ಅಪೊಸ್ತಲ 25:19 - ಕೊಡವ ಬೈಬಲ್

¹⁹ ಅದ್ಂಗ್ ಬದ್‍ಲ್ ಅಯಿಂಗ ಪರ್ಂದ ಕುತ್ತನೆಲ್ಲ ಅಯಿಂಗಡ ಮಾರ್ಗತ್‍ರ ವಿಷಯವಾಯಿತು, ಚತ್ತ್‌ಪೋನ ಯೇಸು ಇಕ್ಕ ಜೀವವಾಯಿತ್ ಉಂಡ್‍ೕಂದ್ ಪೌಲ ತರ್ಕ ಮಾಡ್‌ವದೇ ಅಯಿಂಗ ಅಂವೊಂಡ ಮೇಲೆ ಎಣ್ಣುವ ಕುತ್ತವಾಯಿತ್ಂಜತ್.

ಅಪೊಸ್ತಲ 25:19 ပူးပေါင်းရင်းမြစ်များ

ಅಪೊಸ್ತಲ 1:22

ಯೇಸು ನಂಗಡ ಮದ್ಯತ್ ಸೇವೆ ಮಾಡಿಯಂಡಿಂಜ ಕಾಲತ್‍ಲ್, ನಂಗಡ ಕೂಡೆ ಇಂಜ ಒಬ್ಬ, ಯೇಸು ಚಾವ್‍ಯಿಂಜ ಪುನಃ ಜೀವವಾಯಿತ್ ಬಾತ್‍ೕಂದ್ ಉಳ್ಳ ವಿಷಯತ್‍ನ ನಂಗಡನೆಕೆ ಸಾಕ್ಷಿಯಾಯಿತ್ ಎಣ್ಣ್‌ವಂವೊನ ನೇಮಿಚಿಡಡೂಂದ್ ಪೇತ್ರ ಎಣ್ಣ್‌ಚಿ.

ಅಪೊಸ್ತಲ 17:31

ದೇವ ಒರ್ ದಿವಸತ್‍ನ ಗೊತ್ತ್ ಮಾಡಿತುಂಡ್; ಅಂವೊ ನೇಮಿಚಿಟ್ಟಂವೊಂಡ ಮೂಲಕ, ಈ ಲೋಕತ್‍ನ ಸರಿಯಾಯಿತ್ ನ್ಯಾಯತೀರ್ಪ್ ಮಾಡ್‌ವ; ಆ ಮನುಷ್ಯನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ನಗುಂಡ್, ಅನ್ನನೆ ಮಾಡ್‌ವಾಂದ್ ಅಂವೊ ಎಲ್ಲಾ ಜನಕು ಸಾಕ್ಷಿಯಾಯಿತ್ ಮಾಡ್‍ಚೀಂದ್ ಪೌಲ ಎಣ್ಣ್‌ಚಿ.

ಅಪೊಸ್ತಲ 18:15

ಆಚೇಂಗಿ ನಿಂಗ ಕುತ್ತ ಪರಿಯುವ ವಿಷಯ, ಬೋದನೆರ ವಿಷಯವಾಯಿತು, ಪೆದತ್‍ರ ವಿಷಯವಾಯಿತು ಪಿಂಞ ನಿಂಗಡ ಸ್ವಂತ ನ್ಯಾಯಪ್ರಮಾಣತ್‍ರ ವಿಷಯವಾಯಿತುಳ್ಳಗುಂಡ್, ಇದ್‍ನ ವಿಚಾರಣೆ ಮಾಡ್‌ವಕ್ ನಾಕ್ ಕುಶಿ ಇಲ್ಲೆ, ನಿಂಗಳೇ ಸರಿ ಮಾಡಿಯೊಳೀಂದ್ ಎಣ್ಣ್‌ಚಿ.

ಅಪೊಸ್ತಲ 18:19

ಪೌಲ ಎಫೆಸ ಪಟ್ಟಣಕ್ ಬಪ್ಪಕ, ಅಯಿಂಗಳ ಅಲ್ಲೇ ಬುಟ್ಟತ್. ತಾನ್ ಮಾತ್ರ ಸಬಾಮಂದಿರತ್‍ರ ಒಳ್‍ಕ್ ಪೋಯಿತ್ ಯೆಹೂದ್ಯಂಗಡ ಕೂಡೆ ವಾದ ಮಾಡ್‍ಚಿ.

ಅಪೊಸ್ತಲ 2:32

ಈ ಯೇಸುನ ದೇವ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್; ಇದ್ಂಗ್ ನಂಗ ಎಲ್ಲಾರು ಸಾಕ್ಷಿಯಾಯಿತ್ ಉಂಡ್.

ಅಪೊಸ್ತಲ 23:29

ಅಲ್ಲಿ ಅಯಿಂಗ ತಂಗಡ ನ್ಯಾಯಪ್ರಮಾಣತ್‍ರ ವಿಷಯತ್‍ಲ್ ಇಂವೊಂಡ ಮೇಲೆ ಕುತ್ತ ಪರ್ಂದದಲ್ಲತೆ, ಮರಣ ದಂಡನೆಕ್ ಅಥವ ಜೈಲ್‍ಲ್ ಇಡ್‍ವಕುಳ್ಳ ಏದ್ ತಪ್ಪು ಇಂವೊಂಡ ಮೇಲೆ ಇಲ್ಲೇಂದ್ ನಾಕ್ ಗೊತ್ತಾಚಿ.

ಅಪೊಸ್ತಲ 25:18

ಕುತ್ತ ಪರ್ಂದಯಿಂಗ ಅಂವೊಂಗ್ ವಿರೋದವಾಯಿತ್ ನಿಂದಿತ್, ನಾನ್ ಗೇನ ಮಾಡ್‍ನ ಒರ್ ಕುತ್ತತ್‍ನ ಸಹ ಅಂವೊಂಡ ಮೇಲೆ ಎಣ್ಣಿತ್‌ಲ್ಲೆ.

ಅಪೊಸ್ತಲ 25:7

ಪೌಲ ಅಲ್ಲಿ ಬಪ್ಪಕ, ಯೆರೂಸಲೇಮ್ಂಜ ಬಂದಿತ್ಂಜ ಯೆಹೂದ್ಯಂಗ ಅಂವೊಂಡ ಸುತ್ತ್‌ಲ್ ನಿಂದಂಡ್ ಅಯಿಂಗ ನಿರೂಬಿಚಿಡ್‍ವಕ್ ಕಯ್ಯತ ದುಂಬ ಕಠಿಣವಾನ ಕುತ್ತತ್‍ನೆಲ್ಲ ಅಂವೊಂಡ ಮೇಲೆ ಎಣ್ಣ್‌ಚಿ.

ಅಪೊಸ್ತಲ 26:3

ಮುಕ್ಯವಾಯಿತ್ ಯೆಹೂದ್ಯಂಗಡ ಎಲ್ಲಾ ಪದ್ದತಿರ ಆಚಾರ ವಿಚಾರ ಪಿಂಞ ತಕ್‌ರಾರ್‍ನ ನಿಂಗಕ್ ಚಾಯಿತೆ ಗೊತ್ತುಳ್ಳಗುಂಡ್ ನಾನ್ ಅನ್ನನೆ ಗೇನ ಮಾಡ್‌ವಿ. ಆನಗುಂಡ್ ನಾನ್ ಎಣ್ಣ್‌ವಾನೆಲ್ಲ ತಾಳ್ಮೆಯಿಂಜ ಕ್‍ೕಕಂಡೂಂದ್ ಬೋಡ್‍ವಿ.

ಪ್ರಕಟನೆ 1:18

ನಾನ್ ಚತ್ತ್‌ಪೋನ, ಆಚೇಂಗಿಯು ಇದಾ, ನಾನ್ ಎಕ್ಕಾಲು ಬದ್‍ಕಿಯಂಡುಳ್ಳ. ಚಾವ್ ಪಿಂಞ ಪಾತಾಳತ್‍ರ ಬೀತ್‍ಕೈ ನಾಡ ಪಕ್ಕ ಉಂಡ್.