ಅಪೊಸ್ತಲ 25:5 - ಕೊಡವ ಬೈಬಲ್

⁵ ಆನಗುಂಡ್, ನಿಂಗಡ ಪಕ್ಕ ಉಳ್ಳ ಮುಕ್ಯಪಟ್ಟಯಿಂಗ ನಾಡ ಕೂಡೆ ಬರಡ್, ಅಲ್ಲಿ ಬಂದಿತ್, ಆ ಮನುಷ್ಯಂಡ ಮೇಲೆ ತಪ್ಪ್ ಎಂತಾಚು ಇಂಜತೇಂಗಿ ಆ ಕುತ್ತತ್‍ನ ಅಂವೊಂಡ ಮೇಲೆ ಎಣ್ಣಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 25:5 ပူးပေါင်းရင်းမြစ်များ

ಅಪೊಸ್ತಲ 18:14

ಪೌಲ ಪ್ರತಿವಾದ ಮಾಡ್‌ವಕ್ ಸುರು ಮಾಡ್‌ವಕ, ಗಲ್ಲಿಯೋನ ಯೆಹೂದ್ಯಂಗಳ ನೋಟಿತ್: ನಿಂಗ ಕುತ್ತ ಪರಿಯುವ ವಿಷಯ ಒರ್ ಅನ್ಯಾಯ ಕಾರ್ಯವಾಯಿತೋ ಅಥವ ನ್ಯಾಯಪ್ರಮಾಣಕ್ ವಿರೋದವಾನ ಪಾಪವಾಯಿತೋ ಇಂಜತೇಂಗಿ, ನಾನ್ ವಿಚಾರಣೆ ಮಾಡ್‍ವಕಿಂಜ್.

ಅಪೊಸ್ತಲ 23:30

ಯೆಹೂದ್ಯಂಗ ಈ ಮನುಷ್ಯನ ಕೊಲ್ಲ್‌ವಕ್ ಚದಿ ಮಾಡಿತುಂಡ್‍ೕಂದ್ ನಾಕ್ ಗೊತ್ತಾನ ಒಡನೆ, ನಾನ್ ಇಂವೊನ ನಿಂಗಡ ಪಕ್ಕ ಅಯಿಚಿಯೆ; ಇಂವೊಂಡ ಮೇಲೆ ಕುತ್ತ ಪರ್ಂದಿತ್, ಅಂವೊಂಗ್ ವಿರೋದವಾಯಿತ್ ಎಣ್ಣುವಾನ ನಿಂಗಡ ಮಿಂಞತ್ ಎಣ್ಣಂಡೂಂದ್ ಅಯಿಂಗಕು ಸಹ ಅಪ್ಪಣೆ ಕೊಡ್‌ತಿಯೇಂದ್ ಉಳ್ಳದೇ.

ಅಪೊಸ್ತಲ 24:8

ಇಂವೊಂಡ ಮೇಲೆ ಕುತ್ತ ಪರಿಯುವಯಿಂಗ ನಿಂಗಡ ಪಕ್ಕ ಬಪ್ಪಕ್ ಹುಕುಮ್ ಕೊಡ್‍ತತ್. ನಿಂಗ ಇಂವೊನ ಚಾಯಿತೆ ವಿಚಾರಣೆ ಮಾಡ್‍ಚೇಂಗಿ, ನಂಗ ಇಂವೊಂಡ ಮೇಲೆ ಎಣ್ಣುವ ಕುತ್ತ ಎಲ್ಲಾ ನೇರ್‍ೕಂದ್ ನಿಂಗಕೇ ಗೊತ್ತಾಪಾಂದ್ ಎಣ್ಣ್‌ಚಿ.

ಅಪೊಸ್ತಲ 25:16

ಅದ್ಂಗ್ ನಾನ್ ಅಯಿಂಗಕ್: ಒಬ್ಬಂಡ ಮೇಲೆ ಬೋರೆ ಒಬ್ಬ ಕುತ್ತ ಪರ್ಂದಿತ್, ನ್ಯಾಯಸಬೇಕ್ ಬಪ್ಪಕ, ದಾಡ ಮೇಲೆ ಕುತ್ತ ಪರ್ಂದಿತೋ ಅಂವೊಂಗ್ ತಾಂಡ ಮೇಲೆ ಎಣ್ಣ್‌ವ ಕುತ್ತಕ್ ಜವಾಬ್ ಕೊಡ್‍ಪಕ್ ಅವಕಾಶ ಕೊಡ್‍ಪಕ್ ಮಿಂಞ, ಅಂವೊನ ಮರಣ ದಂಡೆನೆಕ್ ಒಪ್ಪ್‌ಚಿಡ್‍ವದ್ ರೋಮ್ ರಾಜ್ಯತ್‍ರ ಪದ್ದತಿ ಅಲ್ಲಾಂದ್ ಎಣ್ಣ್‌ನ.

ಅಪೊಸ್ತಲ 25:25

ಇಂವೊ ಮರಣ ಶಿಕ್ಷೆಕ್ ಕಾರಣವಾಯಿತ್ ಒಂದು ಮಾಡಿತ್‌ಲ್ಲೇಂದ್ ನಾಕ್ ಗೊತ್ತಾಚಿ. ಆಚೇಂಗಿ, ಇಂವೊ ಚಕ್ರವರ್ತಿರ ಪಕ್ಕ ನ್ಯಾಯಕಾಯಿತ್ ನಿಪ್ಪಕ್ ಬೋಡ್‍ನಗುಂಡ್ ಇಂವೊನ ಅಯಿಪಕ್ ತೀರ್ಮಾನ ಮಾಡಿಯೆ.

ಅಪೊಸ್ತಲ 25:4

ಅದ್ಂಗ್ ಫೆಸ್ತ: ಪೌಲನ ಕೈಸರೈತ್‍ಲ್ ಜೈಲ್‍ಲ್ ಬೆಚ್ಚಿತುಂಡ್; ನಾನ್ ಅಲ್ಲಿಕ್ ಬೆರಿಯ ಪೋಯಂಡುಳ್ಳ್‌ೕಂದ್ ಎಣ್ಣ್‌ಚಿ.

ಅಪೊಸ್ತಲ 25:6

ಫೆಸ್ತ ಅಯಿಂಗಡ ಕೂಡೆ ಎಟ್ಟ್ ಪತ್ತ್ ದಿವಸ ಒಳಿಂಜಿತ್ ಕೈಸರೈಯಕ್ ಪೋಚಿ. ಪಿತ್ಯಾಂದ್ ನ್ಯಾಯ ಸಬೇನ ಕಾಕಿತ್, ನ್ಯಾಯಾಸ್ತಾನತ್‍ಲ್ ಅಳ್‌ತಿತ್, ಪೌಲನ ಕಾಕಿಯಂಡ್ ಬಪ್ಪಕ್ ಹುಕುಮ್ ಕೊಡ್‍ತತ್.