ಅಪೊಸ್ತಲ 25:12 - ಕೊಡವ ಬೈಬಲ್

¹² ಅಕ್ಕ, ಫೆಸ್ತ ತಾಂಡ ಆಲೋಚನೆ ಅದಿಕಾರಿಯಂಗಡ ಕೂಡೆ ಆಲೋಚನೆ ಮಾಡ್‍ನ ಪಿಂಞ ಪೌಲಂಗ್: ನೀನ್ ಕೈಸರಂಡ ಪಕ್ಕ ಪೋಕಂಡೂಂದ್ ಎಣ್ಣಿತುಳ್ಳಿಯ, ಅನ್ನನೆ ಕೈಸರಂಡ ಪಕ್ಕ ಪೋಂದ್ ಅಪ್ಪಣೆ ಕೊಡ್‍ತತ್.

ಅಪೊಸ್ತಲ 25:12 ပူးပေါင်းရင်းမြစ်များ

ಮತ್ತಾಯ 22:17

ಇಕ್ಕ ಎಣ್ಣ್, ಕೈಸರಂಗ್ ಕಂದಾಯ ಕೊಡ್‍ಪದ್ ಸರಿಯಾ ತಪ್ಪಾಂದ್ ಕ್‍ೕಟತ್.

ಅಪೊಸ್ತಲ 19:21

ಇನ್ನನೆಲ್ಲ ಆನ ಪಿಂಞ ಪೌಲ, ತಾನ್ ಮಕೆದೋನ್ಯಕ್ ಪೋಪಕ್ ಮಿಂಞ ಅಖಾಯ ಪಟ್ಟಣಕ್ ಪೋಯಿತ್, ಬಯ್ಯ ಯೆರೂಸಲೇಮ್‌ಕ್ ಪೋಪೀಂದ್ ಅಂವೊಂಡ ಆತ್ಮತ್‍ಲ್ ಗೇನ ಮಾಡಿತ್: ನಾನ್ ಅಲ್ಲಿಕ್ ಪೋನ ಪಿಂಞ ರೋಮ್ ಪಟ್ಟಣಕ್ ಪೋಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 23:11

ಆ ದಿವಸ ಬಯಿಟ್, ಒಡೆಯ ಪೌಲಂಡ ಪಕ್ಕ ನಿಂದಿತ್ ದೈರ್ಯವಾಯಿತ್ ಇರ್; ನೀನ್ ಯೆರೂಸಲೇಮ್‍ಲ್ ನಾಡ ಸಂಗತಿನ ಸಾಕ್ಷಿಯಾಯಿತ್ ಎಣ್ಣ್‌ನನೆಕೆ, ರೋಮ್ ಪಟ್ಟಣತ್‌ಲು ಸಾಕ್ಷಿ ಎಣ್ಣಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 25:11

ನಾನ್ ಅನ್ಯಾಯ ಮಾಡಿತ್, ಮರಣ ದಂಡನೆಕ್ ಯೋಗ್ಯನಾಯಿತ್ಂಜತೇಂಗಿ, ಆ ಶಿಕ್ಷೆಯಿಂಜ ತಪ್ಪಿಚಿಡ್‌ವಕ್ ನಾನ್ ಪ್ರಯತ್ನ ಪಡುಲೆ. ಆಚೇಂಗಿ ಈ ಯೆಹೂದ್ಯಂಗ ನಾಡ ಮೇಲೆ ಎಣ್ಣುವ ಕುತ್ತತ್‍ಲ್ ಸತ್ಯ ಇಲ್ಲತಪೋನಕ, ಈಂಗಡ ಪಕ್ಕ ನನ್ನ ಒಪ್ಪ್‌ಚಿಡುವಕ್ ದಾರ್‌ಕು ಅದಿಕಾರ ಇಲ್ಲೆ. ಆನಗುಂಡ್ ಕೈಸರ ನನ್ನ ವಿಚಾರಣೆ ಮಾಡ್‌ವಕ್ ಬೋಡ್‌ವೀಂದ್ ಎಣ್ಣ್‌ಚಿ.

ಅಪೊಸ್ತಲ 25:13

ಚೆನ್ನ ದಿವಸ ಆನ ಪಿಂಞ, ಅಗ್ರಿಪ್ಪ ರಾಜನು, ಅಂವೊಂಡ ಪೊಣ್ಣ್ ಬೆರ್ನಿಕೆ ರಾಣಿಯು ಫೆಸ್ತನ ಗನ ಪಡ್‍ತ್‍ವಕಾಯಿತ್ ಅಂವೊನ ಕಾಂಬಕ್ ಕೈಸರೈಯಕ್ ಬಾತ್.

ಅಪೊಸ್ತಲ 25:21

ಅದ್ಂಗ್ ಪೌಲ: ಕೈಸರಂಡ ಮಿಂಞತ್ ನ್ಯಾಯ ವಿಚಾರಣೆ ಪಡೆಯುವನೆಕೆ ನಾಕ್ ಅನುಮತಿ ಕೊಡ್‍ೕಂದ್ ಕ್‍ೕಟತ್. ಆನಗುಂಡ್ ನಾನ್ ಚಕ್ರವರ್ತಿರ ಪಕ್ಕ ಅಯಿಪಕತ್ತನೆ ಅಂವೊನ ಕಾಪಕ್ ಹುಕುಮ್ ಕೊಡ್‌ತಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 26:32

ಅಗ್ರಿಪ್ಪ, ಫೆಸ್ತಂಗ್: ಈ ಮನುಷ್ಯ ಕೈಸರಂಡ ಮಿಂಞ ನ್ಯಾಯ ಕ್‍ಟ್ಟಂಡೂಂದ್ ಬೋಡತೆ ಇಂಜತೇಂಗಿ ಇಂವೊನ ಬುಡ್‌ತುವಕಿಂಜತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 27:1

ನಂಗ ಸಮುದ್ರ ಮಾರ್ಗವಾಯಿತ್ ಇತಾಲ್ಯ ದೇಶಕ್ ಪೋಕಂಡೂಂದ್ ತೀರ್ಮಾನ ಮಾಡ್‍ನ ಪಿಂಞ ಔಗುಸ್ತ ಎಣ್ಣುವ ಚಕ್ರವರ್ತಿರ ಪೆದ ಉಳ್ಳ ಪಟಾಲತ್‍ರ ನೂರ್ ಸಿಪಾಯಿಯಂಗಡ ಅದಿಕಾರಿಯಾನ ಯೂಲ್ಯ ಎಣ್ಣ್‌ವಂವೊಂಡ ಪಕ್ಕ ಪೌಲ ಪಿಂಞ ಅಂವೊಂಡ ಕೂಡೆ ಇಂಜ ಚೆನ್ನ ಕೈದಿಯಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 28:16

ನಂಗ ರೋಮ್ ಪಟ್ಟಣಕ್ ಎತ್ತ್‌ವಕ, ಪೌಲ, ಅಂವೊನ ಕಾತಂಡಿಂಜ ಸಿಪಾಯಿರ ಕೂಡೆ ಬೋರೆಯಾಯಿತ್ ಇಪ್ಪಕ್ ಅನುಮತಿ ಕ್‍ಟ್ಟ್‌ಚಿ.

ಫಿಲಿಪ್ಪಿ 1:20

ಆನಗುಂಡ್, ನಾನ್ ಆಸೇಲ್ ಪಾರಕಾತಂಡ್ ದೇವಡ ಮೇಲೆ ದುಂಬ ನಂಬಿಕೆ ಬೆಚ್ಚಿತುಳ್ಳಗುಂಡ್, ನಾಕ್ ಇದ್ಂಡ ವಿಷಯತ್‍ಲ್ ಞಾಣ ಆಪುಲೆ, ಅದ್ಂಡ ಬದ್‍ಲ್ ನಾನ್ ಮಿಂಞ ಇಂಜನೆಕೆ ಇಕ್ಕಲು ಯೇಸುರ ವಿಷಯತ್‍ಲ್ ದೈರ್ಯತ್‍ಲ್ ಇಪ್ಪಿ. ನಾನ್ ಬದ್‍ಕ್‍ಚೇಂಗಿಯು ಚತ್ತತೇಂಗಿಯು ಯೇಸು ಕ್ರಿಸ್ತನ ಮಹಿಮೆ ಪಡ್‍ತ್‍ವೀಂದ್ ನಾಕ್ ನಂಬಿಕೆ ಉಂಡ್.