ಅಪೊಸ್ತಲ 25:25 - ಕೊಡವ ಬೈಬಲ್

²⁵ ಇಂವೊ ಮರಣ ಶಿಕ್ಷೆಕ್ ಕಾರಣವಾಯಿತ್ ಒಂದು ಮಾಡಿತ್‌ಲ್ಲೇಂದ್ ನಾಕ್ ಗೊತ್ತಾಚಿ. ಆಚೇಂಗಿ, ಇಂವೊ ಚಕ್ರವರ್ತಿರ ಪಕ್ಕ ನ್ಯಾಯಕಾಯಿತ್ ನಿಪ್ಪಕ್ ಬೋಡ್‍ನಗುಂಡ್ ಇಂವೊನ ಅಯಿಪಕ್ ತೀರ್ಮಾನ ಮಾಡಿಯೆ.

ಅಪೊಸ್ತಲ 25:25 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:14

ಇಂವೊ ಜನಳ ಕಲಹ ಮಾಡಂಡೂಂದ್ ಪಾಳ್ ಬಟ್ಟೇಕ್ ಕಾಕಿಯಂಡ್ ಪೋಯಂಡ್ ಉಂಡ್‍ೕಂದ್ ಎಣ್ಣಿರಲ್ಲ, ಆಚೇಂಗಿ ಇಂವೊಂಗ್ ನಾನ್ ನಿಂಗಡ ಮಿಂಞತ್‍ಲ್ ಪ್ರಶ್ನೆ ಇಟ್ಟಿಯೆ, ಅಂತು ನಿಂಗ ಇಂವೊ ಇಂತದೆಲ್ಲ ಮಾಡ್‍ಚೀಂದ್ ಕುತ್ತಪರ್ಂದನೆಕೆ ನಾನ್ ಇಂವೊಂಡ ಮೇಲೆ ಒರ್ ತಪ್ಪು ಕಂಡ್‌ಪುಡಿಪಕ್ ಕಯಿಂಜಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:4

ಅಕ್ಕ ಪಿಲಾತ: ಮುಕ್ಯ ಯಾಜಕಂಗಕು ಪಿಂಞ ಜನಡ ಗುಂಪ್‌ಕು, ನಾನ್ ಅಂವೊನ ತೀರ್ಪ್ ಮಾಡ್‌ವಕ್, ಅಂವೊಂಡ ಮೇಲೆ ಒರ್ ತಪ್ಪು ಕಾಂಬ್‍ಲೇಂದ್ ಎಣ್ಣ್‌ಚಿ.

ಯೋಹಾನ 18:38

ಅಕ್ಕ ಪಿಲಾತ ಯೇಸುನ ನೋಟಿತ್: ಅನ್ನನಾಚೇಂಗಿ ಸತ್ಯ ಎಣ್ಣುವದ್ ಎಂತ್‍ೕಂದ್ ಕ್‍ೕಟತ್. ಇನ್ನನೆ ಎಣ್ಣಿತಾನ ಪಿಂಞ ಪಿಲಾತ, ಪೊರಮೆ ನಿಂದಂಡಿಂಜ ಯೆಹೂದ್ಯ ಅದಿಕಾರಿಯಂಗಡ ಪಕ್ಕ ಬಂದಿತ್: ನಾನ್ ಅಂವೊಂಡ ಪಕ್ಕ ಒರ್ ತಪ್ಪು ಕಾಂಬ್‌ಲೇಂದ್‌ ಎಣ್ಣ್‌ಚಿ.

ಅಪೊಸ್ತಲ 23:29

ಅಲ್ಲಿ ಅಯಿಂಗ ತಂಗಡ ನ್ಯಾಯಪ್ರಮಾಣತ್‍ರ ವಿಷಯತ್‍ಲ್ ಇಂವೊಂಡ ಮೇಲೆ ಕುತ್ತ ಪರ್ಂದದಲ್ಲತೆ, ಮರಣ ದಂಡನೆಕ್ ಅಥವ ಜೈಲ್‍ಲ್ ಇಡ್‍ವಕುಳ್ಳ ಏದ್ ತಪ್ಪು ಇಂವೊಂಡ ಮೇಲೆ ಇಲ್ಲೇಂದ್ ನಾಕ್ ಗೊತ್ತಾಚಿ.

ಅಪೊಸ್ತಲ 23:9

ಅಕ್ಕ, ಅಲ್ಲಿ ಬಲ್ಯ ಗಲಾಟೆ ಆಚಿ. ಫರಿಸಾಯಂಗಡ ಪಕ್ಷಕಾರಳಾನ ಚೆನ್ನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಎದ್ದಿತ್: ಈ ಮನುಷ್ಯಂಡ ಮೇಲೆ ನಂಗ ಒರ್ ತಪ್ಪು ಕಾಂಬುಲೆ; ಒರ್ ಆತ್ಮ ಅಥವ ಒರ್ ದೇವದೂತ ಅಂವೊಂಡ ಕೂಡೆ ತಕ್ಕ್ ಪರ್ಂದಿತಿಕ್ಕೂಂದ್ ಆವೇಶತ್ ತರ್ಕ ಮಾಡ್‍ಚಿ.

ಅಪೊಸ್ತಲ 25:26

ಆಚೇಂಗಿ, ಇಂವೊಂಡ ವಿಷಯತ್‍ಲ್ ಚಕ್ರವರ್ತಿರ ಗೌರವಕ್ ಯೋಗ್ಯವಾಯಿತ್ ಒಳ್‍ದ್‍ವಕ್ ದೃಡವಾಯಿತ್ ಒಂದು ಇಲ್ಲೆ. ಆನಗುಂಡ್, ಚಕ್ರವರ್ತಿಕ್ ದೃಡವಾಯಿತ್ ಎಂತಾಂಚು ಒಳ್‍ದ್‌ವಕಾಯಿತ್, ಇಂವೊನ ನಿಂಗಡ ಮಿಂಞ ಮುಕ್ಯವಾಯಿತ್ ಅಗ್ರಿಪ್ಪ ರಾಜನೇ ನೀಡ ಮಿಂಞಕ್ ವಿಚಾರಣೆಕ್ ಕೊಂಡ್ ಬಂದಿಯೆ.

ಅಪೊಸ್ತಲ 26:31

ಅಲ್ಲಿಯಿಂಜ ಪೋಯಂಡಿಪ್ಪಕ, ಈ ಮನುಷ್ಯ ಮರಣ ಶಿಕ್ಷೆಕಾಡ್, ಜೈಲ್‍ಲ್ ಇಡ್‍ವಕಾಡ್ ತಕ್ಕಂತ ಒರ್ ಕುತ್ತವು ಮಾಡಿತ್‌ಲ್ಲೇಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಅಪೊಸ್ತಲ 27:1

ನಂಗ ಸಮುದ್ರ ಮಾರ್ಗವಾಯಿತ್ ಇತಾಲ್ಯ ದೇಶಕ್ ಪೋಕಂಡೂಂದ್ ತೀರ್ಮಾನ ಮಾಡ್‍ನ ಪಿಂಞ ಔಗುಸ್ತ ಎಣ್ಣುವ ಚಕ್ರವರ್ತಿರ ಪೆದ ಉಳ್ಳ ಪಟಾಲತ್‍ರ ನೂರ್ ಸಿಪಾಯಿಯಂಗಡ ಅದಿಕಾರಿಯಾನ ಯೂಲ್ಯ ಎಣ್ಣ್‌ವಂವೊಂಡ ಪಕ್ಕ ಪೌಲ ಪಿಂಞ ಅಂವೊಂಡ ಕೂಡೆ ಇಂಜ ಚೆನ್ನ ಕೈದಿಯಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 28:18

ಅಯಿಂಗ ನನ್ನ ವಿಚಾರಣೆ ಮಾಡಿತ್, ನಾಡ ಪಕ್ಕ ಮರಣ ದಂಡನೆಕ್ ಒರ್ ಕಾರಣವು ಇಲ್ಲತೆಗುಂಡ್, ನನ್ನ ಬುಡ್‌ತ್‌ವಕ್ ನೋಟ್‌ಚಿ.