ಅಪೊಸ್ತಲ 25:6 - ಕೊಡವ ಬೈಬಲ್

⁶ ಫೆಸ್ತ ಅಯಿಂಗಡ ಕೂಡೆ ಎಟ್ಟ್ ಪತ್ತ್ ದಿವಸ ಒಳಿಂಜಿತ್ ಕೈಸರೈಯಕ್ ಪೋಚಿ. ಪಿತ್ಯಾಂದ್ ನ್ಯಾಯ ಸಬೇನ ಕಾಕಿತ್, ನ್ಯಾಯಾಸ್ತಾನತ್‍ಲ್ ಅಳ್‌ತಿತ್, ಪೌಲನ ಕಾಕಿಯಂಡ್ ಬಪ್ಪಕ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 25:6 ပူးပေါင်းရင်းမြစ်များ

ಮತ್ತಾಯ 27:19

ಪಿಲಾತ, ನ್ಯಾಯತೀರ್ಪ್ ಕೊಡ್‍ಪ ಜಾಗತ್‍ಲ್ ಅಳ್‌ತಿತ್ ಇಪ್ಪಕ ಪಿಲಾತಂಡ ಪೊಣ್ಣ್ ಅಂವೊಂಗ್: ನೀನ್ ಆ ನೀತಿವಂತಂವೊನ ಒಂದು ಮಾಡತೆ; ಎನ್ನಂಗೆಣ್ಣ್‌ಚೇಂಗಿ ನಿನ್ನಾಂದ್ ಬಯಿಟ್ ಅಂವೊಂಡ ವಿಷಯತ್ ಸ್ವಪ್ನತ್‌ಲ್ ದುಂಬ ಕಷ್ಟಪಟ್ಟಿಯೇಂದ್ ಸುದ್ದಿ ಅಯಿಚತ್.

ಯೋಹಾನ 19:13

ಪಿಲಾತ ಇದ್‍ನ ಕ್‍ೕಟದು, ಅಂವೊ ಯೇಸುನ ಪೊರಮೆ ಕಾಕಿಯಂಡ್ ಪೋಯಿತ್, ಅಂವೊ ನ್ಯಾಯತೀರ್ಪ್ ಕೊಡ್‍ಪಕ್ ಅಳ್‌ಪ, ಗಬ್ಬಥಾ ಎಣ್ಣಿಯಂಡ್ ಅರಾಮಿಯ ತಕ್ಕ್‌ಲ್ ಕಾಕುವ ಕಲ್ಲ್ ಇಟ್ಟಿತುಳ್ಳ ವೇದಿಕೆರ ಮೇಲೆ ಅಳ್‌ತತ್.

ಅಪೊಸ್ತಲ 25:1

ಫೆಸ್ತ, ಯೆಹೂದ್ಯ ಪ್ರಾಂತ್ಯತ್‍ರ ಅದಿಪತಿಯಾಯಿತ್ ಕೈಸರೈಯ ಪಟ್ಟಣಕ್ ಬಂದಿತ್ ಮೂಂದ್ ದಿನ ಆನ ಪಿಂಞ ಯೆರೂಸಲೇಮ್‌ಕ್ ಪೋಚಿ.

ಅಪೊಸ್ತಲ 25:10

ಅದ್ಂಗ್ ಪೌಲ: ನಾನ್ ಇಕ್ಕ ಕೈಸರಂಡ ನ್ಯಾಯಾಸ್ತಾನತ್‍ರ ಮಿಂಞ ನಿಂದಂಡುಂಡ್; ಇಲ್ಲಿಯೇ ನಾಡ ವಿಚಾರಣೆ ಆಂಡು. ಯೆಹೂದ್ಯಂಗಕ್ ನಾನ್ ಅನ್ಯಾಯ ಮಾಡಿತ್‌ಲ್ಲೆ; ಅದ್ ನಿಂಗಕು ಚಾಯಿತೆ ಗೊತ್ತುಂಡ್.

ಅಪೊಸ್ತಲ 25:17

ಅಯಿಂಗ ನಾಡ ಕೂಡೆ ಇಲ್ಲಿಕ್ ಬಪ್ಪಕ ನಾನ್ ತಡೆಮಾಡತೆ ಪಿತ್ಯಾಂದ್, ನ್ಯಾಯಾಸಬೇಲ್ ಅಳ್‌ತಂಡ್, ಆ ಮನುಷ್ಯನ ಕಾಕಿಯಂಡ್ ಬಪ್ಪಕ್ ಹುಕುಮ್ ತಂದಿಯೆ.

ಅಪೊಸ್ತಲ 25:4

ಅದ್ಂಗ್ ಫೆಸ್ತ: ಪೌಲನ ಕೈಸರೈತ್‍ಲ್ ಜೈಲ್‍ಲ್ ಬೆಚ್ಚಿತುಂಡ್; ನಾನ್ ಅಲ್ಲಿಕ್ ಬೆರಿಯ ಪೋಯಂಡುಳ್ಳ್‌ೕಂದ್ ಎಣ್ಣ್‌ಚಿ.

ಅಪೊಸ್ತಲ 25:5

ಆನಗುಂಡ್, ನಿಂಗಡ ಪಕ್ಕ ಉಳ್ಳ ಮುಕ್ಯಪಟ್ಟಯಿಂಗ ನಾಡ ಕೂಡೆ ಬರಡ್, ಅಲ್ಲಿ ಬಂದಿತ್, ಆ ಮನುಷ್ಯಂಡ ಮೇಲೆ ತಪ್ಪ್ ಎಂತಾಚು ಇಂಜತೇಂಗಿ ಆ ಕುತ್ತತ್‍ನ ಅಂವೊಂಡ ಮೇಲೆ ಎಣ್ಣಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 8:40

ಪಿಂಞ ಫಿಲಿಪ್ಪಂಗ್ ತಾನ್ ಅಜೋತ ಎಣ್ಣುವ ಜಾಗತ್‍ಲ್ ಉಂಡ್‍ೕಂದ್ ಗೊತ್ತಾಚಿ. ಅಲ್ಲಿಂಜ ಕೈಸರೈ ಪಟ್ಟಣಕ್ ಬಪ್ಪಕತ್ತನೆ, ಬಟ್ಟೇಲ್ ಇಂಜ ಎಲ್ಲಾ ಪಟ್ಟಣತ್‍ಲ್ ಯೇಸುರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್ ಪೋಚಿ.

2 ಕೊರಿಂಥ 5:10

ಎನ್ನಂಗೆಣ್ಣ್‌ಚೇಂಗಿ, ಒಬ್ಬೊಬ್ಬನು ತಡೀಲ್ ಮಾಡ್‍ನ ನಲ್ಲದಾಡ್ ಕೆಟ್ಟದಾಡ್, ಅದ್ಂಡ ತಕ್ಕ ಫಲ ಕ್‍ಟ್ಟ್‌ವಕಾಯಿತ್ ಕ್ರಿಸ್ತಂಡ ನ್ಯಾಯಾಸ್ತಾನತ್‍ರ ಮಿಂಞ ನಿಕ್ಕಂಡು.

ಯಾಕೋಬ 2:6

ಆಚೇಂಗಿ ನಿಂಗ ಬಡವಯಿಂಗಳ ಅಲ್ಲಗೆಳದಿತುಳ್ಳಿರ. ಐಶ್ವರ್ಯವಂತಯಿಂಗತಾನೆ ನಿಂಗಳ ಮೋಸ ಮಾಡ್‌ವಯಿಂಗ? ಅಯಿಂಗತಾನೆ ನಿಂಗಳ ನ್ಯಾಯ ತೀರ್ಪ್‌ರ ಜಾಗಕ್ ಬಲ್‍ಚಂಡ್ ಪೋಪ?