ಅಪೊಸ್ತಲ 24:3 - ಕೊಡವ ಬೈಬಲ್

³ ಇದ್‍ನ ನಂಗ ಎಲ್ಲಾ ಜಾಗತ್‍ಲು, ಎಕ್ಕಾಲು ಗೇನ ಮಾಡಿಯಂಡುಂಡ್, ನಿಂಗಡ ವಿಷಯತ್‍ಲ್ ನಂಗ ದುಂಬ ಕುಶಿಪಟ್ಟಂಡ್ ವಂದನೆ ಎಣ್ಣಿಯಂಡುಂಡ್.

ಅಪೊಸ್ತಲ 24:3 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:3

ಆನಗುಂಡ್ ಆದಿಯಿಂಜ ನಡ್ಂದ ಘಟನಾವಳಿನ ಪರಿಶೀಲನೆ ಮಾಡಿತ್, ನಾನ್ ನಿಂಗಕ್ ಕ್ರಮತ್‍ಲ್ ಒಳ್‍ದ್‍ವದ್ ಚಾಯೀಂದ್ ನಾಕ್ ಗೊತ್ತಾಚಿ.

ಅಪೊಸ್ತಲ 23:24

ಕುದ್‌ರೆಯಳ ತಯಾರ್ ಮಾಡಿತ್ ಪೌಲನ ಅದ್‍ಲ್ ಪತ್ತ್‌ವಕ್ ಮಾಡಿತ್, ದೇಶಾದಿಪತಿಯಾನ ಫೇಲಿಕ್ಸಂಡ ಪಕ್ಕ ಬದ್ರವಾಯಿತ್ ಕಾಕಿಯಂಡ್ ಪೋಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 23:26

ಅದ್ ಎಂತ ಎಣ್ಣ್‌ಚೇಂಗಿ: ಬಲ್ಯ ಗನತ್‍ರ ದೇಶಾದಿಪತಿಯಾನ ಫೇಲಿಕ್ಸಂಗ್, ಕ್ಲೌದ್ಯ ಲೂಸ್ಯ ವಂದನೆ ಮಾಡಿತ್ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ:

ಅಪೊಸ್ತಲ 23:33

ಪೌಲನ ಕಾಕಿಯಂಡ್ ಪೋನಯಿಂಗ ಕೈಸರೈಯ ಪಟ್ಟಣಕ್ ಎತ್ತಿತ್, ದೇಶಾದಿಪತಿಕ್ ಕಾಗದತ್‍ನ ಕೊಡ್‌ತಿತ್, ಪೌಲನ ಸಹ ಅಂವೊಂಡ ಮಿಂಞತ್‍ಲ್ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 24:2

ಪೌಲನ ಅಯಿಂಗಡ ಮಿಂಞ ನಿಪ್ಪ್‌ಚಿಟ್ಟ ಪಿಂಞ: ತೆರ್ತುಲ್ಲ ಅಂವೊಂಡ ವಾದತ್‍ನ ಸುರು ಮಾಡ್‍ಚಿ. ಬಲ್ಯ ಗೌರವವುಳ್ಳ ಫೇಲಿಕ್ಸನೇ, ನೀಡಗುಂಡ್ ನಂಗಕ್ ದುಂಬ ಕಾಲತ್ಂಜ ಸಮಾದಾನ ಉಂಡ್. ನೀನ್ ಈ ದೇಶತ್‍ನ ನೀಡ ಚಾಯಿ ಕೆಲಸತ್‍ರಗುಂಡ್ ಅಬಿವೃದಿ ಮಾಡಿಯಂಡುಂಡ್.

ಅಪೊಸ್ತಲ 24:4

ದುಂಬ ವಿಷಯತ್‍ನ ಎಣ್ಣಿತ್ ನಿಂಗಳ ಬೇಜಾರ್ ಮಾಡ್‌ವಕ್ ನಾಕ್ ಮನಸ್ಸ್ ಇಲ್ಲೆ. ಆಚೇಂಗಿ, ನಾನ್ ಎಣ್ಣ್‌ವ ತಕ್ಕ್‌ನ ದಯಬೆಚ್ಚಿತ್ ಕ್‍ೕಕಂಡೂಂದ್ ಬೋಡ್‍ವಿ.

ಅಪೊಸ್ತಲ 26:25

ಅದ್ಂಗ್ ಪೌಲ: ಮಹಾ ಗೌರವವುಳ್ಳ ಫೆಸ್ತನೇ, ನಾನ್ ಪುಚ್ಚ್ ಪುಡ್‍ಚಂವೊನಲ್ಲ, ಸ್ವಂತ ಬುದ್ದಿವಂತನಾಯಿತ್, ಸತ್ಯ ತಕ್ಕ್‌ನ ಎಣ್ಣಿಯಂಡುಳ್ಳ.