ಅಪೊಸ್ತಲ 25:11 - ಕೊಡವ ಬೈಬಲ್

¹¹ ನಾನ್ ಅನ್ಯಾಯ ಮಾಡಿತ್, ಮರಣ ದಂಡನೆಕ್ ಯೋಗ್ಯನಾಯಿತ್ಂಜತೇಂಗಿ, ಆ ಶಿಕ್ಷೆಯಿಂಜ ತಪ್ಪಿಚಿಡ್‌ವಕ್ ನಾನ್ ಪ್ರಯತ್ನ ಪಡುಲೆ. ಆಚೇಂಗಿ ಈ ಯೆಹೂದ್ಯಂಗ ನಾಡ ಮೇಲೆ ಎಣ್ಣುವ ಕುತ್ತತ್‍ಲ್ ಸತ್ಯ ಇಲ್ಲತಪೋನಕ, ಈಂಗಡ ಪಕ್ಕ ನನ್ನ ಒಪ್ಪ್‌ಚಿಡುವಕ್ ದಾರ್‌ಕು ಅದಿಕಾರ ಇಲ್ಲೆ. ಆನಗುಂಡ್ ಕೈಸರ ನನ್ನ ವಿಚಾರಣೆ ಮಾಡ್‌ವಕ್ ಬೋಡ್‌ವೀಂದ್ ಎಣ್ಣ್‌ಚಿ.

ಅಪೊಸ್ತಲ 25:11 ပူးပေါင်းရင်းမြစ်များ

ಅಪೊಸ್ತಲ 16:37

ಅದ್ಂಗ್ ಪೌಲ: ರೋಮ್ ರಾಜ್ಯತ್‍ರ ಪ್ರಜೆಯಳಾನ ನಂಗಳ, ಏದ್ ವಿಚಾರಣೆಯು ಮಾಡತೆ, ಎಲ್ಲಾಡ ಮಿಂಞತ್‍ಲ್ ಪೊಜ್ಜಿತ್, ಜೈಲ್‌ಕ್ ಇಟ್ಟತ್. ಇಕ್ಕ ಗುಟ್ಟಾಯಿತ್ ನಂಗಳ ಪೊರಮೆ ಅಯಿಪದಾ? ಅನ್ನನೆ ಆಪಕ್ಕಾಗ; ಅಯಿಂಗಳೇ ಬಂತ್ ನಂಗಳ ಪೊರಮೆ ಕಾಕಿಯಂಡ್ ಪೋಯಿತ್ ಅಯಿಕಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 18:14

ಪೌಲ ಪ್ರತಿವಾದ ಮಾಡ್‌ವಕ್ ಸುರು ಮಾಡ್‌ವಕ, ಗಲ್ಲಿಯೋನ ಯೆಹೂದ್ಯಂಗಳ ನೋಟಿತ್: ನಿಂಗ ಕುತ್ತ ಪರಿಯುವ ವಿಷಯ ಒರ್ ಅನ್ಯಾಯ ಕಾರ್ಯವಾಯಿತೋ ಅಥವ ನ್ಯಾಯಪ್ರಮಾಣಕ್ ವಿರೋದವಾನ ಪಾಪವಾಯಿತೋ ಇಂಜತೇಂಗಿ, ನಾನ್ ವಿಚಾರಣೆ ಮಾಡ್‍ವಕಿಂಜ್.

ಅಪೊಸ್ತಲ 22:25

ಅಯಿಂಗ ಪೌಲನ ನೇರಾಯಿತ್ ನಿಪ್ಪ್‌ಚಿಟ್ಟಿತ್ ಕೆಟ್ಟ್‌ವಕ, ಪೌಲ ಅಂವೊಂಡ ಪಕ್ಕತ್‍ಲ್ ನಿಂದಂಡಿಂಜ ನೂರ್ ಸಿಪಾಯಿಯಂಗಡ ಅದಿಕಾರಿನ ನೋಟಿತ್: ರೋಮ್‌ ರಾಜ್ಯತ್‍ರ ಪ್ರಜೆಯಾನ ನನ್ನ ನ್ಯಾಯ ವಿಚಾರಣೆ ಮಾಡತೆ ಕೊರಡಿಂಜ ಪೊಯ್ಯುವದ್ ನ್ಯಾಯವಾಂದ್ ಕ್‍ೕಟತ್.

ಅಪೊಸ್ತಲ 25:10

ಅದ್ಂಗ್ ಪೌಲ: ನಾನ್ ಇಕ್ಕ ಕೈಸರಂಡ ನ್ಯಾಯಾಸ್ತಾನತ್‍ರ ಮಿಂಞ ನಿಂದಂಡುಂಡ್; ಇಲ್ಲಿಯೇ ನಾಡ ವಿಚಾರಣೆ ಆಂಡು. ಯೆಹೂದ್ಯಂಗಕ್ ನಾನ್ ಅನ್ಯಾಯ ಮಾಡಿತ್‌ಲ್ಲೆ; ಅದ್ ನಿಂಗಕು ಚಾಯಿತೆ ಗೊತ್ತುಂಡ್.

ಅಪೊಸ್ತಲ 25:12

ಅಕ್ಕ, ಫೆಸ್ತ ತಾಂಡ ಆಲೋಚನೆ ಅದಿಕಾರಿಯಂಗಡ ಕೂಡೆ ಆಲೋಚನೆ ಮಾಡ್‍ನ ಪಿಂಞ ಪೌಲಂಗ್: ನೀನ್ ಕೈಸರಂಡ ಪಕ್ಕ ಪೋಕಂಡೂಂದ್ ಎಣ್ಣಿತುಳ್ಳಿಯ, ಅನ್ನನೆ ಕೈಸರಂಡ ಪಕ್ಕ ಪೋಂದ್ ಅಪ್ಪಣೆ ಕೊಡ್‍ತತ್.

ಅಪೊಸ್ತಲ 25:21

ಅದ್ಂಗ್ ಪೌಲ: ಕೈಸರಂಡ ಮಿಂಞತ್ ನ್ಯಾಯ ವಿಚಾರಣೆ ಪಡೆಯುವನೆಕೆ ನಾಕ್ ಅನುಮತಿ ಕೊಡ್‍ೕಂದ್ ಕ್‍ೕಟತ್. ಆನಗುಂಡ್ ನಾನ್ ಚಕ್ರವರ್ತಿರ ಪಕ್ಕ ಅಯಿಪಕತ್ತನೆ ಅಂವೊನ ಕಾಪಕ್ ಹುಕುಮ್ ಕೊಡ್‌ತಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 25:25

ಇಂವೊ ಮರಣ ಶಿಕ್ಷೆಕ್ ಕಾರಣವಾಯಿತ್ ಒಂದು ಮಾಡಿತ್‌ಲ್ಲೇಂದ್ ನಾಕ್ ಗೊತ್ತಾಚಿ. ಆಚೇಂಗಿ, ಇಂವೊ ಚಕ್ರವರ್ತಿರ ಪಕ್ಕ ನ್ಯಾಯಕಾಯಿತ್ ನಿಪ್ಪಕ್ ಬೋಡ್‍ನಗುಂಡ್ ಇಂವೊನ ಅಯಿಪಕ್ ತೀರ್ಮಾನ ಮಾಡಿಯೆ.

ಅಪೊಸ್ತಲ 26:32

ಅಗ್ರಿಪ್ಪ, ಫೆಸ್ತಂಗ್: ಈ ಮನುಷ್ಯ ಕೈಸರಂಡ ಮಿಂಞ ನ್ಯಾಯ ಕ್‍ಟ್ಟಂಡೂಂದ್ ಬೋಡತೆ ಇಂಜತೇಂಗಿ ಇಂವೊನ ಬುಡ್‌ತುವಕಿಂಜತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 28:19

ಅದ್ಂಗ್ ಯೆಹೂದ್ಯಂಗ ವಿರೋದವಾಯಿತ್ ಪರ್ಂದಗುಂಡ್, ನಾನ್ ಕೈಸರಂಡ ಮಿಂಞತ್ ನಿಪ್ಪಕ್ ಬೋಡ್‍ವಕಾಚಿ. ಆಚೇಂಗಿಯು, ನಾಡ ಜನತ್‍ರ ಮೇಲೆ ಏದ್ ಕುತ್ತವು ಪರಿಯುವಕಾಯಿತ್ ನಾನ್ ಅನ್ನನೆ ಮಾಡಿತ್‌ಲ್ಲೆ.

1 ಥೆಸಲೊನೀಕ 2:15

ಅಲ್ಲಿಯತ್‍ರ ಯೆಹೂದ್ಯಂಗ, ಒಡೆಯನಾನ ಯೇಸುನ ಪಿಂಞ ಪ್ರವಾದಿಯಳ ಕೊಂದಯಿಂಗ. ಇಕ್ಕ ನಂಗಕ್ ಹಿಂಸೆ ಕೊಡ್‌ತಂಡ್, ದೇವಕ್ ಕುಶಿಯಿಲ್ಲತಯಿಂಗಳಾಯಿತ್ ಉಂಡ್. ಜನಳ ಅಯಿಂಗ ದ್ವೇಶ ಮಾಡಿಯಂಡುಂಡ್.