ಅಪೊಸ್ತಲ 25:9 - ಕೊಡವ ಬೈಬಲ್

⁹ ಅಕ್ಕ ಫೆಸ್ತ ಯೆಹೂದ್ಯಂಗಡ ದಯೇನ ಸಂಪಾದನೆ ಮಾಡ್‌ವಕಾಯಿತ್ ಪೌಲಂಡ ಪಕ್ಕ: ನೀನ್ ಯೆರೂಸಲೇಮ್‌ಕ್ ಪೋಯಿತ್ ಅಲ್ಲಿ ಈ ಕಾರ್ಯತ್‍ನೆಲ್ಲ ನಾಡ ಮಿಂಞತ್‍ಲ್ ವಿಚಾರಣೆ ಮಾಡ್‌ವಕ್ ನೀಕ್ ಕುಶಿಯಾಂದ್ ಕ್‍ೕಟತ್.

ಅಪೊಸ್ತಲ 25:9 ပူးပေါင်းရင်းမြစ်များ

ಮಾರ್ಕ 15:15

ಅಕ್ಕ ಪಿಲಾತ: ಜನಳ ಕುಶಿಪಡುತ್‌ವಕಾಯಿತ್, ಬರಬ್ಬನ ಅಯಿಂಗಕ್ ಬುಡ್‌ತಿತ್, ಯೇಸುನ ಕೊರಡ್‍ಲ್ ಪೊಜ್ಜಿತ್ ಶಿಲುಬೇಲ್ ಇಡ್‌ವಕ್ ಒಪ್ಪ್‌ಚಿಟ್ಟತ್.

ಅಪೊಸ್ತಲ 12:3

ಈ ವಿಷಯ ಯೆಹೂದ್ಯಂಗಳ ಎಚ್ಚಕ್ ಕುಶಿಪಡ್‍ತ್‍ಚೀಂದ್ ಗೊತ್ತಾನ ಪಿಂಞ ಪೇತ್ರನ ಕೂಡೆ ಪುಡಿಪಕ್ ಮಿಂಞಕ್ ಪೋಚಿ. ಅಕ್ಕ ಪಸ್ಕ ನಮ್ಮೆರ ಕಾಲವಾಯಿತ್ಂಜತ್.

ಅಪೊಸ್ತಲ 24:27

ಇನ್ನನೆ ದಂಡ್ ಕಾಲ ಕಯಿಂಜಿರ್‌ತ್. ಫೇಲಿಕ್ಸಂಡ ಸ್ತಾನಕ್ ಪೋರ್ಕಿಯ ಫೆಸ್ತ ಎಣ್ಣ್‌ವಂವೊ ಬಾತ್; ಅಕ್ಕ, ಫೇಲಿಕ್ಸ ಯೆಹೂದ್ಯಂಗಡ ದಯೇನ, ಸಂಪಾದನೆ ಮಾಡ್‌ವಕಾಯಿತ್, ಪೌಲನ ಅನ್ನನೆ ಜೈಲ್‍ಲ್ಲೆ ಬುಟ್ಟಿತ್ ಪೋಚಿ.

ಅಪೊಸ್ತಲ 25:20

ಇಂತ ಒರ್ ವಿಷಯತ್‍ನ ನಾಕ್ ಚಾಯಿತೆ ವಿಚಾರಣೆ ಮಾಡ್‌ವಕ್ ಕಯ್ಯತಗುಂಡ್, ನೀನ್ ಯೆರೂಸಲೇಮ್‌ಕ್ ಪೋಯಿತ್ ಅಲ್ಲಿ ಇದ್ಂಡ ವಿಷಯತ್‍ಲ್ ವಿಚಾರಣೆ ಮಾಡ್‌ವಕ್ ನೀಕ್ ಮನಸ್ಸ್ ಉಂಡಾಂದ್ ನಾನ್ ಕ್‍ೕಟ.

ಅಪೊಸ್ತಲ 25:3

ಅಯಿಂಗಡ ಮೇಲೆ ದಯೆ ಕಾಟ್‌ವದಾಚೇಂಗಿ, ಪೌಲನ ಬೆರಿಯ ಯೆರೂಸಲೇಮ್‌ಕ್ ಕಾಕಿಯಂಡ್ ಬರಂಡೂಂದ್ ಬೋಡ್‍ಚಿ. ಎನ್ನಂಗೆಣ್ಣ್‌ಚೇಂಗಿ, ಪೌಲನ ಯೆರೂಸಲೇಮ್‌ಕ್ ಕಾಕಿಯಂಡ್ ಬಪ್ಪಕ, ಬಟ್ಟೇಲ್ ಅಂವೊನ ಕೊಲ್ಲಂಡೂಂದ್ ಆಲೋಚನೆ ಮಾಡಿತ್ ತೀರ್ಮಾನ ಮಾಡಿತ್ಂಜತ್.