ಅಪೊಸ್ತಲ 25:16 - ಕೊಡವ ಬೈಬಲ್

¹⁶ ಅದ್ಂಗ್ ನಾನ್ ಅಯಿಂಗಕ್: ಒಬ್ಬಂಡ ಮೇಲೆ ಬೋರೆ ಒಬ್ಬ ಕುತ್ತ ಪರ್ಂದಿತ್, ನ್ಯಾಯಸಬೇಕ್ ಬಪ್ಪಕ, ದಾಡ ಮೇಲೆ ಕುತ್ತ ಪರ್ಂದಿತೋ ಅಂವೊಂಗ್ ತಾಂಡ ಮೇಲೆ ಎಣ್ಣ್‌ವ ಕುತ್ತಕ್ ಜವಾಬ್ ಕೊಡ್‍ಪಕ್ ಅವಕಾಶ ಕೊಡ್‍ಪಕ್ ಮಿಂಞ, ಅಂವೊನ ಮರಣ ದಂಡೆನೆಕ್ ಒಪ್ಪ್‌ಚಿಡ್‍ವದ್ ರೋಮ್ ರಾಜ್ಯತ್‍ರ ಪದ್ದತಿ ಅಲ್ಲಾಂದ್ ಎಣ್ಣ್‌ನ.

ಅಪೊಸ್ತಲ 25:16 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 39:19

ನೀಡ ಆಳ್‌ ನಾಕ್‍ ಇನ್ನನೆ ಮಾಡ್‌ಚೀಂದ್‌ ತಾಂಡ ಪೊಣ್ಣ್‌ ಅಂವೊಂಡ ಪಕ್ಕ ಎಣ್ಣ್‌ನದ್‌ನ ಕ್‍ೕಟಿತ್‌ ಪೋಟಿಫರಂಗ್‌ ದುಂಬ ಚೆಡಿಬಾತ್.

ಜ್ಞಾನತ್‌ರ ಪಡಿಮ 18:13

ವಿಷಯತ್‌ನ ಕ್‍ೕಪಕ್‌ ಮಿಂಞ ಜವಾಬ್ ಕೊಡ್‌ಪಂವೊಂಗ್, ಅದ್‌ ದಡ್ಡತನವು, ಞಾಣ ಕ್‍ೕಡು ಆಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 18:17

ಮಿಂಞ ವಾದ ಮಾಡುವಂವೊ ನೀತಿವಂತಂವೊಂಡನೆಕೆ ಕಾಂಬ. ಆಚೇಂಗಿ ಪ್ರತಿವಾದ ಮಾಡ್‌ವಂವೊ ಬಂದಿತ್‌ ಅಂವೊನ ಪರೀಕ್ಷೆ ಮಾಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:11

ನಿಂಗಳ ಸಬಾಮಂದಿರತ್‍ರ ಪಿಂಞ ನ್ಯಾಯಲಾಯತ್‍ರ ಅದಿಕಾರಿಯಂಗಡ ಮಿಂಞಕ್ ಕಾಕಿಯಂಡ್ ಪೋನಕ, ನಿಂಗ ನಿಂಗಳ ಎನ್ನನೆ ಕಾಪಾಡಂಡೂಂದ್ ಪಿಂಞ ಎಂತ ಎಣ್ಣಂಡೂಂದ್ ಬೇಜಾರ್ ಮಾಡಂಡ.

ಯೋಹಾನ 7:51

ಅಂವೊ: ನಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ಒರ್ ಮನುಷ್ಯನ ತೀರ್ಪ್ ಮಾಡ್‌ವಕ್ ಮಿಂಞ, ಅಂವೊ ಎಂತ ಮಾಡ್‍ಚೀಂದ್ ಅಂವೊಂಡ ತಕ್ಕ್‌ನ ಕ್‍ೕಕಂಡೂಂದ್ ನಂಗಡ ಕಾನೂನ್‌ಲ್ ಉಂಡಲ್ಲಾಂದ್ ಕ್‍ೕಟತ್.

ಅಪೊಸ್ತಲ 23:30

ಯೆಹೂದ್ಯಂಗ ಈ ಮನುಷ್ಯನ ಕೊಲ್ಲ್‌ವಕ್ ಚದಿ ಮಾಡಿತುಂಡ್‍ೕಂದ್ ನಾಕ್ ಗೊತ್ತಾನ ಒಡನೆ, ನಾನ್ ಇಂವೊನ ನಿಂಗಡ ಪಕ್ಕ ಅಯಿಚಿಯೆ; ಇಂವೊಂಡ ಮೇಲೆ ಕುತ್ತ ಪರ್ಂದಿತ್, ಅಂವೊಂಗ್ ವಿರೋದವಾಯಿತ್ ಎಣ್ಣುವಾನ ನಿಂಗಡ ಮಿಂಞತ್ ಎಣ್ಣಂಡೂಂದ್ ಅಯಿಂಗಕು ಸಹ ಅಪ್ಪಣೆ ಕೊಡ್‌ತಿಯೇಂದ್ ಉಳ್ಳದೇ.

ಅಪೊಸ್ತಲ 23:35

ನೀಡ ಮೇಲೆ ಕುತ್ತ ಪರಿಯುವಯಿಂಗ ಬಪ್ಪಕ ನೀಡ ವಿಷಯತ್‍ನ ವಿವರವಾಯಿತ್ ವಿಚಾರಣೆ ಮಾಡ್‌ವೀಂದ್ ಎಣ್ಣಿತ್, ಪೌಲನ ಹೆರೋದಂಡ ಅರಮನೇಲ್ ಉಳ್ಳ ಜೈಲ್‍ಲ್ ಬೆಚ್ಚಿತ್ ಕಾಪಕಾಯಿತ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 26:1

ಅಕ್ಕ ಅಗ್ರಿಪ್ಪ ಪೌಲಂಗ್: ನೀನ್ ನೀಕಾಯಿತ್ ತಕ್ಕ್ ಪರೀಂದ್ ಎಣ್ಣ್‌ಚಿ. ಅಕ್ಕ ಪೌಲ: ಕೈ ನ್‍ೕಟಿತ್ ಅಂವೊಂಗಾಯಿತ್ ವಾದ ಮಾಡ್‌ವಕ್ ಸುರು ಮಾಡ್‍ಚಿ.