅಪೊಸ್ತಲ 22:1

ಅಣ್ಣತಮ್ಮಣಂಗಳೇ, ಅಪ್ಪಂಗಳೇ, ಇಕ್ಕ ನಾನ್ ನಿಂಗಕ್ ನಾಕಾಯಿತ್ ಎಣ್ಣ್‌ವ ನ್ಯಾಯತ್‍ನ ಕ್‍ೕಳೀಂದ್ ಜೋರಾಯಿತ್ ಎಣ್ಣ್‌ಚಿ.

ಅಪೊಸ್ತಲ 25:16

ಅದ್ಂಗ್ ನಾನ್ ಅಯಿಂಗಕ್: ಒಬ್ಬಂಡ ಮೇಲೆ ಬೋರೆ ಒಬ್ಬ ಕುತ್ತ ಪರ್ಂದಿತ್, ನ್ಯಾಯಸಬೇಕ್ ಬಪ್ಪಕ, ದಾಡ ಮೇಲೆ ಕುತ್ತ ಪರ್ಂದಿತೋ ಅಂವೊಂಗ್ ತಾಂಡ ಮೇಲೆ ಎಣ್ಣ್‌ವ ಕುತ್ತಕ್ ಜವಾಬ್ ಕೊಡ್‍ಪಕ್ ಅವಕಾಶ ಕೊಡ್‍ಪಕ್ ಮಿಂಞ, ಅಂವೊನ ಮರಣ ದಂಡೆನೆಕ್ ಒಪ್ಪ್‌ಚಿಡ್‍ವದ್ ರೋಮ್ ರಾಜ್ಯತ್‍ರ ಪದ್ದತಿ ಅಲ್ಲಾಂದ್ ಎಣ್ಣ್‌ನ.

ಅಪೊಸ್ತಲ 25:27

ಒರ್ ಜೈಲ್ ಕೈದಿನ ಚಕ್ರವರ್ತಿರ ನ್ಯಾಯಸಬೇಕ್ ಅಯಿಪಕ, ದೃಡವಾನ ವಿಷಯ ಒಂದು ಇಲ್ಲತೆ ಅಯಿಪದ್ ಸರಿಯಲ್ಲಾಂದ್ ನಾಕ್ ಗೊತ್ತುಂಡ್.

ಅಪೊಸ್ತಲ 26:2

ಅಗ್ರಿಪ್ಪ ರಾಜನೇ, ಯೆಹೂದ್ಯಂಗ ನಾಡ ಮೇಲೆ ಪರಿಯುವ ಎಲ್ಲಾ ಕುತ್ತಕ್, ನಾನ್ ಈ ದಿವಸ ನಿಂಗಡ ಮಿಂಞತ್‍ಲ್ ನಾಕಾಯಿತ್ ಉತ್ತರ ಕೊಡ್‍ಪಕುಳ್ಳಗುಂಡ್, ನನ್ನ ಆಶೀರ್ವಾದ ಪಡ್ಂದವೋಂದ್ ನಾನ್ ಗೇನ ಮಾಡ್‌ವಿ.

ಅಪೊಸ್ತಲ 9:15

ಆಚೇಂಗಿ ಒಡೆಯ ಅಂವೊಂಗ್: ನೀನ್ ಪೋ; ಎನ್ನಂಗೆಣ್ಣ್‌ಚೇಂಗಿ ಆ ಮನುಷ್ಯನ ಯೆಹೂದ್ಯರಲ್ಲತ ಜನಕು ರಾಜಂಗಕೂ ಪಿಂಞ ಇಸ್ರಾಯೇಲ್ ಜನಾಂಗಕು ನಾಡ ಪೆದತ್‍ನ ಅರಿಚಿಡ್‍ವಕಾಯಿತ್ ನಾನ್ ಆಯ್ಕೆ ಮಾಡ್‍ನ ಪಾತ್ರವಾಯಿತುಂಡ್.

ರೋಮ್ 10:21

ಆಚೇಂಗಿ, ಇಸ್ರಾಯೇಲ್ ಜನಡ ವಿಷಯತ್: ದೇವಕ್ ಬಗ್ಗ್‌ಚಿಡತಯಿಂಗಳು, ಎದ್‍ರ್ ತಕ್ಕ್ ಪರಿಯುವಯಿಂಗಳಾಯಿತ್ ಉಳ್ಳ ಅಯಿಂಗಕಾಯಿತ್, ಅಯಿಂಗಳ ಸ್ವೀಕಾರ ಮಾಡ್‌ವಕಾಯಿತ್, ದಿನ ಪೂರ್ತಿ ನಾಡ ಕೈಯಿನ ನ್‍ೕಟಿತ್ ಪಾರಕಾತಂಡ್ ಇಂಜಿಯೇಂದ್ ಅಂವೊ ಇಂಞು ಎಣ್ಣ್‌ಚಿ.