ಅಪೊಸ್ತಲ 25:2 - ಕೊಡವ ಬೈಬಲ್

² ಅಲ್ಲಿ ಮುಕ್ಯ ಯಾಜಕಂಗ ಪಿಂಞ ಯೆಹೂದ್ಯಂಗಡಡೆ‍ಲ್ ಮೂಕ್ಯಪಟ್ಟಯಿಂಗಳು ಅಂವೊಂಡ ಪಕ್ಕ ಬಂದಿತ್, ಪೌಲಂಗ್ ವಿರೋದವಾಯಿತ್, ಪುಕಾರ್ ಕೊಡ್‌ತಿತ್ ವಾದ ಮಾಡ್‍ಚಿ.

ಅಪೊಸ್ತಲ 25:2 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 4:16

ಎನ್ನಂಗೆಣ್ಣ್‌ಚೇಂಗಿ, ಕ್‍ೕಡ್‌ ಮಾಡ್‌ವಯಿಂಗಕ್‌ ಕ್‍ೕಡ್‌ ಮಾಡತೆ ವರ್‌ಕ್‌ ಬಪ್ಪುಲೆ; ದಾರ್‌ನಾಚೇಂಗಿ ಬೂವಕ್‌ ಮಾಡ್‌ವಕತ್ತನೆ ಅಯಿಂಗಕ್‌ ಆರಾಮ್‌ಲ್‌ ವರ್ವಕ್‌ ಕಯ್ಯುಲೆ.

ಅಪೊಸ್ತಲ 24:1

ಅಂಜ್ ದಿವಸ ಆನ ಪಿಂಞ ಮಹಾ ಯಾಜಕನಾನ ಅನನೀಯ ಆಲೋಚನೆ ಸಬೆರ ಪೆರಿಯಯಿಂಗ ಪಿಂಞ ತೆರ್ತುಲ್ಲ ಎಣ್ಣ್‌ವ ಒರ್ ವಕೀಲನ ಕಾಕಿಯಂಡ್, ಕೈಸರೈ ಪಟ್ಟಣತ್‍ಲ್ ಇಂಜ ದೇಶಾದಿಪತಿರ ಪಕ್ಕ ಪೋಯಿತ್, ಪೌಲಂಗ್ ವಿರೋದವಾಯಿತ್ ಪುಕಾರ್ ಕೊಡ್‍ಪಕ್ ತೀರ್ಮಾನ ಮಾಡ್‍ಚಿ.

ಅಪೊಸ್ತಲ 25:15

ನಾನ್ ಯೆರೂಸಲೇಮ್‌ಕ್ ಪೋಪಕ ಯೆಹೂದ್ಯಂಗಡ ಮುಕ್ಯ ಯಾಜಕಂಗಳು, ಆಲೋಚನೆ ಸಬೆರ ಪೆರಿಯಯಿಂಗಳು ಇಂವೊಂಡ ವಿಷಯತ್‍ನ ಎಣ್ಣಿತ್ ಅಂವೊಂಗ್ ವಿರೋದವಾಯಿತ್ ತೀರ್‌ಪ್‌ ಮಾಡಂಡೂಂದ್ ಬೋಡಿಯಂಡತ್.

ಅಪೊಸ್ತಲ 25:24

ಅಕ್ಕ ಫೆಸ್ತ: ಅಗ್ರಿಪ್ಪ ರಾಜನೇ, ನಂಗಡ ಕೂಡೆ ಇಲ್ಲಿಕ್ ಬಂದಿತುಳ್ಳ ಎಲ್ಲಾ ಜನಳೇ, ಈ ಮನುಷ್ಯನ ನೋಟಿಯಂಡ್ ಉಳ್ಳಿರಲ್ಲ, ಇಂವೊಂಡ ವಿಷಯತ್‍ಲ್ ಯೆಹೂದ್ಯಂಗೆಲ್ಲಾರೂ ಇಂವೊ ಇಂಞು ಮಿಂಞಕ್ ಬದ್‍ಕ್‍ವಕ್ ಆಗಾಂದ್ ಕೂತ್ ಕೊಡ್‌ತಂಡ್ ಯೆರೂಸಲೇಮ್‍ಲು ಇಲ್ಲಿಯು ನನ್ನ ಬೋಡಿಯಂಡತ್.

ಅಪೊಸ್ತಲ 28:17

ಮೂಂದ್ ದಿವಸ ಕಯಿಂಜ ಪಿಂಞ, ಪೌಲ ಯೆಹೂದ್ಯ ಜನಡಡೆಲ್ ಮುಕ್ಯಪಟ್ಟಯಿಂಗಳ ತಾಂಡ ಪಕ್ಕ ಕಾಕ್‌ಚಿಟ್ಟತ್. ಅಯಿಂಗೆಲ್ಲಾರು ಸಬೇಕೂಡ್‌ನ ಪಿಂಞ, ಅಂವೊ ಅಯಿಂಗಳ ನೋಟಿತ್: ನಾಡ ಅಣ್ಣತಮ್ಮಣಂಗಳೇ, ನಾನ್ ನಂಗಡ ಜನಕ್, ನಂಗಡ ಅಜ್ಜಂಗಡ ಆಚಾರಕ್ ವಿರೋದವಾಯಿತ್ ಒಂದು ಮಾಡತೆ ಪೋಚೇಂಗಿಯು, ಯೆರೂಸಲೇಮ್‍ಲ್ ರೋಮ್ ರಾಜ್ಯತ್‍ರ ಜನಡ ಕೈಕ್ ಕೈದಿಯಾಯಿತ್ ನನ್ನ ಒಪ್ಪ್‌ಚಿಟ್ಟತ್.

1 ಥೆಸಲೊನೀಕ 2:16

ಯೆಹೂದ್ಯ ಅಲ್ಲತಯಿಂಗ ಯೇಸುನ ನಂಬಿತ್ ದೇವಡ ಮಕ್ಕಳಾಪಕ್ಕಾಗಾಂದ್ ಅಯಿಂಗ ಇನ್ನನೆ ಪ್ರಯತ್ನಪಟ್ಟಂಡುಂಡ್. ಆನಗುಂಡ್, ನಂಗ ಎಲ್ಲಿಕು ಪೋಯಿತ್ ದೇವಡ ತಕ್ಕ್ ಪರಿಯತನೆಕೆ ತಡೆ ಮಾಡಿಯಂಡುಂಡ್. ಅನ್ನನೆ ಅಯಿಂಗ ಅಯಿಂಗಡ ಪಾಪ ಪೂರ್ತಿ ಆಪನೆಕೆ ಮಾಡಿಯಂಡುಂಡ್; ದೇವಡ ಬಲ್ಯ ಚೆಡಿ ಅಯಿಂಗಡ ಮೇಲೆ ದುಂಬ ಬಂದಿತುಂಡ್.