ಅಪೊಸ್ತಲ 24:8 - ಕೊಡವ ಬೈಬಲ್

⁸ ಇಂವೊಂಡ ಮೇಲೆ ಕುತ್ತ ಪರಿಯುವಯಿಂಗ ನಿಂಗಡ ಪಕ್ಕ ಬಪ್ಪಕ್ ಹುಕುಮ್ ಕೊಡ್‍ತತ್. ನಿಂಗ ಇಂವೊನ ಚಾಯಿತೆ ವಿಚಾರಣೆ ಮಾಡ್‍ಚೇಂಗಿ, ನಂಗ ಇಂವೊಂಡ ಮೇಲೆ ಎಣ್ಣುವ ಕುತ್ತ ಎಲ್ಲಾ ನೇರ್‍ೕಂದ್ ನಿಂಗಕೇ ಗೊತ್ತಾಪಾಂದ್ ಎಣ್ಣ್‌ಚಿ.

ಅಪೊಸ್ತಲ 24:8 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:14

ಇಂವೊ ಜನಳ ಕಲಹ ಮಾಡಂಡೂಂದ್ ಪಾಳ್ ಬಟ್ಟೇಕ್ ಕಾಕಿಯಂಡ್ ಪೋಯಂಡ್ ಉಂಡ್‍ೕಂದ್ ಎಣ್ಣಿರಲ್ಲ, ಆಚೇಂಗಿ ಇಂವೊಂಗ್ ನಾನ್ ನಿಂಗಡ ಮಿಂಞತ್‍ಲ್ ಪ್ರಶ್ನೆ ಇಟ್ಟಿಯೆ, ಅಂತು ನಿಂಗ ಇಂವೊ ಇಂತದೆಲ್ಲ ಮಾಡ್‍ಚೀಂದ್ ಕುತ್ತಪರ್ಂದನೆಕೆ ನಾನ್ ಇಂವೊಂಡ ಮೇಲೆ ಒರ್ ತಪ್ಪು ಕಂಡ್‌ಪುಡಿಪಕ್ ಕಯಿಂಜಿತ್‌ಲ್ಲೆ.

ಅಪೊಸ್ತಲ 23:30

ಯೆಹೂದ್ಯಂಗ ಈ ಮನುಷ್ಯನ ಕೊಲ್ಲ್‌ವಕ್ ಚದಿ ಮಾಡಿತುಂಡ್‍ೕಂದ್ ನಾಕ್ ಗೊತ್ತಾನ ಒಡನೆ, ನಾನ್ ಇಂವೊನ ನಿಂಗಡ ಪಕ್ಕ ಅಯಿಚಿಯೆ; ಇಂವೊಂಡ ಮೇಲೆ ಕುತ್ತ ಪರ್ಂದಿತ್, ಅಂವೊಂಗ್ ವಿರೋದವಾಯಿತ್ ಎಣ್ಣುವಾನ ನಿಂಗಡ ಮಿಂಞತ್ ಎಣ್ಣಂಡೂಂದ್ ಅಯಿಂಗಕು ಸಹ ಅಪ್ಪಣೆ ಕೊಡ್‌ತಿಯೇಂದ್ ಉಳ್ಳದೇ.

ಅಪೊಸ್ತಲ 23:35

ನೀಡ ಮೇಲೆ ಕುತ್ತ ಪರಿಯುವಯಿಂಗ ಬಪ್ಪಕ ನೀಡ ವಿಷಯತ್‍ನ ವಿವರವಾಯಿತ್ ವಿಚಾರಣೆ ಮಾಡ್‌ವೀಂದ್ ಎಣ್ಣಿತ್, ಪೌಲನ ಹೆರೋದಂಡ ಅರಮನೇಲ್ ಉಳ್ಳ ಜೈಲ್‍ಲ್ ಬೆಚ್ಚಿತ್ ಕಾಪಕಾಯಿತ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 24:7

ಆಚೇಂಗಿ ಸೇನೆರ ಅದಿಕಾರಿಯಾನ ಲೂಸ್ಯನು ಬಂದಿತ್, ಒತ್ತಾಯ ಮಾಡಿತ್ ಅಂವೊನ ನಂಗಡಿಂಜ ಬಲ್‍ಚಂಡ್ ಪೋಯಿರ್‌ತ್.

ಅಪೊಸ್ತಲ 24:9

ತೆರ್ತುಲ್ಲ ಎಣ್ಣ್‌ನದೆಲ್ಲ ಸತ್ಯಾಂದ್ ಎಲ್ಲಾ ಯೆಹೂದ್ಯಂಗಳು ಎಣ್ಣ್‌ಚಿ.

ಅಪೊಸ್ತಲ 25:5

ಆನಗುಂಡ್, ನಿಂಗಡ ಪಕ್ಕ ಉಳ್ಳ ಮುಕ್ಯಪಟ್ಟಯಿಂಗ ನಾಡ ಕೂಡೆ ಬರಡ್, ಅಲ್ಲಿ ಬಂದಿತ್, ಆ ಮನುಷ್ಯಂಡ ಮೇಲೆ ತಪ್ಪ್ ಎಂತಾಚು ಇಂಜತೇಂಗಿ ಆ ಕುತ್ತತ್‍ನ ಅಂವೊಂಡ ಮೇಲೆ ಎಣ್ಣಡ್‍ೕಂದ್ ಎಣ್ಣ್‌ಚಿ.